2010年10月3日[星期日] (天晴) 原定行程： 美瑛 [拼布之路] Ken & Mary之樹、親子之樹、Seven-star之樹、 Mild-seven之丘及聖誕之樹 → 旭川大雪旭岳源水 → 旭岳大雪格蘭飯店。 地址：北海道上川郡東川町勇駒別旭岳溫泉 宿費： 每位8,150円(758港元)，包晚餐和早餐及溫泉稅 兩位共收費：16,300円(1,516港元)
住宿：旭岳大雪格蘭飯店 (0166-97-2211)
早、晚餐：於住宿點內
午餐：旭岳山麓駅覽車站內
實際行程：美瑛 [拼布之路] → Ken & Mary之樹 → Seven-star之樹 → 親子之樹 → 北西之丘展望公園 → Mild Seven 之丘 → 三愛之丘展望公園 → 千代田之丘見晴台 → [拼布之路] 聖誕之樹 → 旭川大雪旭岳源水 → 旭岳駒止之滝 → 旭岳 → 旭川旭岳大雪格蘭飯店。
住宿： 旭岳大雪格蘭飯店 (0166-97-2211)
午餐：早、晚餐：於住宿點內
* 飯店沒有上網服務
07:30我們便到用餐區食早餐。
今天在民宿食早餐的客人除了我們兩個香港人外，還有好幾位相信是日本人。
這一天的早餐也一樣非常精美。
鮮牛奶、餐湯、咖啡每一樣飲料都另人回味。
主菜、麵包及餐後甜品都使人有食完再食的衝動。
香噴噴，熱騰騰的麵包。
藍梅乳酪
美瑛丘之宿民宿精美好味健康早餐
懶洋洋的小狗
昨天這小狗還滿熱情的，但今天就愛理不理。是不是還未有睡醒呢？
我們就住在開了窗那一個房間
太陽傘後面便是民宿的用餐區
民宿的停車場
這停車場的面積也不少，可以同一時間停泊多輛小汽車的。
美瑛 拼布之路
美瑛是以廣闊的田野及山丘為賣點。所以遊覽拼布之路可選擇觀光的士、觀光巴士、自行開車及踏單車。
對1733來說，我當然是推薦自駕遊啦！但如果有時間的話，踏單車也是一個不錯的選擇。你，有沒有興趣到美瑛一試新手呢？
那為何這一個地方叫作拼布之路？
其實原因也可以在上面的照片中找到答案。
『拼布』之意，就是指一片一片的花和農田拼湊在一起，成為一幅鋪設在山丘的布匹。
Ken & Mary之樹
豎立在馬路旁的這一棵有十多米高的白楊樹，在1972年日產汽車廣告『愛之Skyline』中成為主角Ken & Mary的背景而而命名。
我記得還有一間民宿是在此樹的附近，名字好像也叫做Pension Ken & Mary。
Yes，就是這一間 Ken & Mary Pension喇。
Seven-star之樹
這棵橡樹曾在香煙廣告Seven-star出現而出名的。
親子之樹
這三棵橡樹，兩大一小。如同父母子女一樣所以叫做親子之樹。
我們按著旅遊書內的照片索驥，終於找到這幾棵知名的樹木，但餘下的又找不到，因為旅遊書及有關的地圖並沒有替這些樹木配上GPS定位啊！
左轉右轉，我們在09:35便轉到了北西之丘展望公園。我們把車子停在不用收費的停車場，進入此公園也一樣不收取任何費用。
北西之丘展望公園 (0166-92-4445)
如果大家在7~8月來到此公園，也可以看到有很多美麗的花田。因為公園內培植了薰衣草、向日葵、罌粟花、紫色鼠尾草等。
不過今天我們雖然看不到這些美麗的花田，但能看到不同顏色的楓葉也不錯啊！
公園內的金字塔形展望台
人望高處，尤其是到了這展望公園，就一定要登這一座金字塔形的展望台啦！
就在前往展望台途中，我們又遇上那幾位台灣朋友喇！我們真的很有緣啊！
公園內的停車場
上面照片左下角正在自拍的那一位！看到嗎？
那位便是台灣朋友喇，啊！不是，現在是1733的blog友了！
今天早上的天色不大好，天很像想下雨似的，而且風也很大。所以我們在展望台上也沒有逗留太久，約在09:45便返回車上，再尋找其他的知名樹木。
Mild-seven之丘
10:00便找到了Mild-seven之丘。
原來Mild-seven之丘曾在1976年成為日本Mild-seven香煙包裝的照片而被人所共識。
三愛之丘展望公園全景照片
市遠眺十勝岳連峰
三愛之丘展望公園 (0166-92-4378)
三愛之丘展望公園是位於美瑛市區與拓真館之間，也與新榮之丘展望公園很接近。
今天暫時已經到了兩個展望公園，兩個公園的風景不一樣，各有各的特色。
說到最有特色，1733不可以不提的便是在三愛之丘展望公園廁所內的這一張海報。
如何使用日本式廁所海報
這一張海報很有趣，可能照片內的文字大家都不能一一地清楚看到，那就讓1733把海報上每一張圖的文字內容向大家交代一下吧！
圖1：如廁前，請如圖示，分別清楚屎坑的前面和後面。
圖2：分開雙腿面站在坑的兩邊，當然是面向坑的前面啦。
圖3：脫下褲子。
圖4：蹲下。
圖5：排出。 圖5a：不要排出坑外。 圖5b：請排在坑內。 圖6：擦擦吧！ 圖6a：請把廁紙拋入坑內，切勿把廁紙放進垃圾桶內。 圖6b：用後請即沖水。 圖7：乾淨晒！ 圖7a：如果你一不小心，便會跌在地上喇！ 哈哈！這樣詳細地說明如何使用廁所，1733都是第一次見到，真係值得拍下留念啊！ 睇完這廁所海報後，我們便開車前往距離幾分鐘車程的另一個景點 ─ 千代田之丘見晴台。
