2008年12月6日星期六【第一天】天色晴朗、台中大風
原訂行程：香港 → 台中市 → 大坑風景區 → 台中火車站 → 精明一街 / 中華路夜市。
住宿 – 台中市 (華登商務大飯店)
實際行程：香港 → 台中市 → 梧棲漁港 → 逢甲夜市 → 精明一街。
住宿 – 台中市 (華登商務大飯店)
今天不如過往，要大清早下床，跑到機場趕上飛機。原因是今天是搭乘港龍航空KA490航班，預定起飛的時間是11:30，所以可以很休閒地到機場了。
到達機場，先到港龍的網上預辦登機的電腦櫃台，列印登機證，再到Check-in櫃台把行李託運，跟著便到離境大堂領取入台證。很順利，大約10分鐘左右入台證便到手了。
一如既往，也是在大家樂快餐店吃同一款式早餐，吞拿魚三文治 + 熱咖啡。
香港國際機場大家樂快餐店
時間尚早，在機場的候機大堂閒逛，還想著會有聖誕節的裝飾，可能是12月初，這些裝飾還未掛上罷。
香港國際機場停機坪
19號登機口
香港國際機場跑道上
飛越香港國際機場
今天我們所搭乘的航機是Airbus A321，航機每一個座位上已有一位乘客。但機艙內並沒有因為人多而感到嘈雜。
今天的飛機餐有雞肉、冬菇、菜，味道很好。
飛機餐
台中清泉崗機場，我們又見面啦！
今天台中煙霞比較大，太陽伯伯好像也在躲懶，不見其踪影，但風還是蠻大的。
台中 ─ 清泉崗機場跑道
台中 ─ 清泉崗機場戰機停放處
降落台中 ─ 清泉崗機場
下機後，就在停機坪走往辦理入境的櫃台。在櫃台的隔壁，看到有一個辦理落地簽證的櫃台。
取回行李便步出接機大堂，但看不到格上租車的職員，再走出機場大樓，也看不到我想找的人和車。走回接機大堂，就看到一名格上租車的職員舉著寫上我的名字的牌，我跟他打個招呼，便跟他上了車子，到台中市的租車站辦理租車手續。(我前幾次都是在機場大樓旁私車子內辦手續的)
在車裏跟這名小伙子閒聊，才知道他早在11:30已在接機大堂等我，問我是否航班延誤。我說不是啊，11:30是在香港起飛的時間而不是到達台灣的時間啊！
差不多走了30分鐘的車程，到達台中的租車站。辦妥手續便取車，原來就是剛才所搭乘的車，這車我們初步感覺很滿意。小伙子說，公司已交帶，所以預備了一輛較新的車給客人。其實我在格上租車至今，除了上一個行程所租的車不滿意外，每一次所租用的車是很滿意的，尤其是第一次，簡直是新車一輛。
取車後，我們便到今晚入住的華登商務大飯店Check-in。這間飯店真的不錯啊！位置旺中帶靜，房間整潔寬敞，房租合理，有飯店自己的免費停車場使用，有貼心酒店服務人員，值得推薦。
台中市 ─ 華登商務大飯店(照片的左面便是停車場)
商務房
地圖
為何在下面的照片中又見到有墨魚？原因是我們又到了台中的梧棲漁港呀！
不知是什麼原因，我們總是喜歡到漁港的，可能正如蔡太所講，我們是喜歡漁港內的魚腥味？
其實因為這些都是食用魚而不是觀賞魚，有很多的魚種是在香港從未看到過的，感覺很是有趣。
白灼墨魚
因為上一次到梧棲漁港嚐試過白灼墨魚的美味，所以今次當然是不會錯過啦。可能不是墨魚季節，售賣白灼墨魚的攤販只有一檔而已。
白灼墨魚，好好味啊！
大大條石狗公
紅條？在香港是不是叫紅班呢？
這麼大的一個魚頭
Blog友 Ah So說這一個是吞拿魚頭。
是煙仔嗎？
看到有釣友在岸邊垂釣嗎？
這裏應該是有好收穫的，不然又怎會在天寒地凍的碼頭釣魚呢？
2479QQ就是我們是次旅程的千里馬
台中 ─ 梧棲漁港看日落
欣賞完是次旅程的第一個日落後，便到逢甲夜市食小吃。可能今天是星期六的關係，逢甲夜市超多人啊！不時也聽到熟識的廣東話呢！
台中 ─ 逢甲夜市
實在是太多人啦！我們也透不過氣來了。於是改變計劃到精明一街用晚餐。
台中市 ─ 塞車中
台中市 ─ 精明一街 Fatty's Italian Restaurant 意大利餐廳
這是一間我們喜愛的意大利餐廳。
如自駕遊的話，在精明一街附近的街道有收費的停車位，也可以將車停在多層停車場內。
好味餐包
