今天這一個聚會是在1個多月以前定下的。因為日本blog友幡垣從日本回港與家人共渡農曆新年，所以襯空可以跟大家聚一聚。
因為幡垣在農曆年尾回港，1733又在1月中才由台灣旅遊回港，而在今天便返回日本。所以沒跟本就沒有多少天可以夾得到時間可以聚一聚。
今天已知道天氣異常寒冷。當1733走進車廂內，才發現車廂外的溫度是攝氏6度。在潮濕有密雨及有風的天氣下，感覺就更特別冷啊！
不知道是不是太寒冷的關係，沿路交通非常暢通，不消30分鐘已由新界到了上環信德中心地面等。
第一個出現的是心田瘋子，跟著依次是荃灣人、Grace及幡垣。
1733依著原計劃，先開車到太平山山頂漫步。
車子沿著多灣及窄的車路，慢慢由花園道經馬己仙峽道直上山頂。
11:00抵達山頂廣場停車場，停車場收費也不算太貴，時租32元。
幡垣因為未食早餐，所以我跟她一起到麥當奴食早餐。其實1733也未有食早餐，不過今天我要吃早餐的意欲不大。
吃完早餐，就在山頂廣場內作短時間的拍攝，跟著便走出廣場，一陣寒風夾著細雨便即時送上。
山頂廣場對面的凌霄閣
我們從廬吉道開始走，整段步道全長2800米。1733當初的估計大約1個小時便可走完。
寒風密雨下仍可清楚看得到的維多利亞海港
我們在步道上邊走邊吹水，當然風姐姐和雨妹妹也非常有禮貌地常跟我們打招呼啦！
我們大約只用了50分鐘便把步道走完，原因好明顯是跟風姐姐、雨妹妹及寒冷姨姨有關啦！
我們跟著走進凌霄閣，打算到頂層的360度觀景台欣賞一下雨中的維港。但當到了頂層，才發現要收入場費，因為此我們不打算付費，所以從原路返回停車場取車到下一個目的地 ─ 赤柱。
凌霄閣內人潮擁
凌霄閣內看維港
從另一個角度看維港也是一樣的美麗。
凌霄閣內看廣場
凌霄閣內電動扶手電梯多的是
開車後，我們經過名嘈一時的景賢里，寫到這裏，猛然想起去年到景賢里的BLOG還未有完成。(流汗中)
知足常樂，你不用擔心，我不會爛尾的。
大家都不要抱到景賢里參觀啊！因為現在是不開放公眾參觀的。
1733並沒有直接到赤柱的念頭，因此我特地把車子繞了一個灣，先經香港仔、深灣、淺水灣才到達赤柱。
1733本想把車子停在赤柱廣場的停車場，但停車場已滿，所以唯有將車改泊斜對面的露天停車場，時租收費28元。
在露天停車場附近給我們發現有楓樹，但楓葉的顏色尚未轉紅。
赤柱廣場斜對面的楓樹
當我們剛由楓機橫過馬路，有一雙很美麗的小鳥(其實這對小鳥的體形也不算是小)在我們的頭頂上飛過。
在赤柱廣場觀景台
左面的碼頭就是從中環搬過來的卜公碼頭，加面也是由中環搬過來的美利樓。
卜公碼頭
不說不知，這一座原建於中環的卜公碼頭是在2006年在赤柱重現光華，現命名為赤柱卜公碼頭。
美利樓
美利樓於1999年由中環整座搬到赤柱的現址。
本來不知道為何有人已到過赤柱兩次，今次還是想到赤柱。以為好對赤柱情有獨鍾，原來.....................
