2010年9月26日 星期日 (天色晴朗)
用新相機拍攝的照片，因為容量大過6M，暫未能上傳到blog上。要待返港後再上傳。
今天踏出我的日本之旅的第一步。由大清早醒來到現在，每一樣事情大致上都很順利。
早上07:45左右便到達機場。
09:16已到達30號登機閘口
拍完這照片後便排隊登機
沒有驚喜的午餐
航班非常準時地離開香港國際機場，在一片藍天白雲的天色下，直衝雲霄。
到達北海道的上空喇 (忘記把時間調較快一個小時添)
到喇，已降落北海道千歲機場啦！
經過4個小時又10分鐘及3,429Km的航程，我們終於踏足在北海道的土地上。
很快便辦妥入境手續，等待取行李啊！
也很快上了接駁巴士往租車公司
就是這一輛車呀！
我們亦準時在16:30到達租車公司，把已訂下的車子拿到。ETC咭也插進了盒中，正式開始展開這一次10萬9千里的日本北海道15天自駕遊。
開了一個小時的車，就是了我們頭兩天入住的酒店喇！
921號雙人房
晚飯於拉麵共和國
今天的晚餐就是吃了上面兩碗拉麵
就在酒店對面的大丸百貨公司
22:30了，要睡喇！明天我會早起，再跟大家吹水。
晚安!!
回覆刪除[版主回覆09/27/2010 06:08:00]早晨呀yoyo！
陸叔叔~我好耐冇來~原來你衝出台灣前進日本啦~旅途愉快啊~我年尾都會去沖繩自駕遊
回覆刪除[版主回覆09/27/2010 06:07:00]係呀，真係好耐都無見你啦！
這是我第一次去日本啊！所以你說我衝出台灣前往日本一點也沒有錯。
那你去沖繩多少天啊？
嘩, 衝出台灣, 進攻日本, 希望你睇到滿山紅葉
回覆刪除[版主回覆09/27/2010 06:09:00]係呀！過幾日就去睇紅葉啦！希望睇到啦！
等我呢個稀客捧吓場，加吓油先！
回覆刪除[版主回覆09/27/2010 06:10:00]歡迎你常來捧場呀！
好順利的第一天, 祝你黎緊天天都咁順利, 你吃的是味噌湯底拉麵?? 原來直飛札四個多小時就到, 好快呀, 我去過3次北海道, 次次都係在東京轉, 齊等轉機都用左兩個鐘, 仲要計埋澳門去HK 的船程, 次次白天出發, 黑天先到達, 好費時間呀!!
回覆刪除[版主回覆09/27/2010 06:14:00]好順利的第一天, 祝你黎緊天天都咁順利
成你貴言。
你吃的是味噌湯底拉麵??
我都唔知架，看圖點食而已。
咁下之你黎香港先住一晚，第二朝先至去機場搭直航機去啦！
好快呀! 真的現場直擊!
回覆刪除[版主回覆09/27/2010 19:56:00]希望能每日都可以做到啦！
不過點都要雅虎香港個BLOG要合作先至得。我驚我寫好左，發表唔到呀！
拉麵共和國不錯... 好多種選擇... 沒想到百貨公司樓上，還有這等好地方...
回覆刪除[版主回覆09/27/2010 19:54:00]我好大鄉里，我以為拉麵共和國是一間麵店，原來是在一個百貨公司樓上的一層樓內，有很多間的拉麵店。
終於都到左日本喇! 架車OK 嗎?
回覆刪除[版主回覆09/27/2010 19:52:00]比想像中無咁好。
1500CC都好似唔係幾夠力咁。同時開車時架車好嘈，講野都要大大聲咁講呀！
明天我映下架車既內部比大家睇下。
皇爺，響北海道駕車係咪好輕鬆呢？咪訓著覺呀！
回覆刪除[版主回覆09/27/2010 19:50:00]響北海道駕車係咪好輕鬆呢？
係呀！個個都好守規矩，好安全架。
咪訓著覺呀！
好彩你提醒我姐。
一個鐘就到酒店, 一家係行有料呢.... Yee, 你 3 個人食兩碗拉面? 間 twin room 張床係咪 4呎床?
回覆刪除[版主回覆09/27/2010 19:46:00]一個鐘就到酒店, 一定係行有料呢？
梗係，睇左你篇野要醒目先至得架嘛！IC費用450日元。
Yee, 你 3 個人食兩碗拉面?
最後得兩個人上機咋，因為識日文果個搵到一份工，要返工就飛左我地啦！
間 twin bed room 張床係咪 4呎床?
無錯。
譁！正呀！現場報導！
回覆刪除原來依家祇須要4小時多Ｄ，仲近過去星加坡
[版主回覆09/27/2010 19:42:00]咁你幾時又去下北海道呀？
嘩嘩嘩嘩嘩嘩嘩嘩.........
回覆刪除[版主回覆09/27/2010 19:41:00]喂喂喂，你嘩乜野呀？
乜你可以將行程描述得咁詳盡嘅? 佩服! 佩服!