還未到達展望台，便看到了很多的牛，看來這兒是一個農場。
為何今天早上的天色總是這樣的？
千代田之丘 ─ 見晴台
我們走上展望台二樓，在這裏可以在360度的角度下，欣賞一重又一重的山丘。不過如果大家的時間比較緊的話，這展望台可以刪去不到。
我們大約在10:50左右便離開千代田之丘。
拼布之路 ─ 單車客
今天不知道在拼布之路是不是舉辦了單車賽事，整段路有很多不同年齡、性別、傷健的單車客在馳騁著。
我們也有為他們打打氣啊！
忘記了這樹的名字？
聖誕之樹
這樹的名稱很明顯地跟她的外形有很大的關係了。
我們仍在拼有之路上兜風，最後在11:45離開美瑛，前往旭川大雪旭岳源水。
開了約45分鐘的車，我們便到了旭川大雪旭岳源水 (0166-82-2111) 。
大雪旭岳源水停車場入口
免費停車場
停車場旁的急流小溪
有人專程可車到此取水，莫非這就是旭岳源水？
對，這是當地政府特別開設的取水源，免費給大家取來自大雪山國立公園高品質的地下水。這水凡水質為硬水，含豐富鉀離子，常飲可維持身體機能健康。
只需多走300米便可以到源泉步道？
步道是用木條鋪砌而成，平坦而走，不消幾分鐘，便到達了。
這就是在大雪山山脈，歷經歲月醞釀而成的大雪山源水。
今天是星期日，但遊人並不多，這對於我們香港人來說真是難得清淨啊！我們在此也逗留了約30分鐘，聽聽淙淙流水、嗅嗅大自然的氣味、看看小鳥們飛翔的舞姿。
說真的，我很有衝動想嚐一口這源水，但因怕弄污了水源而放棄。
我們在這裏逗留了30分鐘，拍拍照，舒展一下，真的很悠閒。離開大雪山源水時已經是13:00。
離開大雪山源水20分鐘左右，在快到旭岳時，看到有寫著駒止之滝，所以便停下來，看看這一瀑布。
有步道前往這瀑布，就在車路邊。有沒有留意，黃色的楓樹啊！
一分鐘的行程，便到達瀑布。
來回的步程加上拍照、觀賞也不需要5分鐘，這麼的省時？
由駒止之滝開車來到旭岳登山纜車站只需5~6分鐘的車程。愈上山，風也愈大，天色也愈陰暗。不知道開往旭岳的登山纜車有沒有好像在洞爺湖有珠山登山纜車一樣會因大風的關係而停駛呢？
旭岳山麓駅纜車站前收費停車場 (0166-68-9111)
慘！慘！慘！
纜車真的是停駛，所以停車場也關閉了嗎？
旭岳山麓駅纜車站前收費停車場隔壁的大雪山國立公園公營免費停車場
原來不是，在收費停車場的前面，有一個公營停車場，而且是免費的。
山麓駅纜車售票處
搭乘纜車收費
成人來回收費：2,800円(260港元)
小童來回收費：1,400円(130港元)
纜車開行時間表
其實如果不是因為天氣的關係而停駛或適度調節外，每15分鐘便有纜車開出真的是很好的安排。
但大家要留意啊！不同的季節、時段，纜車的開行時間及時段都有所不同，在出發前最好還是先到有關的網頁查清楚啊！
由山下的山麓駅至山上的姿見駅，航程只需要10分鐘的時間。不知道如果不搭乘纜車而走路上山需要多少天的時間呢？
很幸運，我剛上到售票處時，仍然是看到纜車停止運行的。但當我無奈地在站內拍了幾張照片後，便開到運行正常的燈號亮起，而且在15分鐘之後便開出。
在美瑛民宿吃完早餐到現在13:35，都是時候食午餐喇！
我和團友分工合作，1733跑回售票處購買纜車票，團友就在纜車站內的小食店購買是日午餐。
旭岳山麓駅覽車站午餐 1,400円(130港元)
看，今天的午餐是熱咖啡 + 熱朱古力 + 粟米香腸兩條 + 薯餅兩件，便是我們兩人的午餐。
我們不是每餐都大魚大肉啊！
我們入閘登山嚕！
看，纜車內只得幾位乘客。
位於海拔1,100米的旭岳 山麓駅
黃楓遍地，好像一張很大很大的地毯，也好像一幅水彩畫。
很快10分鐘的航程便到達山上的姿見駅。
剛出纜車，在駅站內便有工作人員為大家講解一下旭岳的資料、沿步道的景點、天氣狀況及保育大自然等等的資訊。
解說員特別提醒要有熊出沒啊！最近看到熊出沒大約就在一個星期之前由行山人士遇上及將該行山人士所拍下照片給大家看。
當然我沒有被熊出沒注意的提示已嚇阻啦！因為無論何時我們都會提高警覺的。待會看看有沒有緣可以一窺棲息在此的可愛小動物，蝦夷縞栗鼠和啼兔。
現時戶外氣洞攝氏7度，多雲，吹東南風，風速每秒約14米，視野良好。
不知道是不是大風的關係，在聽解說的時候也已感到有點而涼。
旭平散策道
我們就是走這一條全長約1.7公里的步道，需時大約一個小時。
大家記著啊！由駅站左面開始向山上走會是比較右面上山的好走。
位於海拔1,600米的旭岳 姿見駅
座落於大雪山國立公園內，海拔2,290米的旭岳，也是大雪山連峰的主峰。
旭岳環形登山步道地圖
大家看到嘛，左面的步道上山會比較好走啊！如果在夏天或秋天而言，走這一段步道只需穿上運動鞋、輕便的衣服及帶備飲用水便可以。
但在下雨後和下了雪的日，走步道時會有泥濘，到時真的有需要，可以在姿見駅租用長筒水靴使用。