火腿 + 意式臘肉腸 + 香菇芝士薄餅
還有的是鮮嫩烤雞半隻，沙律及細樽裝可樂。因為只想著吃，忘了拍照。
是日晚餐消費台幣1,000元(244港元)
(行程中的消費，兌換率以1港元兌4.1台幣計算)
飽餐後便回飯店休息，在電視的新聞裏，知道合歡山剛在今天下了今年的瑞雪啦！
希望星期二我在合歡山有機會賞雪啊！
[今天2479QQ走了74Km]
Day 5 of 9 台中 武陵農場 ─ 桃園 拉拉山
祝你有個浪漫情人節!!!!! I just went to Taipei for last month!
回覆刪除[版主回覆02/14/2009 11:50:00]
謝謝你啊！
我現在努力寫緊blog，等一陣再去你個blog欣賞一下你個寶島之旅。
(Empty)
回覆刪除[版主回覆02/14/2009 12:29:00]謝謝你，你都快樂啊！
看到大哥第一天台中的行程都蠻不錯，相信北部的行程也令人期待...
回覆刪除[版主回覆02/14/2009 12:45:00]YES，你答對了。
陸爺，情人節快樂
回覆刪除[版主回覆02/14/2009 16:01:00]謝謝你！
祝你情人節快樂！
情人節快樂 !
回覆刪除[版主回覆02/14/2009 23:06:00]謝謝你，你也快樂啊！
以你所叫的東西來說, 這意大利餐廳算很便宜。
回覆刪除[版主回覆02/15/2009 00:21:00]便宜還在其次，味道真是好到非筆墨所能形容啊！
澳門好像有機會開通往台中的飛機, 係的話, 再去台灣方便多了
回覆刪除逢甲夜市好多人喎, 我以為台中的夜晚好靜添
[版主回覆02/15/2009 16:36:00]如果澳門有航班直飛台中，你唔止方便，去台灣既旅費仲平D添。
台中市夜晚都好旺架，仲塞車添。我覺得台中仲旺過高雄啊！
1733 : 好開心見到台中day 1 了, 哈哈 !! 謝謝你努力的寫呀 !!
回覆刪除[版主回覆02/15/2009 22:30:00]我要謝謝你努力的看啊!!
唔制呀，唔制呀......你update左個blog點解我都係收唔到email通知既
回覆刪除[版主回覆02/16/2009 21:17:00]我話比你知，我已經很多個月沒有收到電郵通知，我的blog友有新發表啦！我只係每晚睇你地有無新料，有就過你地道睇咋！
老哥,您此行的千里馬,跟蔡太他的家的是同款的ㄚ,真是有緣~
回覆刪除[版主回覆02/16/2009 21:19:00]真係咁 arm？這隻千里馬幾好，夠力，省汽油，正。
回覆刪除疑似東星或瓜子，佢地唔當係名貴野！
[版主回覆02/16/2009 21:20:00]英雄所見全同，因為我都係咁諗！
回覆刪除可能係全港最差既大家樂！
[版主回覆02/16/2009 21:22:00]咁我又唔可以有咁既比較，因為我很少幫襯，我比較喜歡幫襯傳統的茶餐廳，價錢平D，地道D。
OH........NO........ ，要send email去問下yahoo先得
回覆刪除[版主回覆02/16/2009 22:06:00]我問過幾次，佢答覆都係Check過啦，無問題噃！死未？
死哂........不過係唔係如果係寫blog既時間效左係將來既時間出的話就不會send email的.......唔知呀，算啦......靠自己勤d check
回覆刪除[版主回覆02/16/2009 22:24:00]我無咁樣set另一個時間出blog噃！咁點解你地出blog我會收唔到email通知呢？
又唔知有幾多blog友好似我咁樣呢？
老友.........都係個句啦......算吧啦......靠自己勤d check
回覆刪除[版主回覆02/16/2009 22:35:00]謝謝你的提點。
謝謝你的留言, 我是因想找一些去台中的資料所以溜覽你的 BLOG..1733你也是台灣通是嗎 :D 想請問台中的機場有兌換店兌換港幣嗎 ? 另外, 請問你知不知道清境到埔里要多少時間 ? 再由埔里到集集又需時多久 ? 謝謝.
