2012年6月9日 星期六 天晴
更新日期：2012年7月11日
是日早餐
民宿每天提供的早餐都會隨付有不同種類的水果。今天就是消暑清甜的西瓜。
時尚外觀的印象沙港民宿。
沙港東漁具整補場暨漁民活動中心
今天的活動是東海一天遊。登船出海的碼頭並不是昨天那一個。因此我們在吃完早餐後，大家便散步到10分鐘步程的集合點，沙港東漁具整補場暨漁民活動中心。
晶翔號船長龍哥
這一位就是我們第一天來到澎湖，晚上參加釣小管的晶翔號船長龍哥。他正在為大家講解如何保育生態環境及今天的活動內容。
大家看到珊瑚旁的小魚嗎？
團友誘捕到的小蟹，觀看完後便把小蟹放回牠的住處。
抱墩的講解及操作示範
曬蝦乾
曬小管
後面那一艘就是晶翔號
出發嚕！
垂釣講解
我們的第一條魚 ─ 紅新娘
紅新娘
護士魚？
全船團友的收獲
釣魚的時候，也有安排了有興趣玩浮潛的團友。因為明天我們會參加一個半天浮潛團，所以我們就只玩釣魚。
是日午餐
釣魚活動完畢，我們便折返沙港碼頭。吃午餐去。這一餐午餐是包括在團費及活動內的。
吃完午餐，因為有一個多小時的休息時間，除了我們四人步行回民宿洗澡及休息外，其他的團友都到二樓休息。
下午的活動是再次出海遊覽。但在出海前，船長龍哥把放在碼頭附近的網收起來，目的是取走在網上的魚及蟹。但.........................。
再次踏上沙港碼頭，原來節目還未有完。船長還預備了鮮炸今天的魚獲及一大煲蟹粥。
收網取蟹
鮮炸魚獲
清甜蟹粥
在散團前，我便跟在今天認識的台灣朋友王先生一家人來一張合照。因為仍未有問過王先生，所以有關的照片未敢公開。
是日晚餐，活海鮮。
今天的晚餐就是在這一間清香活海鮮。海鮮生猛，當然是在未被劏之前。味道不錯，而且價錢大眾化。
吃完晚餐，我們便步行前往中華老街走走。但很好彩給我們碰上『神龍祭』巡遊。
在台灣自駕遊多次，也見到一兩次類似的巡遊。
這一個神將樣子很可愛
但原來另一些神將是會有閃閃發光的，而且面部看來也沒有那麼有善。
另一位閃著紅色螢光的神將
原來還有會噴火及播放著強勁節拍歌曲的巡遊工具
神龍祭遊行
在正式寫這一天的行程時，1733會放上一些短片，大家看後可能會對這巡遊更有興趣。
我們又再到85度C食餅飲咖啡
馬公市中華老街 ─ 四眼井
摸乳茶的前方，有一條名叫摸乳行的人行通道。
在中華老街也有一些民宿可供選擇
按下面的連結，可以直接到有關的blog。
豐富早餐 , 唔錯 ~
回覆刪除揚帆出風 , 勁 !
[版主回覆07/02/2012 22:52:07]個早餐唔可以話豐富，不過好好食。同埋每天早餐必有生果。
今日既行程是東海一天遊呀。
一大片咁晒好壯觀喎。
回覆刪除[版主回覆07/02/2012 22:50:01]在現場看，除左壯觀外，仲好好美添。
探1733
回覆刪除[版主回覆07/02/2012 22:49:14]謝謝你來探訪呀！
大唔大浪呀？我最怕暈船浪。
回覆刪除[版主回覆07/03/2012 20:34:07]這一天就D都唔大浪。
不過你知啦！呢個係海黎噃。浪唔係人為造出黎架。所以大唔大浪要睇當時既情況架。
天氣好正喎
回覆刪除食西瓜可保充水份, 於天時熱更正.
[版主回覆07/03/2012 20:26:36]今天的天氣很好，陽光很猛，晒到你脫皮。
食西瓜，消暑解渴。正。
我上次好似都係坐晶翔號，個名好熟……
回覆刪除[版主回覆07/04/2012 21:03:22]我睇左你在澎湖的blog，證實左你都係坐晶翔號架。
曬蝦乾好壯觀
回覆刪除[版主回覆07/04/2012 21:42:40]在香港已經很多年沒有見過這個壯觀場面喇！
點解"追蹤篇"搞搞吓又變咗"行程篇"？
回覆刪除[版主回覆07/05/2012 06:39:51]謝謝你的溫馨提示，在你提醒之後，已經即時修正了。
[知足常樂回覆07/05/2012 01:19:12]係喎，可能係我老花呀！
[版主回覆07/04/2012 23:18:21]係咩？唔係呀！你睇錯左呀！
這個印象‧沙港民宿, 好舒服的感覺。
回覆刪除[版主回覆07/05/2012 13:47:28]睇相就會覺得有好舒服既感覺
但入住後的體驗係 正到唔識講架
So nice...
