是日行程：富山市APA酒店 → 富山駅 → 立山駅 → 美女平 → 彌陀介原 → 天狗平 → 室堂酒店。
在APA酒店食完早餐，便要求酒店職員電召的士往富山駅。
由富山市APA酒店乘坐的士往富山駅
雖然今天大風又有雨，但仍無損我們往立山的決心。
先在富山駅乘搭約一個小時的電氣鐵路往立山駅
在立山駅離開電鐵後，即轉乘立山電纜車往美女平。
在美女平改乘高原巴士到室堂
彌陀介原高原巴士車站
我們在未到達室堂前，在彌陀介原下車。下車後先到這站跟有關的職員登記選搭那一班次的高原巴士繼續行程。
彌陀介原酒店
我們在彌陀介原下車，原本打算到有關的步道。但巴士站的職員告知步道因天氣不穩已封閉了。所以只好在酒店附近及酒店內走走。
在彌陀介原繼續乘高原巴士到室堂
因為沒有什麼好走的地方，我們便搭乘隨後班次的巴士往室堂。
先到室堂酒店Check-in
因為未到入住的時間，酒店職員讓我們把行李先寄存在Check-in櫃台。
這就是雪之大谷的入口，但因風雨關係而暫時被封閉了。
立山酒店外的雪世界
因為不能走雪之大谷。所以我們便到立山酒店外走走。
我們又走進雪之回廊
1733更留下他的足跡，不知道blog友Shirley看不看到這一個雪刻呢？
1733是第一次感受到漫天雪地的滋味
雪之大谷終於重開，我們便跟隨著人龍緩步前進。
立山酒店雙人房
房間窗外的景色
食完晚餐，回房間休息。不過今晚的風聲真大，外面的世界好像正在打大風啊！
按下面連結，可以到相關的blog繼續看。
行程篇
租車篇
Day 1 of 8 追蹤篇 (香港 ─ 名古屋)
Day 2 of 8 追蹤篇 (名古屋 ─ 高山市)
Day 3 of 8 追蹤篇 (高山市 ─ 富山市)
Day 4 of 8 追蹤篇 (富山市 ─ 室堂)
Day 5 of 8 追蹤篇 (室堂 ─ 池代)
Day 6 of 8 追蹤篇 (池代 ─ 伊豆)
Day 7 of 8 追蹤篇 (伊豆 ─ 池代)
Day 8 of 8 追蹤篇 (池代 ─ 香港)
行"雪壁", 正!!
回覆刪除[版主回覆04/30/2013 13:14:31]正到傻呀！不過今日就勁大風及雨。
回覆刪除[版主回覆04/30/2013 14:15:29]無錯，快架喇，快架喇！
雪之大谷, 正, 不過似乎立山上面都成日遇到落雨.
回覆刪除[版主回覆04/30/2013 22:13:10]我就好彩在室堂住一晚囉。
[Nerissa回覆04/30/2013 22:11:41]係囉,富山又落, 立山又落, 好在我行回頭路, 返到室堂放晴至見到好靚既立山.
[版主回覆04/30/2013 21:49:58]雪之大峽谷真係勁正。
成日遇到落雨，你去嗰時都係落雨？
轉好多程車咁喎 .
回覆刪除用雪留下足跡 , 醒目 !!
唔知我今次會唔會見到雪呢 ? 如果有 ~ 留番個名都唔錯 .
[版主回覆04/30/2013 21:51:28]係架，去呢度無得自駕架。
我係想睇下其他blog友見唔見到我嘛！
我喺message area寫咗"TO: 1733" 跟住本來想寫Hi 及簽名, 但嗰個範圍啲雪好硬, 所以無寫埋落啊!
回覆刪除[版主回覆05/01/2013 12:13:04]睇清楚原來係19,950円一個人而唔係一間房。咁就差唔多。
[版主回覆05/01/2013 11:19:39]哈哈，唔蠢過都唔會識，下次我知道會點做架喇！
[Shirley回覆05/01/2013 10:04:10]係呀! 我次次都係由agent幫我訂package裡面嘅酒店, 其他我都自己訂, 用jalan訂重可以儲分留返下次用, 我今次砺波apa就用績分扣返1000yen, 雖然只係幾十蚊, 但都好啊!
[版主回覆05/01/2013 09:17:12]上次我去北海道都係呢一次其中的一個團友幫手訂房既。不過今次大家都忙，所以就叫agent 幫手訂囉。
原來agent訂房係貴得咁厲害，下次一定唔會再搵agnet訂房喇。
[Ada & Man San回覆05/01/2013 09:06:49]其實去日本上日本網站訂平好多好多架 , 且好多選擇喔 !