我們就在第一展望台看到有一對遊客，女的穿著高跟鞋，男的就扶著她往原路下山。但到我們搭乘纜車返回山麓駅前，看到這位女遊客已穿上長筒水靴，輕輕鬆鬆地走著。
旭岳高山植物 ─ 珍車棉絮
旭岳是日本最大的高山植物花圃，大部份高山植物的開花期是介乎在每年的6月中旬至8月中旬左右。
因為今天已經是10月3日了，所以什麼珍車、峰蘇芳、蝦夷栂櫻、蝦夷子櫻受岩梅都一一沒有機會欣賞得到。
上面兩張究竟是什麼品種的高山植物呢？
回望姿見駅
滿月沼
第三展望台
摺本池
鏡池
夫妻池
左面是摺本池，加面是鏡池，從這一個角度望去便看到為何叫作夫妻池了。
第四展望台
走過第四展望台便可以到距離1公里外的姿見池。
自步出姿見駅後，超強風不斷從四方八面向我們吹來。雖然氣溫不低，但如遇上這樣的風，是會有超凍及痛的感覺。
因為在山麓駅下車的時候，只掛著是否可以上旭岳而忘記穿上防風衣。而該防風衣是有連衣的帽子，相信我這刻便沒有被風寒風吹面的刺痛感覺。
近觀旭岳
滿山都是硫黃、噴氣口。在現場聽到氣體噴出時所產生很強勁的聲響，很是震撼，而且也嗅到強烈的硫黃氣味。
這一面簡介木牌是解說旭岳怎樣由1,000萬年前因地殼發生變化而發生大崩塌。現在大家看到的旭岳是大約在600年前，因再度遇上火山爆發而形成的。
哈哈！1733是不懂得日文的，我只是看到一些漢字而作出以上的推敲而已。如有blog友看到有什麼不對的地方，請給予賜教。謝謝！
姿見池
天色晴朗的時候，可以看到姿見池的水面倒影了旭岳的山色。
姿見池旁的石室
類似的石室在洞爺湖有珠山上也曾遇過。
在返回姿見駅的路途上一瞬即逝的景緻
從姿見駅遠看旭岳
當我們回到姿見駅的時候，風停了，雲霧散了。
看！雄偉的旭岳就在眼前啊！
乘坐纜車返回山麓駅
不知道在未來的幾天還可不可以看到如此的美景呢？
山麓駅小商店
1733買一枚磁石貼530円(50港元)。
1733也買了這一頂中國製造的迷彩頭套 / 頸套 1,350円(126港元)
旭岳旅遊中心
旅遊中心距離山麓駅很近，我們只在門前拍拍照，並沒有入內參觀。
從大雪格蘭飯店遠停車場遠眺旭岳
不消幾分鐘便到達今天入住的溫泉飯店。
旭岳大雪格蘭飯店303號房遠眺旭岳
入到房間感覺其暖無比，飯店的服務實在是很貼心。但我們就很不適應，在服務員離開後，即時關掉暖氣及把窗戶打開。
從303號房遠眺旭岳
清風由旭岳的方向徐徐由窗戶吹入房內，我們的雙耳也漸漸由紅色轉回正常。
從303號也可以看到駒止之滝的入口啊！
原來這瀑布距離飯店也是這麼的近，剛到瀑布的時候我們還不知步道的斜對面就是飯店。
我們的車子就是停泊在303號房的下面
的美今天的晚餐我們在Check-in的時候定了在18:00。
是日晚餐
晚餐很豐富，但味道很一般。
晚餐後休息了一個小時我們便到飯店內浸溫泉。初時溫泉內只得我一個人，感覺很寧靜。浸了十分鐘之後便來了兩個日本遊客，一個年青而另外一個較為年長。但想不到這兩位遊客如此無禮貌，在室內風呂大玩特玩，而且聲震屋瓦。1733因此只有避開，走到露天風呂。
事後團友問為何在男湯那一邊會這麼吵吵鬧鬧？
室內風呂
露天風呂
以上四張溫泉照片是取自飯店網頁
日本北海道15天自駕遊 (行程篇) Day 1 & Day 2
日本北海道15天自駕遊 (行程篇) Day 3 至 Day 6
日本北海道15天自駕遊(行程篇) Day 9 至 Day 11
日本北海道15天自駕遊(行程篇) Day 12 至 Day 15
Sienta今天走了 61Km 的路程
共走了 896Km
1) 快速公路 IC 收費(新千歲機場 ─ 札幌市) 450円(42港元)
2) 快速公路 IC 收費(登別 ─ 美英) 2,250円(209港元)
快速公路 IC 共收費 2,700円(251港元)
今天不用走收費公路
第一次入汽油4,079円(379港元)
第二次入汽油4,955円(461港元)
汽油費共9,034円(840港元)
今天不用入汽油
頭香~~
回覆刪除[版主回覆02/05/2011 22:17:00]恭喜！恭喜！
日日d嘢都咁好味,肥左幾多磅返嚟呀.
回覆刪除[版主回覆02/06/2011 05:34:00]好好彩，好味道但我食得唔多，所以無肥到。
返而呢幾日過年食多左野，而家覺得條褲頭緊左。
恭喜發財~~祝1733兔年事事如意,身體健康,去多D旅行食多D美食 ~~
回覆刪除[版主回覆02/06/2011 05:36:00]謝謝你，
嘩！好呀，好呀！照單全收。
祝你身體健康，事事如意。
新年快樂!!!
回覆刪除[版主回覆02/06/2011 05:37:00]謝謝你，
祝你身體健康，事事如意。
睇完你個blog, 我又想去日本添.
回覆刪除我尋晚用里數又換左2張今年聖誕節大人既Korea機票, 準備聖誕節又去滑雪Lu, 今次只係買一張小童機票就可以了, 原本想換日本機票, 但聖誕節無位, 換唔到!
北海道真係好想再去, 個feel 好正!
[版主回覆02/06/2011 10:46:00]睇完你個blog, 我又想去日本添.