回覆刪除[版主回覆02/27/2009 22:46:00]1733你也是台灣通是嗎
當然不是啦！
想請問台中的機場有兌換店兌換港幣嗎 ?
台中清泉岡機場已設有分行是 台灣銀行，你可以直接按這條 link看看→ 台灣銀行
請問你知不知道清境到埔里要多少時間 ?
如果是搭乘公共車輛的話大約是50~60分鐘， 你可以直接按這條 link看看→ 清境旅遊資訊網
再由埔里到集集又需時多久 ?
對不起，這個我真的答不到你啦！
其實台中火車站附近一帶近年來已經沒落了，那裡的商家幾乎都是外勞光顧的地方，假日更可怕，簡直可以用"淪陷"來形容，包括中華路夜市出入也是龍蛇混雜
回覆刪除[版主回覆08/30/2009 22:54:00]原來台中火車站近年來已經變了
嘩 ! 未見過 D 石九公咁大條喎 !! And 嗰個係 tuna 魚頭, 算細架喇, you know!!
回覆刪除[版主回覆07/18/2011 06:42:00]我都只係在台灣見過咁大條既石九公。
係牙！我唔知佢係吞拿魚頭黎架。
其實大部份HK人都識, 不過無留意啫, 佢咪就係嗰條板X壽C老細去日本買番黎嗰種吞拿魚囉, remember?
回覆刪除[版主回覆07/18/2011 20:44:00]我見果D吞拿魚好似無咁細條噃？
哈哈, 大魚做BB嗰陣都係細細條架麻! And 你肯定有見過呀! 你嗰幅相叫"煙仔" 的三條小魚咪係BB吞拿魚囉, Anyway, 你google 番嗰條"板長日本一"出黎对比吓咪知囉!
回覆刪除[版主回覆07/19/2011 21:33:00]在東港漁港見過架喇！
格上而家重有無免費機場接送吖? 如果農曆年 (約 28/01/2012) 去合歡山, 會唔會落雪? D食肆又開返晒未呢?
回覆刪除[版主回覆11/20/2011 19:49:53]這是一定的了。
[老k回覆11/20/2011 18:32:33]咦，重多人左?
重以為趁新年，少D人去唔駛迫添，咁睇黎淸境D民宿都唔方平喇。
[版主回覆11/20/2011 16:46:01]回覆是：『不用擔心，連續假期人潮多，商店更會延長營業時間。』
[老k回覆11/20/2011 11:32:42]唔該晒吖。
[版主回覆11/20/2011 06:37:01]唉！我都唔知道你覆左我添。YB真係麻煩，如果設定是沒有電郵通知，就唔好攪回應串啦！好等我問問清境D民宿朋友先。
[老k回覆11/18/2011 22:00:18]有得 refund 的士費咁好? 好. 等我問下格上先. 其實上合歡山我怕落雪就真, 因團友話唔想係雪地揸車. 係呀,我指清境同日月潭D食肆呀, 麻煩你幫我問下, thanks.