[版主回覆04/30/2013 23:38:14]無問題！我都係想係睇到我到過呢度啫。
我係經香港agent壩我訂既，房租係3,860港元。香港張單都係寫只有洗手間無浴室架。twin bed。無寫食日式還是西式。去到我酒店check-in，先至知upgrade左，同埋係食日式。
我都覺得和食麻麻地呀！
睇黎我呢個agent收既費用都非常之高呀！
[Shirley回覆04/30/2013 22:58:30]係呀! 不我都用我媽咪支行山杖寫, 但真係好難寫, 我驚整爛佢支杖, 所以放棄咗啊!
Yen19,950一個人, 本來book無浴室, 不過去到佢哋話upgrade咗有浴室喎!
你嗰晚食西餐定和食呀! 我揀咗和食, 但味道嘛嘛, 早知食西餐啦!
[版主回覆04/30/2013 22:27:00]我頭先再上網check過，呢個係2至4人房黎架。有浴室及洗手間既設備添。
你自己在網上book，房租係幾多錢呀？
[版主回覆04/30/2013 22:25:13]係？你真係睇到我寫1733係雪牆上面？
我寫嗰時D雪都係硬架，不過用左個團友把傘寫充好左好多。
[Shirley回覆04/30/2013 22:18:02]你嘅雙人房同我哋嘅三人房一樣喎!
雙人房好大間喎
回覆刪除[版主回覆05/01/2013 12:14:58]不過去到咁正既地方，住一日食兩餐都算OK啦！
[11回覆05/01/2013 11:21:25]我未住過呢樹，我見到價錢已經嚇怕，所以我們起大町溫泉上，即日來回，咁啱是日本假期，勁多遊人！
[版主回覆05/01/2013 09:19:13]咁間房有無洗手間架？
另一個方向？即係睇雪之回廊嗰一面啦！
勁多人係指住客還是遊客呢？
勞動節快樂 !!
回覆刪除呢間酒店房又大又靚 , 每位幾多錢呀 ?
[版主回覆05/01/2013 14:28:17]去到呢度，一係選擇唔在此住，如果唔係選擇都唔多。
如果唔住一晚，就要一日玩晒佢。但咁又好似好趕咁。
好彩我地選擇住一晚，如果唔係，明天咁正既風景點會睇到呀！
[man wai回覆05/01/2013 13:21:41]哦 ~ 原來如此 , 不過成仟多元一晚一位 , 對於我黎講都幾貴 ,
有記錄以黎 , 我最貴住過既酒店都係13850Yen一位 .
[版主回覆05/01/2013 12:37:45]平左嗰D用黎食左佢仲好啦！
[版主回覆05/01/2013 12:36:03]我換左兩次円。
第一次係0.085
第二次好似係0.0825。
[Shirley回覆05/01/2013 12:34:00]我啲円對0.0792, 咁即係一個人HKD1,580呀!! 都係比你平少少啫!!
[版主回覆05/01/2013 12:11:47]man wai，勞動節快樂呀！
呢間係2至4人房，設備有洗手間同埋浴室。
點解要講有洗手間同埋浴室呢？係因為有D房間係無呢D設備架。有D就淨係有洗手間。
房價？
Shirley自己在網上租是19,950円一個人。
我就香港agent幫我訂，3,650港幣一間。即21,850円左右一個人。
漫天風雪，好凍呀！
回覆刪除[版主回覆05/01/2013 14:29:57]今日雖然又大風又落雨，不過都唔係好凍。
明天大清早我出左外面，就真係凍到我雙手好痛架。
一直好想去的立山黑部呀！年年都話去但年年都去唔到
回覆刪除想問問自由行去立山黑部係唔係好複雜架？
[版主回覆05/02/2013 21:09:10]應該都唔係吖，我介紹你去睇下下面Shirley個blog吖，佢都係自由行架。我就自駕遊，大家既玩法都有D分別。但上立山黑部既時候，雖然大家上山既方各啱啱相反，但大家都是坐公共交通工具架。
係雪地寫上自己個名，仲影低佢，等我下次有機會都試下先。
回覆刪除[版主回覆05/04/2013 13:08:10]沙灘上都得架。
雪景好難影得清楚, 但你影得好好喎, 有可技巧可傳授?
回覆刪除[版主回覆05/13/2013 17:49:09]咁可能係你要求其既時候你就認真, 要認真既時候你又求其你都唔知道?
[多啦V夢回覆05/13/2013 16:37:16]吓! 我求其影又唔靚, 認真影又唔靚. 咁我咪冇得救
[版主回覆05/12/2013 15:33:30]講真，我都無研究架。
[版主回覆05/12/2013 15:33:12]有，就係要天氣好，同埋求其咁影囉。
雪之大谷好特別，我只是秋天去過，超級懷念呢！
回覆刪除[版主回覆05/13/2013 17:50:37]我去睇過雪牆之後, 唔會再去睇多次, 但我好希望再去, 不過係秋天去