我未寫
我尋晚用里數又換左2張今年聖誕節大人既Korea機票, 準備聖誕節又去滑雪Lu完架。
點解咁多人都可以用飛行里數換機票嘅？睇黎韓國係你既最理想既旅遊地喎？
北海道真係好想再去, 個feel 好正!
係呀，我寫寫吓都想去呀！
點解咁多人都可以用飛行里數換機票嘅？睇黎韓國係你既最理想既旅遊地喎？
回覆刪除我地好多時都用citi bank簽賬, 佢d分可以轉飛行里數加上我老公要出TRIP又可以儲分, 同埋去多幾次旅行就得喇!
其實韓國唔係我既理想旅遊地方, 係我貪佢平,因為滑雪黎講佢平過日本, 但佢又無日本d雪甘靚, 甘為左要平只好揀韓國, 但如果換到日本機票我梗係首選去日本滑, 可惜尋晚上網換既時候已經無晒位. 我呢幾年最想去既地方係克羅地亞, 我好鐘意去歐洲, 自從呀仔出左世我都好小去歐洲, 等佢再大d先有機會衝出亞洲!
[版主回覆02/06/2011 17:41:00]我最近問過
匯豐銀行，佢話要收年費300元，一年內無限制任你兌換積分。
DBS，每5000里收50元，最高收300元。
我都唔知用唔用D積分換好。
我唔識滑雪，所以無限制去邊度旅遊。
歐洲？我都未去過呀！
風景好靚, 我果时應該都遠觀過果幾棵樹, 但對佢地既名同背景就冇你知得咁詳細!!
回覆刪除[版主回覆02/06/2011 17:42:00]想知D樹或景點既背景，當然要事先搵左料先啦！
哦!! 怎麼會找到這些廣告樹的??
回覆刪除[版主回覆02/07/2011 07:16:00]因為這些廣告樹都是景點，旅遊書及網上都有介紹架。
個早餐超吸引喎，但真係食得哂？
回覆刪除[版主回覆02/07/2011 07:17:00]真係諗落都好想食架。
食得哂，份量唔係好多之嘛。
Citi Bank唔駛手續費, 我地簽賬佢自動將d分轉去里數, 其他銀行係要收費架.
回覆刪除你唔去滑雪, 但d分都可以換去台灣, 日本等.....
我前年都換左3張機票去大板, 淨係訂酒店, 好抵!
歐洲我都去過好多地方, 不過果時未有yahoo blog, 所以無寫. 我地係旅行發燒友, 成日都身痕想去旅行, 所以我地既終身職業係去旅行!
[版主回覆02/07/2011 09:20:00]我無Citi Bank既VISA ，所以如果用積分換飛行里數既話都要比錢先得喇！
以前我去旅行都跟團去玩，而家玩左自由行，真係唔係幾想再跟團去玩架。講真，大陸都有好多地方好玩，不過我就唔敢玩自駕喇！心驚驚咁玩，無乜意思囉。如果有位熟悉大陸情況既團友一齊去又唔同。
我都希望我退休後可以多D去旅行。
我無Citi Bank既VISA ，所以如果用積分換飛行里數既話都要比錢先得喇！
回覆刪除以前我去旅行都跟團去玩，而家玩左自由行，真係唔係幾想再跟團去玩架。講真，大陸都有好多地方好玩，不過我就唔敢玩自駕喇！心驚驚咁玩，無乜意思囉。如果有位熟悉大陸情況既團友一齊去又唔同。
Citi Bank Credit Card有時會做promotion, 出card簽滿唔知幾多就送里數, 如果有推廣就可以申請, 到時就可以用積分換里數.
係大陸我都唔敢自駕, 好恐怖架, 我連返大陸都驚呀! 所以我返大陸既次數係數得出甘小.
[版主回覆02/07/2011 09:35:00]而家國泰唔知邊張咭都係送里數。
我好希望在我退休既時候可以返得大陸自駕遊架，又平景又靚。
不過..........................
最近都有一些人聯合其他車主，一齊十多人一起國內自駕遊。不妨先參加一下這些團，日後有經驗再自駕遊。
回覆刪除[版主回覆02/07/2011 13:45:00]我都有聽過, 不過咁多唔識既人一齊去玩, 好似有d冒險咁, 要諗下先
對不起，不知為何留言由一變四，請刪除多餘。謝！
回覆刪除[版主回覆02/07/2011 13:46:00]無事, 已經刪除左喇!
新年快樂！祝你身體健康，路路亨通！
回覆刪除[版主回覆02/07/2011 13:47:00]謝謝你風神 + 蘇蘇，
祝你身體健康，事事如意。
而家國泰唔知邊張咭都係送里數。
回覆刪除我好希望在我退休既時候可以返得大陸自駕遊架，又平景又靚。
而家無promotion呀! 我以前申請citibank送埋Marco Polo member同里數, 不過早2年Cathay同citibank唔知係唔係取消左呢個推廣, 睇下遲d有無, 如果我見到有就通知你.
其實大陸我都有好多地方好想去, 不過真係怕怕...
[版主回覆02/07/2011 13:49:00]CX而家好似同AE咭做緊, 不過我不喜歡用AE咭.
謝謝你先
1733 : "美瑛" 我都未去過添 , 好靚喎 ~ 搵日都要諗諗佢 .
回覆刪除Bye Bye !
[版主回覆02/07/2011 13:50:00]去左北海道兩次自駕都未去過美瑛? 你真失敗
快d plan下年尾去喇
我是首次登入,亦是日本大放送及北海道季節的發燒友,你的blog很詳盡,
回覆刪除對自由行很有幫助,請問一句,為何叫 1733.
[版主回覆02/07/2011 22:23:00]請問一句,為何叫 1733.
原因是我的車牌號碼有這幾個數字囉！
我是首次登入,亦是日本大放送及北海道季節的發燒友,你的blog很詳盡,
回覆刪除對自由行很有幫助,請問一句,為何叫 1733.