民益大牌檔
因為大家都認為是時間食午餐了，當然啊！已經是下午差不多2時了。因為今天晚上我們會吃意大利餐，所以1733提議到附近的大排檔吃麵。
為何1733會介紹到民益大牌檔，原因是1733去年11月跟BLOG友知足常樂到過赤柱，當時他就推薦這一處吃午餐啊！
大牌檔內蓋上了膠枱布的長枱
如果大家想懷舊一下，快來赤柱大牌檔啦！除了吃麵之外，民益大牌檔隔壁還有一間名為泗益的大牌檔是吃西式的啊！也是一樣出名呀。
咖哩魚蛋
咖哩魷魚
1733的八寶撈粗麵
民益大牌檔的奶茶也是1733極推薦的。
1733真高興，原因是大家都很欣賞這一頓午餐啊！
BLOG友GRACE還在今天特地再到民益大牌檔再回味一下啊！可惜的是吃不到八寶撈河粉，因為河粉已經沽清了。
赤柱購物步行街
原來女士們到了這裏是抵擋不了這購物街的吸引力，還好她們體諒男士們，在購物街只逗留了很短的時間，也可得到自己的心頭好。
本來1733提議去赤柱軍人墳場，但有人說新春期間不想到墳場。
跟著，1733便到了今天預定的最後一個景點，就是在大潭篤的水務文物徑。
有看到屋後的煙囪啊？
原來這座有19米高，呈四方形的煙囪是香港水務碩果僅存的獨特建築，這用紅磚建造而成的煙囪是建於1907，即有一百多年的歷史喇！
建於1901年的大潭篤原水抽水站
可能是1733在事前沒有做過功課，在現場我又找不到有關此文物徑的遊覽路線與相關的資料，只有下面這一張簡單到看不明白的地圖以供到場人士參考。
如果大家有興趣到大潭水務文物徑，可按這一個連結→ 大潭水務文物徑 先下載有關有小冊子，就不會像1733這一次沒頭沒腦了。
簡單而睇唔明的地圖
不過大潭篤這一個地方除了參觀這一條所謂文物徑外，到此清幽寧靜的海邊漫步，也是不錯的選擇啊！
大
因為距離用晚餐的時間還有兩個半小時，所以1733特地加插了到石澳一遊。
石澳 山仔路
今天真有運，車子可以直駛到此，還有合法車位泊車。
很寧靜的街道
估不到Blog友Grace來到這一片石灘有著無比的興奮
原來她一看到這個海，這些岩石，這些島嶼，似曾相識，因為跟台灣的花蓮有點像啊！
繼續沿此小路往上走約10分鐘，便可以到達山頂的觀景亭。
但因為太大風及寒冷的關係，只有荃灣人獨自登頂。
最後，1733把blog友們帶到石澳沙灘作為今日blog聚的最後一個景點。
攝氏10度下的石澳海灘
老人與海
店面小小的Al Dent意大利餐廳
這一間餐廳我們已經是第二次幫襯，原因？就是超好味道囉。
餐前麵包
烟雞肉芝士青菜沙律 $79
雞肉白酒汁意粉$98
燒牛仔骨伴自家製燒汁配薯角雜菜 (全份) $188
蕃茄芝士意式肉腸薄餅 (大) $128
香蕉焦糖醬蛋糕 $49
勁好味呀，下次再來，一定要再吃。
雜錦野莓撻件雪糕 $55
如果想食一些醒胃甜品的話，這一個就合你的口味喇！
兩個小時的吹水飯局很快便完結了，大家都很期待下一次聚會的來臨。
我都想試民益呀！山頂真不得了.咁多人！
回覆刪除[版主回覆01/27/2012 21:52:42]民益係唔錯架，快D去試下啦！山頂有很多內地遊客，很興旺。
香港好冷啊﹖可能是濕﹖美國如果相同度數就沒有那麼冷﹗這裡一件羊毛一件jacket 就已經OK了。
回覆刪除[版主回覆02/16/2012 21:31:46]恭喜你兩個有機會相認。
[Grace回覆01/28/2012 16:58:56]hihi...貓媽,還記得我吧...聽1733說您要回香港啊...如果可以的話,希望能跟你見個面呢...
[版主回覆01/28/2012 15:15:45]年初三這一天，風、雨、寒齊來迎新歲，所以感覺特別冷。
咦, 我昨日都上咗山頂, 不過太大霧完全睇唔到山下, 山頂廣場泊車消費五百元有三個鐘. 去赤柱通常都係食西多, 未食過民益, 石澳好耐都無去, 雖然由屋企去好近, 最後想問問大潭篤的水務文物徑在那裡, 係咪有停車場?同埋間意大利餐廳是在那裡?