回覆刪除Long time no talk, how are you?
[版主回覆07/05/2012 23:07:08]去台灣，下次諗下去澎湖啦！
我有去你個blog回應架，不過你好少回覆我噃。
坐遊艇釣魚, 真一樂也!!
回覆刪除[版主回覆07/06/2012 06:28:22]但我想來一次真正的純海釣啊！
你好, 很久沒有在台灣租車了, 請問現在有什麼好介紹, 那一間較優惠及服務較好?
回覆刪除[版主回覆07/06/2012 22:05:02]唉！而家台灣格上租車既服務質素跟幾年前下降了很多。在桃園站不設接送服務。
和運租車我就只租過一次，桃園既服務站都唔錯。不過租金就貴過格上。
最近有blog友問兩間租車公司(台中站)都話要客人自己去台中市辦手續取車。
水好清
回覆刪除[版主回覆07/07/2012 07:26:20]無錯。
果條紅新娘又肥又圓
回覆刪除[版主回覆07/08/2012 00:58:27]其實有台灣朋友釣到石班仔架。
Very nice trip, and I am so jealous!
回覆刪除[版主回覆07/13/2012 14:51:21]下次返香港，就預幾日時間去行下就得啦！
[茶茶回覆07/13/2012 10:44:56]I went to Taiwan is super fat, not like you guys so easy to go!@ Ha.h.ah.a
[版主回覆07/09/2012 06:39:34]唔好咁啦！得閒就去台灣玩下迷得囉。
魚的名好有趣呀~
回覆刪除[版主回覆07/09/2012 13:10:51]這魚的學名是環眼准雀鯛。
節目好豐富呀，好似好好玩喎，local tour貴吾貴？
回覆刪除估吾到有祭典，係咪意外收獲？
[版主回覆07/12/2012 16:57:45]錦上添花下面嗰句暫時未被我遇上。
[CC回覆07/11/2012 14:55:11]簡直是錦上添花
[版主回覆07/09/2012 22:40:13][節目好豐富呀，好似好好玩喎]
呢幾日真係玩到人都癲呀！
[local tour貴吾貴？]
local tour唔貴架。好底玩架。
[估吾到有祭典，係咪意外收獲？]
無錯。淨睇相你都覺得好，如果比埋D片，有聲有畫，你更會哇哇叫添。
很有氣氛的晚市呢!
回覆刪除[版主回覆07/10/2012 06:37:59]不錯，我到了台灣這麼多次，還是頭一次在晚上給我遇上。
不過同一樣的巡遊，在日間看就沒有這麼好看喇！因為沒有閃亮的燈光配合啊！
1733, 你好呀, 我六月太忙了, 都沒有blog遊, 剛剛補追讀你呢個九天之旅, 為什麼停在第八天呢? 還差一天啊! 我七月尾也跟老公再戰台灣13天, 今次只訂了首四天住宿, 打算抵台灣後再慢慢決定行程, 應該會是很寫意的假期吧! ^^
回覆刪除1733, 你都很大方花錢在住宿上, 你訂的飯店都很美啊! 我就經常訂一些廉價旅館, 只要清潔整齊就好, 因為我捨不得住太貴啊~ 有時也想偶爾住一下貴價的... ^^
[版主回覆07/12/2012 22:27:06]哈哈！原來我寫錯左野添，抵比人炳既！不過我既本意唔係咁架。Sorry囉，哈哈！
[知足常樂回覆07/12/2012 22:21:44]肥師奶：您好！我都好高興認識妳。真係唔好意思，多口插咗咀。我開咗個blog，自己就唔寫，但係就去1733到搞搞陣。今次見到個話題好啱寫，所以咪搭咀講兩句囉。
1733：梗係飲得杯落！不過你唔好誤導blog友，冇人夠膽插你寫blog寫得慢，包括我囉。
[版主回覆07/12/2012 22:14:53]第九天的追蹤篇都寫好左喇！
[版主回覆07/12/2012 22:12:51][我同老公去旅行就同你相反, 選擇住平D, 食好d, 嘻嘻~~~]
呢D叫做各有所好，各有所需嘛。
[版主回覆07/12/2012 22:12:06]太魯閣你要先check一下先，最近嗰度有大規模落石，唔知而家清理好未呀！你去太魯閣國家公園個網頁睇下啦！