[版主回覆11/18/2011 20:48:36][格上而家重有無免費機場接送吖?] 在台中，如果不是格上他們自己來接，也會叫你自己搭的士去台中的租車據點，然後是他們把的士費用還給你的。不過，你最好在租車時是跟他們確認一下好。[如果農曆年 (約 28/01/2012) 去合歡山, 會唔會落雪? ]很難說會不會啊！要看溫度及濕度而定架。[D食肆又開返晒未呢?]你指既係在清境？咁我就唔知喎？不過如果你想知既話，我可以幫你問問如何？
台中格上回覆了沒有機場接送服務, 其他信用卡又只有9 折, 我想問下你又識唔識人吖?
回覆刪除[版主回覆11/25/2011 20:11:20]咁算啦！攞到75折都唔錯架喇。
[老k回覆11/25/2011 00:00:19]佢完全無提會比返的士錢喎, 我相信都無喇.
[版主回覆11/24/2011 21:31:52]好彩我個名仲用得下啫。我未試過由台中機場坐的士去喎？唔知幾多錢呀！時間就差不多要20分鐘喇。你最好都係再問下佢好D。不過雖然無接送服務啫，都可以比返的士錢架？
[老k回覆11/24/2011 11:52:42]格上好快回覆了 : "感謝陸先生的介紹, 信用卡的部份可以比照桃園高鐵站給您75折優惠, 因台中機場尚無門市櫃檯而辦理手續的部份皆要到門市櫃檯辦理, 目前因人力關係尚無機場接送服務敬請見諒" 算了吧, 無謂強人所難. 由機場坐的士去中港站大約要幾錢同幾耐呀?
[老k回覆11/24/2011 10:46:59]好, 再問下先~
[版主回覆11/24/2011 06:54:21]你有無問佢在台中機場取車得唔得？另外，就直接跟他說，有老顧客介紹，(即係我)可不可以有相同的優惠？
[老k回覆11/23/2011 22:05:02]我問格上是由29/1 起租4天Vios, 佢就覆我沒有接送服務 ( 不過我今日打去東x遊問套票，佢話29出發只余少量位，2月1號返無位添呀，要2/2 號才有位，如果真係去，要book 5 日車)。 我再回Email 推說有朋友上次去台中都有此服務，問佢係咪剛剛才取消，佢再覆都係話無此服務 。 係咪好似你呢D 熟客至有接送架?
我無 HSBC 信用卡，佢話其他卡只得九折，上次係桃園租車，都係多得你，洪生才接受其他卡打75折比我，所以一次過問埋你識唔識人囉。
[版主回覆11/23/2011 20:58:11]我在台中格上租過幾次車，每次都在機場取車，還車就在台中還車，然後佢地會送我回機場。有一次有朋友去台中格上租車，格上說沒有人看店，叫了我朋友自己搭的士到台中市，車費由格上付。是不是你今次租車的日數少及租的車款租車費用比較平，又在農曆年間租車，勁旺季關係所以沒有以上的安排？匯豐銀行白金信用咭75折架。你再問多次，如果都係唔掂，你比料我，等我問下桃園租車站睇下有無得攪。
無錯, 我都係咁諗. 不過, 剛計算過費用, 有D out of budget, 而家考慮緊去唔去台中.
回覆刪除[版主回覆11/26/2011 12:53:18]你諗下，而家泰國既曼谷、菲律賓、日本都會有好多人唔去玩，咁台灣係唔係一個好近既地方去呢？所以多左人去台灣玩，D野迷貴左囉。
[老k回覆11/26/2011 12:12:46]我地29/1 才去(已沒有機票附加費), 但 tax 要成 $700 (差不多等如半個套票費用, 重貴過去日本), 我覺得好唔抵. 有間清境民宿重要按寒假收費, 佢話佢地寒假去到2月8 日wor, 離晒譜架.
[版主回覆11/26/2011 11:12:39]去台中，機票價錢會貴D同埋D航班時間無咁好。你地農曆新年去玩，去邊度都會貴噃？................有無攪錯，我自己在個blog回覆都要輸入認證碼？乜野世界呀？