回覆刪除[版主回覆01/31/2012 06:31:40]當然無海明威feel啦。我只不過是實話實說咋。
[版主回覆01/31/2012 06:31:27]當然無海明威feel啦。我只不過是實話實說咋。
[度爸回覆01/30/2012 22:56:49]我既 comment 就係幾攪笑囉，but 完全冇海明威feel啦…))
[版主回覆01/30/2012 21:33:39][我想 copy 你張“老人與海”落留言版，然後 comment 下，又唔得]....雖然唔得，你都comment一下都得掛？
[版主回覆01/30/2012 21:32:45][而家答人問題要 copy ，再用括號括住問題，真係巧辛苦下喎！]......係呀！鬼叫雅虎唔可以好似以前咁用唔同既顏色字吖？又唔可以隔行，比佢激死啦！......................
[答果個同睇果個都有 d 辛苦呢]… 無錯。
[度爸回覆01/30/2012 13:58:43]仲有，我想 copy 你張“老人與海”落留言版，然後 comment 下，又唔得，唉！阿苦新版真倒退。
[度爸回覆01/30/2012 13:57:00]而家答人問題要 copy ，再用括號括住問題，真係巧辛苦下喎！答果個同睇果個都有 d 辛苦呢…
[Nerissa回覆01/29/2012 15:53:51]謝謝.
[版主回覆01/29/2012 10:54:08][咦, 我昨日都上咗山頂, 不過太大霧完全睇唔到山下].....所以我地這一天雖然又凍又雨又風，都睇到維港所以好好彩架喇............... [山頂廣場泊車消費五百元有三個鐘] ... 對，消費二百元都有一個鐘，但我同幡垣兩人只在老麥食個早餐，2人共消費都唔過60元。........... [去赤柱通常都係食西多, 未食過民益] ... 咁下次兩間都試下喇！......[石澳好耐都無去, 雖然由屋企去好近]... 我去石澳就好遠喇，不過我舊年都去左一次。......... [最後想問問大潭篤的水務文物徑在那裡？].... 知唔知大潭郊野公園在那裏？係大潭道近條大霸附近既入口，對面有個路口，斜路向下行到盡頭就係。[係咪有停車場?]...... 星期六、日及假期佢會開放D車入到入面既石屎地台，可以泊車。我在個blog 內加插了一條link，你可以按條lnk下載有關的小冊子呀。..........[同埋間意大利餐廳是在那裡?] ..你按blog裏面，最後嗰一張照片下面，藍色字個餐廳名就去到有關既網頁架喇！嗰條係link黎架。有多間分店，睇下去邊一間啱你。
放假不用出門, 香港都有很多好去處 ...
回覆刪除[版主回覆01/29/2012 10:00:45]這個就一定當然啦！
你安排這行程, 真的又要自駕遊才行, 除了民益, 聽聞泗益的西多士也很出名呢,
回覆刪除[版主回覆01/29/2012 10:00:14]唔自駕，一日之內去唔到咁多地方架。...............其實這兩間我都唔知係出名架。
差D唔記得上黎拜年添 , 祝 1733 兄 : 身體健康 , 龍馬精神 , 萬事勝意 , 如意吉祥 , 花開富貴 , 青春常駐 , 去旅行玩多幾轉 , Yeah ~
回覆刪除[版主回覆02/16/2012 21:30:41]輸入電話號碼都好方便架。
[man wai回覆01/29/2012 11:32:26]最主要都係搵地圖既 mapcode .
[版主回覆01/29/2012 11:28:02]北海道係你既地頭，都唔洗點搵架啦？
[man wai回覆01/29/2012 11:25:31]剛剛開始慢慢搵料 , 好漫長既呢 . ^_^ !!