[版主回覆02/07/2011 22:27:00]我是首次登入,
歡迎你的到訪。
亦是日本大放送及北海道季節的發燒友
我只是第一次到日本旅遊，在資料上如發覺有偏差，請多多指証。
你的blog很詳盡, 對自由行很有幫助
謝謝你的欣賞。
恭喜發財!! KEN & MARY 已可在電視看到..
回覆刪除[版主回覆02/07/2011 22:22:00]係？在那一套電視劇可以睇到呀？
恭喜發財!! KEN & MARY 已可在電視看到..
回覆刪除[版主回覆02/07/2011 22:21:00]恭喜發財！
很美的地方, 可以出很多靚相.
回覆刪除[版主回覆02/08/2011 07:11:00]美瑛有日本最美麗的鄉村稱號，真係名副其實。你都PLAN下去拍多D靚相啦。
咁得意既,棵棵樹都有名.
回覆刪除[版主回覆02/08/2011 07:12:00]咁先至帶起大家既注意嘛！
嗱！而家你都知，你都有機會記得佢地啦！Right？
你們的早餐日日都咁豐富。我通常早餐都吃很少東西。
回覆刪除連樹都有名字，真得意。
[版主回覆02/08/2011 20:28:00]去旅遊，食早餐比我平時既早餐的確係豐富好多好多，因為我平時每天食既早餐是即食粗麥片四湯匙+1湯匙藍梅阿麻子用鈣斯寶混和及咖啡一杯而已。
你呢？你平時既早餐又係點架？
有名字的樹確實容易吸引遊客架。好似林村既許願樹都好出名吖！
祝你和家人兔年日日開心笑、健康永常伴、足跡遍全球~ ^^
回覆刪除[版主回覆02/08/2011 20:30:00]
謝謝你迪迪珊，
足跡遍全球？好呀！
祝你身體健康，事事如意
恭喜 恭喜 辛卯年好 萬事如意 !!!
回覆刪除[版主回覆02/09/2011 07:06:00]
謝謝你八一八，
祝你身體健康，事事如意。
哈哈你好
回覆刪除初初相識! 因為我愛看關於旅遊的東西, 遲D計劃緊去台灣環島單車遊, 所以上來你這裏取下經=D
多多指教!
[版主回覆02/09/2011 14:11:00]歡迎你呀比比,
在我這裏取經? 唔可以咁講. 我只不過是多去幾次台灣而已,
不過如遇有問題, 大家可以多多交流就真..
1733! 新年快樂! 祝你新一年身體健康, 繼續計劃更多旅遊好去處介紹.
回覆刪除[版主回覆02/09/2011 14:12:00]謝謝你呀 Wisdon,
祝你身體健康，事事如意。
(Empty)
回覆刪除[版主回覆02/09/2011 14:13:00]謝謝你月華,
祝你身體健康，事事如意。生日快樂!
喜歡你的大樹分享！
回覆刪除今天是人日，
祝大家生日快樂！
[版主回覆02/09/2011 14:14:00]我都覺得d樹有名稱好特別, 所以同大家分享一下囉
祝你生日快樂。
在那一套電視劇可以睇到呀？
回覆刪除剛剛開始播果套 "魚躍在花見"呀....
唉, 見到套戲入面映 札幌/小樽/富良野 D靚景, 個心即刻飛左過去.
[版主回覆02/09/2011 17:23:00]等我今晚返屋企睇睇先, 不過好似係套劇唔係旅遊特輯黎噃?
在那一套電視劇可以睇到呀？
回覆刪除剛剛開始播果套 "魚躍在花見"呀....
唉, 見到套戲入面映 札幌/小樽/富良野 D靚景, 個心即刻飛左過去.
[版主回覆02/09/2011 17:22:00]個心飛左過去係無用個噃?
tvb - 魚躍在花見
回覆刪除[版主回覆02/10/2011 07:04:00]謝謝, 昨晚忘記左睇添
1733 : 果座 "金字塔" 好有型呀 .
回覆刪除記得睇 "魚躍在花見" 呀 , 好好睇架 ~ D地方 !
Bye Bye !
[版主回覆02/10/2011 13:50:00]那座金字塔是北西之丘展望公園內的展望台黎架, 有眼光, 讚!
今晚一定要記得睇至得
恭喜發財!! again!
回覆刪除[版主回覆02/13/2011 07:47:00]我再次祝你身體健康，事事順利。
I also want to go to now!
回覆刪除[版主回覆02/13/2011 07:48:00]咁你有無計劃幾時去呀？
自由行恨C隔離屋!
回覆刪除[版主回覆02/13/2011 17:59:00]唔好咁講啦！
回覆刪除其實香港真的沒有機會見到一大片平地/草地, 這點要在外地才有機會見到
[版主回覆02/13/2011 19:33:00]你說得一點也沒有錯，所以我地去到D咁正既地方，第一個反應一定係『嘩！嘩！』聲囉！
一大早就經過咁多"名樹", 夠晒元氣!
回覆刪除[版主回覆02/14/2011 15:42:00]果日真係精神好多架。
情人節快樂。
祝情人節快樂! 再來祝你新年好, 身體健康, 心想事成.
回覆刪除[版主回覆02/14/2011 21:12:00]謝謝你呀Keroppi，韓國滑雪之旅好玩嗎？
我想起台灣的廁所, 這種廁所真的不好使用!
回覆刪除[版主回覆02/15/2011 17:34:00]話個秘密比你知吖, 我第一次在台灣用這一類型既廁所時候, 係將前後面倒轉左架
果張廁所說明書真係好搞笑, 我試過見到d 叫人唔好伸頭入馬桶內!!
回覆刪除[版主回覆02/15/2011 17:35:00]咁得人驚?
個poster好funny！
回覆刪除[版主回覆02/15/2011 17:36:00]真係笑爆咀架
你冇見過咩, 我成日見到的, 尤其是食店或酒店的廁門上,通常貼係廁所門, 係d 圖左圖既畫, 畫住唔好做既野, 包括塞頭同腳入桶, 唔好以洗濯衣服!!