回覆刪除[版主回覆09/27/2010 19:40:00]咁詳盡？這只是簡略的介紹咋！詳細既內容要日後再發表架。
睇見你啲拉麵好想食~~
回覆刪除S~
[版主回覆09/27/2010 19:39:00]昨晚在拉麵共和國內的拉麵無咁好食啦！今晚我們在札幌站地下街吃的好味好多啊！
右駕車 真是夢幻 !
回覆刪除[版主回覆09/27/2010 19:37:00]日本開車的方向跟香港一樣，是右駕車的，所以對我來說就更加一點問題都沒有。
咁又真係差D喎. 我上次個架好靜同好夠力, 可能係落左地四個月既新車, 所以我地上次好好彩呀!
回覆刪除[版主回覆09/27/2010 20:12:00]我今次呢架都好新架，我攞車時只係行左17052公里咋！
唔知係唔係同架車只是3前速自動波有關？
買咗邊部相機?
回覆刪除[版主回覆09/27/2010 22:56:00]Canon 550D
支持你~祝你地旅途超級愉快
回覆刪除[版主回覆09/27/2010 22:57:00]謝謝你的支持及祝福。
期待你的美味拉麵相~~
回覆刪除S~
[版主回覆09/27/2010 22:59:00]拉麵相？
已貼在上面啦！
終於出發啦! 期待你的靚相!
回覆刪除[版主回覆09/27/2010 23:36:00]將會陸續上傳的。
嘩............你又去旅行呀
回覆刪除嘩............你部相機好靚
嘩............個天好晴呀
嘩............d野好似好好食呀
嘩............我都唔知自己嘩乜呀
[版主回覆09/27/2010 23:55:00]咁都比你答得上，你好野！
洗乜講.....haha，你快d休息啦，聽日仲要影多d相比我睇0家。
回覆刪除[版主回覆09/28/2010 00:10:00]知道啦！
相我映左好多，不過有些要整理，例如個檔太大上傳唔到果D呀！
點解今次可以UPDATE得咁新鮮既? 你有帶電腦出門呀?
回覆刪除[版主回覆10/01/2010 19:54:00]係呀！不過事與願違。
因為有3天在酒店房間內沒有上網設備。
天阿~老哥! 我也好想去北海道自駕遊喔~
回覆刪除[版主回覆10/01/2010 19:55:00]不要想啦！快些計劃一下啦！
好野, 終於出發啦
回覆刪除[版主回覆10/01/2010 19:55:00]係呀，我都等到頸長了啦！
1733 : 勁呀 ~ 身在外地照出網誌 , 我就未試過 ~ 佩服 .
回覆刪除Bye Bye !
[版主回覆10/07/2010 21:31:00]唔好咁講啦！
我在旅遊時寫既blog係簡短既介紹，回港後會再寫詳細既內容架。
我試過租架七人van去九日加拿大東岸，攞車時只係行左50公里，哈哈！即是話係全新車！可能係全新車未 break-in，有一兩段上斜無力，要落 D3！（呢度無手波車嘅！） 還車時，九日共揸咗 5,000 公里！哈哈！
回覆刪除[版主回覆10/16/2010 17:30:00]咁正？可遇不可求呀！
睇黎你好似係同佢試車咁喎？你還車後，佢就剛好攞架車返廠check啦！
北海道既酒店房大過九洲既酒店房呀.
回覆刪除[版主回覆10/18/2010 21:49:00]係牙！我都覺得這兩晚既房唔係大果隻喎？
因為有心理準備日本酒店既房係細，所以唔覺得乜野囉！
唉....最普通的銀色車,我在日本租了兩次車都是銀色...
回覆刪除在香港都見過你租的車款, 如果系雞蛋淡黃色都好靚.
[版主回覆02/13/2011 07:54:00]Yes，Yes，我最喜歡呢一款車既顏色就係淡黃色喇！不過我估一定租唔到囉！我以為日本人最喜歡白色車，所以租到既車既顏色好大機會會係白色咋！
呀隊長你頭尾日都係住 down town, 下次可以 check 吓 car rental 佢地 D office 是否近 hotel, 咁就可以考慮在 down town 取車 & 還車呢 .
回覆刪除[版主回覆09/08/2011 22:44:00]我就係唔想在市區內取車及還車，直接在機場取車還車方便好多嘛？又省時間添。
呀隊長 , 最初我都係咁諗 , 而好多情況下都是正確的 , 但試過睜 D 賴野就發覺唔一定 , 特別係要從大城市 in & out 的情況 , 在歐美等大城市機場取車 , 客又多地方又大 , 又要接駁 , 周不時搞好耐 , 還車時因怕誤了飛機航班 , 無時間去同租車公司 argue, 又驚路途塞車過鍾 , 要入滿油時至發覺油价特貴 or 根本揾唔到油站 , 心理壓力好大 . 如果能在 hotel 隔離街 or 2-3 個地鐵站就有 rental office, 那我寧願自已花十零分鍾過去漫漫羅車 , ( 一個人 , no big deal) , 但慳番两 日租喎 , 分分鍾平過你坐的士番 hotel 呵 , And 大 town 往返機場好多公車 , 好方便 , 可以 check 吓先 , 計吓數, 最好係坐鐵路 , 唔塞車夠穩陣 !
回覆刪除[版主回覆09/09/2011 06:33:00]你都講得好啱，所以各有各既選擇囉！