[版主回覆01/29/2012 09:59:03]多謝晒呀man wai。大家都身體健康，事事順利，開開心心。..................你既北海道2012之旅計劃成點呀？
祝你龍年行大運！身體健康！
回覆刪除心想事成 ! 祝大家初七人日開心快樂…
[版主回覆01/29/2012 09:57:03]謝謝你呀可可媽咪。大家都身體健康，事事順利，開開心心。
人日祝你生日快樂
回覆刪除[版主回覆01/29/2012 10:21:54]謝謝你，大家都生日快樂。
生日快樂！
回覆刪除[版主回覆01/29/2012 21:44:30]生日快樂呀Amybbb。
八寶麵和魚蛋真的很好吃^^
回覆刪除[版主回覆01/30/2012 21:59:01]無錯。
[心田瘋子回覆01/30/2012 10:47:02]是, 但都同樣好吃!
[版主回覆01/29/2012 21:46:33]你不是吃八寶河粉嗎？
今年最凍既一日，你地去既地方全部都係好空曠，感覺好凍呀~~~
回覆刪除今日係人日，生日快樂呀!!!
[版主回覆01/29/2012 21:48:31]係呀，嗰日又凍又濕架。生日快樂。
通过你的镜头看香港，觉得别有一番意境！
回覆刪除[版主回覆01/31/2012 18:18:17]厲害, 厲害!
[你或我回覆01/31/2012 08:09:06]是一种只能意会的沉稳的美！
[版主回覆01/30/2012 21:19:20]咁係乜野意境先？
架 camry 可以坐咁多人？荃灣人件頭都唔細加嘛！hkd 32, hkd 28 蚊個鐘皇爺都唔覺貴？我覺得好貴呢！所以那麼喜愛自駕遊台灣，泊車費很平。
回覆刪除[版主回覆01/30/2012 21:16:03][架 camry 可以坐咁多人？]....連司機5個人啱啱好。...........[荃灣人件頭都唔細加嘛！]....所以佢坐車頭囉。....................hkd 32, hkd 28 蚊個鐘皇爺都唔覺貴？我覺得好貴呢！32蚊泊山嶺、28蚊泊赤柱，點都平過在銅鑼灣和旺角泊噃？................[所以那麼喜愛自駕遊台灣，泊車費很平。]....在台灣要收泊車費既地方不多，市區除外。
一天港島南的開心駕車遊......行了一個富貴運..., 全程是富貴地方, 富貴商場...!!
回覆刪除[版主回覆01/30/2012 21:12:07]你說得極對。
謝謝分享！有些地方是曾經去過，但都已存在記憶中，現在照片中重見一些景色，其中更夾雜一些新的建設，真是有眼福啊！
回覆刪除[版主回覆02/01/2012 06:36:44]謝謝你。
[小猴回覆02/01/2012 02:33:19]一定會！
[版主回覆01/31/2012 18:17:42]謝謝你的欣賞, 有時間就多d黎睇下啦!
祝: 新春迪吉,闔府安康 ! 謝謝照片介紹的環島遊,天氣這麼冷,辛苦晒啦 !
回覆刪除[版主回覆02/01/2012 06:44:31]謝謝你的祝福，秋葉阿姨。.....唔辛苦，blog聚好開心架。
呵呵呵～我初三都享山頂，不過係晨早去發財跑。:)
回覆刪除[版主回覆02/02/2012 21:09:03]咁你發左健康財啦！
嘩~ 你地BLOG聚去咁多地方~ 厲害~
回覆刪除[版主回覆02/03/2012 20:22:27]去既地方雖然多，不過唔洗等車，所以省回交通上既時間。
新正頭山頂行大運----Good Good^__^
回覆刪除[版主回覆02/03/2012 20:18:57]係架，希望大家都行大運。
新年快樂！你這天blog聚行了成個大運呀。
回覆刪除[版主回覆02/03/2012 20:16:40]新年快樂！係呀，在港島行左好多地方呀。
民益我都未食過喎，下次去試下先。
回覆刪除[版主回覆02/05/2012 08:23:49]元宵節快樂。
[版主回覆02/05/2012 08:22:33]民益隔離嗰間泗係食西式野，有人都話係出名，不過我就未試過。
新年快樂!