[版主回覆07/12/2012 22:10:11]去澎湖唔係一定要由高雄去架，在台灣有好多機場都有飛澎湖架，台北就係其中之一個機場喇！
下次啦！下次去澎湖玩下啦！
[肥師奶回覆07/12/2012 21:53:53]知足常樂, 好高興認識你... (握握手先)
[肥師奶回覆07/12/2012 21:51:46]我同老公去旅行就同你相反, 選擇住平D, 食好d, 嘻嘻~~~
[肥師奶回覆07/12/2012 21:51:09]我有考慮過去澎湖見識一下, 但原來要由高雄過去, 今次我用亞洲萬里通換機票兩張係由台北入台北出的, 所以唔打算過高雄, 而且台北附近仲有好多地方未去過, 例如新竹、宜蘭, 而老公又話想去太魯閣... 所以可能下一次先再去外島玩~ ^^
[版主回覆07/12/2012 17:31:05]係呢，你地去13天，有無諗住去外島呀？
同時你要知道，你去這一段時間係旅遊旺季噃？
住宿應該都會比較緊張架。
[版主回覆07/12/2012 17:29:28]其實我寫左呢8日既野係應該在旅途上寫架。我個標題係追蹤篇嘛。不過就玩到攰晒無寫到囉。
第九天既追蹤篇今晚開始攪架喇！
不過，之後我會寫完整既行程架。講到呢度，又會比知足常樂插我架喇！因為我跟他認識的那一次旅程，我而家仲未寫認識佢嗰一日嘛。
[版主回覆07/12/2012 17:20:04]知足常樂，就係我住雲頂山莊，先至認識到你地嘛。值唔值得飲返杯先？
[版主回覆07/12/2012 17:18:35]還有，好似今次在高雄住既飯店，價廉物美，清潔整齊，服務又好，位置方便。簡直就係我下次去高雄市既不二之選既住宿點啦！
[版主回覆07/12/2012 17:16:43]邊鬼個扮我答，又答得咁鬼似架？
不過我都要補充少少野。
因為我係自駕遊，所以一般我住既地方都係不太方便既，例如要開車走一段路上山咁。而呢D住宿點又大多是有景觀既，所以就貴左少少囉。
另外，你有無留意我地在食方面好求其呀？有時食飯盒、食麵包咁又一餐架，
[知足常樂回覆07/12/2012 14:52:57]扮1733答：
其實我冇刻意花多啲錢入住貴價嘅住宿，但係我比較鍾意住民宿，可以體驗吓當地人嘅文化，而且台灣人好熱情好客，住民宿可以同民宿主人交流吓，感覺好好，呢個正係1733鍾意遊台灣嘅原因之一。當與某啲民宿主人交朋友之後，再遊時如順道嘅話都會再入住，感覺上好似探朋友一樣。其實我選住宿都係只要清潔，寧靜就可以，盡量要避免有卡拉OK，麻雀需樂設施。妳留意吓我有時住嘅地方都係好便宜架。
唔好意思打搞哂！
你叫佢做紅新娘的魚, 似乎係可以長到好大條果種, 但比你吊左上黎, 咪...............
回覆刪除『神龍祭』有別一般祭禮咁喎, 好似創新小小, 有營光衫, 有顏色d, 我反而覺得冇傳的個樣咁惡
[版主回覆07/12/2012 17:06:06]唔你我叫佢做『紅新娘』架。一般在澎湖都係咁樣叫架。紅新娘身長一般有70至80mm(即係3吋至3吋幾)左右。
今次在晚上睇到『神龍祭』真係好好睇架，我以前在日間都有睇過下巡遊，都好大陣象。不過就睇唔到咁靚既色彩同埋有咁強勁有現代感既音樂。
好壯觀-曬蝦乾.
回覆刪除出海釣魚...好玩.
海鮮餐..好味道
[版主回覆07/18/2012 06:49:55]係呀！整體上好好玩架。
釣魚真係好好玩, 有得玩有得食, 船上會唔會好拋, 怕唔怕暈浪呀?
回覆刪除[版主回覆08/20/2012 21:20:28]船上會唔會好拋, 怕唔怕暈浪呀?
這一天風平浪靜完全無問題。
看完你的 "台灣外島澎湖九天遊"了，風景很好，行程豐富又愉快啊！
回覆刪除[版主回覆11/06/2012 20:41:40]這只是一個追蹤篇而已，我會把整個行程由第一天開始慢慢寫架。不過就未知幾時開始寫。
謝謝你到訪！
回覆刪除祝你聖誕愉快！
[版主回覆12/23/2012 08:13:59]聖誕快樂。