回覆刪除[版主回覆02/15/2011 18:11:00]聽你講講吓, 又好似睇過下喎.
唔得, 都要再去北海道睇清楚d先至得
1733 : 廁所都有秘笈 ? 咁都得 ~
回覆刪除Bye Bye !
[版主回覆02/15/2011 20:36:00]我估可能真係有人在廁所內攪到好烏遭，所以先至有這一張海報既出現。
我見到張 poster 就一D都唔覺得好笑啦, 因為大部分呢類所謂溫馨提示都係比中國人睇架, 你下次再去北海道(或日本其他地方) 可以留意下, 有好多地方貼呢 D提示都淨係寫中文架咋. (你映呢張好D啦, 印埋英文, 無咁指明咩事.)
回覆刪除[版主回覆02/16/2011 06:37:00]我回港後都覺得係咁。
咁唔通入面有針孔攝影機，又可以辨認D乜野國藉既人士，可以知道淨係中國人攪到個屎坑烏煙瘴氣？
sorry, 電腦有 D問題, 下面個 message 出左 3次, 多左嘅麻煩你 delete左佢.
回覆刪除[版主回覆02/16/2011 06:40:00]Delete左喇！
我諗唔係你個電腦問題掛，我而家貼上短片係個BLOG上面都白色一塊，乜都睇唔到。
但我見man wai佢又得，都唔知係唔係大細超？
入面唔係有攝影機，相信你就算係香港, 都會感受到部分同胞外出旅行時果種氣燄啦.... (好似淨係佢至有錢去旅行咁架嗎...), 講野又大聲又無禮貌 , 驚死無人知佢地黎左咁, 去 washroom 永遠唔排隊 , 去完又成地廁紙 , 係人都知佢地邊度黎啦 .
回覆刪除[版主回覆02/16/2011 14:08:00]相信要多一點時間才可以提升國人的素質喇!
Hi...新年快樂,身体健康..事事如意....
回覆刪除[版主回覆02/16/2011 17:59:00]謝謝你呀, 大家咁話
事事如意,去旅行的時候身體健康!+我~
回覆刪除[版主回覆02/16/2011 20:33:00]謝謝你，但去唔去旅行大家都要身體健康啊！
祝 : 元宵佳節 ( 團 ) 圓滿 ( 足 ) 快樂 !
回覆刪除[版主回覆02/17/2011 14:00:00]謝謝你呀!大家咁話
回覆刪除LI個真系好像食
[版主回覆02/18/2011 12:38:00]唔係好似, 係真係好好食架
我看到你網友近期的回應，都有很大的感觸。
回覆刪除我已回復了正常活動好一段日子(除了運動或爬
樓梯等)，但現在街上行路，最怕給人撞倒，所
以都頗怕人多的地方。
我很多時都要在銅鑼灣出入，無法避免，已經
很小心，但仍時常給人撞或差點撞倒，有些左
右手都拿着三四抽名牌大袋的人，橫行直過，
當在他們附近的人透明咁。我們這一代，普遍
都受過教育，為什麼質數仍是這樣的？我們去
外地旅行，看見人家不會隨便高聲大叫，買東
西要首先通知售貸員拿下來給你看，而不是如
在香港般，很多時都可以拿來隨便看看，這些
別人的習慣，我們會懂得尊重，明白入鄉隨俗
的道理。
昨午買東西後排隊付款，就在我附近，一位操
不純正廣東話的人，問是否在這兒付款，跟著
便插了入來，午飯時候，超市人頭湧湧，後面
有位穿西裝男士，衝口而出講了一句粗口，跟
著滿面通紅。唉！不想講了，一時想起，感到
不快而已。
[版主回覆02/18/2011 20:35:00]人與人之間的溝通、交往，最重要的一環就給你說了。
對，就是要互相尊重。
大家懂得互相尊重、包容，這個社會就會比較和諧。
懂得互相尊重、包容不一定跟受過多少教育有關，你看，幾十年前的伯伯、嬸嬸，有受多少教育，但他們比較現在部份的香港人更懂得互相尊重、包容。
為什麼？
原因有可能跟家教有關吧！
也是看到你朋友的回覆有點有感而發,其實大部份港澳朋友到外地, 我想最多是嘈吵一點, 但都懂尊重對方文化!! 但一些同胞們的行徑,有時真很另人側目, 在澳門經常遇到隨處吐啖的人, 年輕的也會如此!! 曾在 日本, 在某女銅像前,遇到一群同胞團友, 我影緊相走埋黎搶鏡都唔緊要, 佢地影完仲狂數人地國家不是, 連銅像都話埋, 當中夾雜大量粗話及兒童不宜的成人說話!! 佢地俾我感覺係口袋好有錢, 但得罪講句, 文化同道德好窮囉!!