回覆刪除[版主回覆02/05/2012 08:23:34]元宵節快樂。
嘩....好豐富呀,祝你龍年繼續行大運,話事話我地係blog應該都識左幾年啦?下次有blog聚唔嫌棄我可以預埋我吹水啦:p
回覆刪除[版主回覆02/05/2012 16:29:46]歡迎，無問題。
我果日都行金督馳馬徑，得4-5度，好凍
回覆刪除[版主回覆02/06/2012 13:04:50]凍真係好凍，不過我喜歡凍多過熱。
民益大牌檔～好，記住先，如果去赤柱行吓，一定試吓啲懷舊小食！^_^
回覆刪除[版主回覆02/09/2012 08:55:03]咁你記住喇！唔記得左再黎睇下啦！
33 你好﹐新年進步 ﹗
回覆刪除年初三我身處泰國 ﹐睇到你篇 Post 先知道香港咁凍。果幾日天雨路滑﹐港島南區彎多路斜﹐開車上山頂同赤柱係咪要好小心 ﹐唔可以合眼瞓 。得閒我都去你講果間民益試吓 。
[版主回覆02/10/2012 08:10:11]你去到泰國都黎我個blog探我，謝謝你呀。
天雨路滑開車就更加小心，不過幾時開車都唔可以合眼瞓喎？
去民益試左就話我知啦！
既然提起我，幾忙都一定要嚟探吓你啦！至於仲未寫啲blog…
回覆刪除[版主回覆02/22/2012 22:08:36]係唔係人老左喇？
[知足常樂回覆02/22/2012 21:10:11]早咗瞓，早咗醒，瞓唔番…
[版主回覆02/22/2012 06:47:15]係喎？我攪乜野呀？
今日你咁早下床？你又攪乜野呀？
[知足常樂回覆02/22/2012 06:31:54]今日係22號咋…兄弟！你仲未瞓醒？
[版主回覆02/22/2012 06:28:23]今天是2012年2月23日早上6時25分，你這一個回應是昨天早五時零七分發出。我竟然現在才收到？？？...................
仲未寫既blog，我一定唔會爤尾既。
多謝1733好介紹, 個大排檔嘅食品樣樣都好好味, 有以前細佬個時, 曾經食過嘅味道, 其他地方已經好難搵到, 下次一定再去, 雖然遠少少, 又要暈車浪, 不過都會再去...><
回覆刪除[版主回覆02/29/2012 20:10:34]呢D地方，買少見少架喇！
都唔明白你搭車都會暈車浪。
大家試下無妨,,因為佢係唔需要身份證號碼,,只係要你個地址,,如果比左佢,,佢都吾會去搵你-v-所以試下都冇所謂!
回覆刪除*****************************************************************************
sign up步驟:
1)link上-->http://www.sendmoreinfo.com/ID/3172108
2)見吾見到右上角有個"sign up now"o既公仔?揀呢個!!
3)入到去就填得喇!!
**記住!係要用英文填!!
Email---->即係自己用開o既email la
First------>即係你個姓(例:你姓李就:lee)
Last------->即你個名(例:你叫小玲就:siu ling)
MI--------->唔洗填
Add1------>即係你地址!!(要填清楚啊!!如果唔係就收唔到錢架喇!!地址要簡單甘寫吾可以超過50個字)
Add2------->無就唔洗!
City--------->Hong Kong
State--------->唔洗理
Zip----------->000-000
Country----->China
Day Phone-->括弧打(852)(呢個可以唔洗理~你亂打比佢都得!因為佢地唔會打俾我地ge!
不過就要係咁(852)-xxx-xxxx
之後Personal Info
Gender------->男就male,女就female
Marital-------->single(單身),married(已婚),divorced(離婚)
Birth Year---->出身年份(例:1980)
Children------->如果無小朋友就None,有就Yes
其他Occupation,Number of Employees,Income等等,就自己填喇!