回覆刪除[版主回覆02/19/2011 06:55:00]我在旅遊時，有時會遇到少部份香港、台灣的後生仔女，完全不會理會你是否正在映相。一言不發就閃左埋黎映埋一份，仲好嘈添，有時真係唔知好嬲定好笑架。
唉！玩得開心，唔一定要開口話晒比你身邊唔識既人知道嘅！
不過講到隨地吐啖，就好似同胞攞左專利。我真係唔係好明白，點解有部份人會有咁多啖嘅？
唔通你見到這些同胞遊客，專程去呢度攪野？
這個話題我也有興趣加入…。祖國富強起來，身為中國人的一份子，我亦感到非常高興，但理性告訴自己，現時中國大部份的所謂大款，只是金箔包著的垃圾！他們錢是有了，但素質真的談不上，更經常把歪理講成真理，把他們獨有的一套‘秩序’，強加於一國兩制的香港特區土地上，甚至強加於國外地方！更諷刺的是，他們更以此來作教育下一代的‘藍本’，因此，相信在未來二三十年內，這種既丟臉又可恥的自私表現，是難以改變的。
回覆刪除記得於年多兩年前，香港某運輸系統出了一些亂子，記者到達訪問一些旅客意見時，有一來自內地的旅客不單譴責香港的不是，更大發偉論，大言不慚強調香港沒祖國的支持早已完蛋了！看後我真的哭笑不得，這位同胞請多多了解中港之間的近代史。中國於七八十年代經濟起飛時，是誰於國內投放最多資金投資的？內地較為有規模的企業，所採用的管理模式不就是內地人經常掛在口邊的港式管理嗎？外國資金引入內地初期，是誰於中間穿針引線的？雖然如此，港人並未有自以為高人一等，因為港人明白這是大家互惠互利的。希望富起來的同胞們，要以這位‘疑似’暴發戶的言行為戒，不要目中無人！要知道香港是絕對有其優勢的，完善的司法制度，國際化的金融體制，迅速的工作效率，肯捱肯拼的香港人特質，這些不是一年半載就趕得上的！大家相信也有留意於近年內地同胞常跑到香港買奶粉，這到底說明什麼呢？當然不是價錢理由吧！
要得到別人的尊重，不單是有錢就可以的。花得起的人當然受商家歡迎，但說到底人家只是看中你口袋的錢，說白了就是邊賺你的錢邊罵你。要人家賺你的錢之餘又衷心歡迎你的光臨就需要提升自己的素質，要以禮待人，改善自己的行為。單有錢大搞奧運，搞世博，但人民素質仍未到位，只會把老外嚇怕，成為人家的笑柄。要成為經濟大國不難，要成為真正令老外心悅誠服的超級大國？我想，各位同胞仍須努力吧！
[版主回覆02/19/2011 07:21:00]以目前來說，我也不會相信未來二三十年，中國人的素質會有顯著的良好改變。原因是現在的中國人，尤其是部份暴發戶都是向『錢』看。
以前我們也有聽到盜亦有道？正就如你所說，為何現在香港售賣的奶粉被國內搶購？
就是因為向『錢』看的所謂商人，只要有錢賺，就連人命也不理，才會有大頭BB及毒奶粉的出現。
如果再要舉例，要寫多很多篇BLOG才可以。
現在我們香港也出了一個陳大話精，又是抱向『錢』看的精神，不理死者的明聲，大攪特攪，想把死者的財產全部搶過來。現在大家正在坐等天來收他了。不過他的行徑也破壞了香港人的形象。
最後我想，如果祖國能盡快把情、理、法的治國宗旨改為法、理、情，相信對促進成為老外心悅誠服的超級大國之路又近了一點了。
順帶一提，是吐‘痰’，不是吐‘啖’。
回覆刪除[版主回覆02/19/2011 23:37:00]成日都執筆忘字，你睇到要提下我呀！
估唔到我地一段少少對話，會引起咁多 Blog 友嘅加入，你可以開一編 Blog 專門講呢個 topic, 肯定好多人加入討論 . 話時話,講開呢個話題, 真係講 3日3夜講唔完 .
回覆刪除[版主回覆02/20/2011 09:13:00]可能係有部份blog友有親身體驗過啦！
1733 : 咁熱鬧 ~ 點可以唔預我架 , 我都要加入戰圈 .
回覆刪除今次去 "北海道" 都遇到唔小 "港人" 或 "國語人" , (講普通話 , 唔知內地定台灣) 我去旅行果陣 , 通常都唔想聽到 "日語" 以外既語言 , 機場就冇得好講 , 睇怕都要再搵D "北海道" 山卡啦D既地方旅遊至得 .
Bye Bye !
[版主回覆02/20/2011 22:15:00]如果你話大家都識得尊重別人，咁就唔洗左避右避啦！
提升素質 ?
回覆刪除等到素質提升到來的那一天......
相信這個世界早已沒一處是好景點了 !
http://www.hi-on.org.tw/bulletins.jsp?b_ID=106804 光是排隊就能起爭執
[版主回覆02/20/2011 22:20:00]也不盡是國內的同胞就是這樣，只不過我們不幸運，總是讓我們很易便遇上這種人而已。
也有一些是別有用心的旅客，襯著旅遊之便而在當地拷一筆也未定。
日本好多地方都有好靚既瀑布.
回覆刪除[版主回覆02/20/2011 22:21:00]絕對認同你的看法。
多謝你在我的BLOG留言給我, 因為6月準備出發去北海道所以SEARCH到你個BLOG, 你的照片拍得很漂亮而且遊記也寫得非常非常的詳細, 謝謝你的分享, 的確可以幫我把我的行程PLAN得完美一些喎......
回覆刪除[版主回覆02/21/2011 07:14:00]回應及留言係互動架，唔洗多謝。
如果覺得邊一部份啱你用既，請隨便啦！希望我可以在你出發之前將北海道既行程寫起晒。
預祝你旅途愉快。
您個blog 旅遊分享, 可以俾人作參考; 好好呀~ 多謝分享 ~
回覆刪除[版主回覆02/21/2011 07:16:00]其實仲有好多blog寫得仲好過我好多架，可能係未被你發現啫。
1733 : 真係大風到爆喎 . (大風到你講野都聽唔到)
回覆刪除呢個 "旭岳" , 同當日既 "有珠山" 有幾分相似 .
Bye Bye !
[版主回覆02/21/2011 21:22:00]真係大風到爆喎 . (大風到你講野都聽唔到)
係呀！而家想返起，兩隻耳仔仲有少少陰陰痛添呀。
呢個 "旭岳" , 同當日既 "有珠山" 有幾分相似
有珠山個feel無旭岳咁荒涼噃！
如何使用日本式廁所海報 >>> 謂開廁所, 真的要一提, 用日本嘅廁所, 擦擦.... 除咗 TOILET PAPER之外, 一切紙品, 例如TISSUE 就一定唔可以用呀!!
回覆刪除[版主回覆02/22/2011 18:14:00]點解呀?
抹口同擦屁股要用唔同既紙?
又唔可以掉落個屎坑果度添?
唔明白呀?
如何使用日本式廁所海報 >>> 謂開廁所, 真的要一提, 用日本嘅廁所, 擦擦.... 除咗 TOILET PAPER之外, 一切紙品, 例如TISSUE 就一定唔可以用呀!!
回覆刪除[版主回覆02/22/2011 18:11:00]我用乜野來擦屁股都有管制?
TOILET PAPER 係 在水中可以好快咁溶開, 爛掉, 唔會塞廁所渠, TISSUE 就不易溶爛, 你可以番家之後, 試一試....
回覆刪除[版主回覆02/22/2011 21:02:00]我以為是另有原因咋！
如果係這個原因我是知道的。
睇唔到紅葉, 黃葉都好靚啊!
回覆刪除[版主回覆02/24/2011 05:56:00]遲兩日我去既高原溫泉，仲靚過呢度好多呀！
1733小姐：很高興遊到你的blog來。看了你的遊記，叫我好懷念北海道啊! 不過我下月中也會去，這次是到層雲峽的銀泉台赤岳、高原温泉和黑岳登山。日本的紅葉第一波是在旭岳(八月底已開始有紅葉)至整個大雪山區山上，很美很美，尤其是九月二十日左右高原温泉的沼區步道真是美到不行。
回覆刪除我也是Pension Poplar的粉絲，基本上這幾年去美瑛都住那裏。我覺得他們的餐點so far是我住過的中價民宿(約一萬日元)中最棒的，他們的瓜菜是自家在後園温室種的。他們夫婦倆就像日本電劇中的一樣真誠可愛。你的遊記確實帶給許多曾遊歷北海道的人美好的回憶，亦帶給未去過的人美好的憧景。希望有一天也能像你一樣透過blog與人分享旅遊體驗，問題是小人是一個超懶的人哩! \(^o^)/
[版主回覆08/05/2011 05:15:00]1733小姐？
哈哈！我剛照過鏡，點睇也不像女士啊！
下月中也會去北海道，這次是到層雲峽的銀泉台赤岳、高原温泉和黑岳登山。
噢！我個心很癢啊！尤其是看到高原溫泉這一個景點啊！正如你說一樣，真的是美到不行。
最近日元兌港元的匯率是10元左右，昨天好像已回落少少到9.8元。看來你很像台灣人，是嗎？日元跟台幣的兌換率是怎算的呢？
我也是Pension Poplar的粉絲，基本上這幾年去美瑛都住那裏。
說真的，這一間民宿超值得大家向外推薦。我這一番話，相信住過這一間民宿的blog友都會認同。
不計算你，我也有一兩個blog友住過這民宿啊！
你好啦！這幾年都去北海道。這是我第一次去的啊！
希望有一天也能像你一樣透過blog與人分享旅遊體驗，問題是小人是一個超懶的人哩!
看你在我這裏留下這麼多的文字，怎看你也不像懶的人啊？OK，就算你暫時未有心情寫，post一些照片也行吧？
下次你回應，字體請用大一些。人老嘛，看不清楚啊！
呢間民宿都好新淨喎 ! 綠化面多 ,eat-out very good!
回覆刪除整潔的田野就頗有歐陸味道 , nice! 可惜這個季節 , 田野間還在保養中 .
日本仔都幾犀利 , 幾棵橡樹 , 加包煙 & car, 就說了一堆故事 , real great! But 最厲害還是呀隊長你 , 你居然叫大家去找出面積只佔相片 300 分之一正在玩自拍的你個 Twn blog 友 , 真係服了 ! 勁 !
日本仔 D 電器 manual 詳細到字典咁厚就係人都驚 , 勢估唔到連屎坑都搞到咁 , 真生病 , 哈哈 !!
上山纜車都幾貴噃 !
呀隊長我完全聽不到你在姿見池的短片裡講 D 介紹喎 , 麻煩你講多次 or 文字表述多一次吖 , 唔該 .
我都支持呀隊長你愛國買國貨 ! 買 ! 買 !
[版主回覆09/17/2011 06:29:00]
呢間民宿都好新淨喎 ! 綠化面多 ,eat-out very good!
Correct！
整潔的田野就頗有歐陸味道 , nice! 可惜這個季節 , 田野間還在保養中 .
都唔係吖，有唔同既顏色，唔錯噃。
日本仔都幾犀利 , 幾棵橡樹 , 加包煙 & car, 就說了一堆故事 , real great!
咁先至吸到我去周維搵，睇下佢地個樣係點添。
最厲害還是呀隊長你 , 你居然叫大家去找出面積只佔相片 300 分之一正在玩自拍的你個 Twn blog 友 , 真係服了 ! 勁 !
你唔止睇到添，你許連只佔 相片 300 分之一你都計算得到，你仲勁啦！
日本仔 D 電器 manual 詳細到字典咁厚就係人都驚 , 勢估唔到連屎坑都搞到咁 , 真生病 , 哈哈 !!
呢D佢地係話緊我地D大陸同胞呀。
上山纜車都幾貴噃 !
勁貴呀。
呀隊長我完全聽不到你在姿見池的短片裡講 D 介紹喎 , 麻煩你講多次 or 文字表述多一次吖 , 唔該 .
大約係話好大風、好凍，凍到我兩隻耳仔好痛。
我都支持呀隊長你愛國買國貨 ! 買 ! 買 !
國貨無處不在嘛。
300 分之一只係我隋口 up 當秘笈啫 , 隊長 . 我志在比人一個有幾細既感覺而已 , 勢估唔到你真係去分析佢既準確度 , 果然係 1733 本色不變 , 除了 ” 痴心 ” 外 , 我睜 D 忘記了隊長呢個咁重要既特徵添 , 今次你又多了個花名了 , “ 左腦隊長 ”, 哈哈 ! PS: 好野黎架 , 隊長 , 愛因斯坦之類的先有呢 D 別名架 , you know!
回覆刪除[版主回覆09/17/2011 23:45:00]多謝你喇！