2010年9月29日[星期三] (大清早上有雨後轉天晴，大風)
更新日期：2011年2月21日
原定行程： 定山溪 → 洞爺湖 (火山科學館、金比羅火山散策路、昭和新山、
有珠山西山火口散策路) → 洞爺湖湖畔亭酒店。
* 20:45至21:05於飯店前欣賞煙火。
住宿：洞爺湖畔亭 (0142-75-2211)
虻田郡洞爺湖町洞爺湖溫泉7番8號
宿費： 每位14,850円(1,381港元)，包部屋食晚餐和自助式早餐(1泊2食)
另加每位浸溫泉稅150円(14港元)
兩位共收費：30,000円(2,790港元)
午餐： 沒有選定
實際行程：定山溪 → 洞爺湖 → (有珠山火山村、金比羅火山散策路、
火山科學館、 → 洞爺湖湖畔亭酒店。
* 20:45至21:05於飯店前欣賞煙火。
住宿： 洞爺湖畔亭 (0142-75-2211)
午餐：洞爺湖 豐來軒拉麵專賣店
岩戶觀音堂
岩戶觀音堂就是朝日岳登山口啦！因為昨天差不多整天下雨，所以我們無緣登山嚕！今天？不能啦！又是時晴時雨啊！
窗外山景
拍攝上面兩張照片的時間還未到06:00，時晴時雨，1733也難料今日的天氣會如何？
窗外彩虹
就因為時晴時雨，所以彩虹也出來了。本來這一道彩虹是很寬闊的，但當我再取回相機的時候，彩虹的形狀已變了。
酒店內的餐廳很大，同一時間也可以容納很多客人。
日式自助早餐，食品種類的選擇性也不少。
不要看食物的數量很少，餐廳是會不時加添的。
早餐味道不錯，鮮奶，當然是不可缺少的啊！
所以我們約在09:15便辦妥Check-out手續，開車離開酒店。剛離開酒店不久，又給我們看到一條比今天大清早看到的彩虹更寬闊，而且她也已下山及快到地面啊！
定山溪又見彩虹定山溪往洞爺湖的路上
今天我們仍繼續取道國道230由定山溪往洞爺湖，因為國道230不是快速公路，所以也是不需要繳付路費。
一路上車輛不多，空氣清新。
天色仍然是時陰時晴，同時風也很大。
定山溪往洞爺湖的路上
在此左轉便到洞爺湖 道之駅停車場
開了35分鐘的車便到了洞爺湖的範圍，我們便在道之駅停車場休息片刻。
道之駅停車場旁的向日葵
道之駅停車場附近的小花
從這幾天的觀察，1733覺得北海道的路上，只要有空間的地方，地方政府和國民都會爭取種上合適的花朵，美化地方。
從道之駅展望台遠看洞爺湖
啊！洞爺湖在望！還有多遠才可以近看洞爺湖呢？
從道之駅展望台回望道之駅停車場
往洞爺湖路上的牛牧場
這一個牛牧場所飼養的牛隻不是乳牛，牛的皮膚黑黑的，不知道是不是食用牛呢？
離開了牛牧場，我們很快便進入支笏洞爺國立公園。
我們仍沿著國道230向洞爺湖進發，在途經洞爺湖的時候，看到湖面湧現很多白白的浪波，看來今天的遊湖計劃要告吹嚕！
由於今天我們所下榻的酒店就是在洞爺湖畔，所以我們也不急著在這一刻欣賞洞爺湖。
因此我們繼續沿洞爺湖畔開車，到位於洞爺湖南面的有珠火山去。
有珠山收費停車場
再開了20分鐘的車，便到達有珠山停車場，停車收費為450円(42港元)。
昭和新山
為何把這山稱為新山？
面前這一座山的出現，全因有珠火山在1943年(即昭和18年)的大爆發而誕生。又因為這座山於日本昭和元年形成故稱昭和新山。
看！仍有煙從山隙冒出啊！
不說不知，昭和新山至今仍在活動成長中。白煙不斷地從山隙中冒出，情景有如一座活火山。
有珠山火山村登山纜車站 (0142-75-2401)
有珠山登山纜車站就在停車場側，很方便啊！
登山纜車站停駛
當1733走到登山纜車售票處，便看到這一則因強風的關係，使登山纜車停駛的通告。當時真的多麼失望啊！
因為近距離觀看活火山是今天最渴望的行程啊！
有珠山火山村
既然登山纜車停駛，我們只好在有珠火山村隨意遊覽。
昭和新山玻璃館
昭和新山熊牧場
入場收費：成人800円(74港元)，小童500円(47港元)。
開放時間：每年5月至10月(08:00 ~ 17:00)
每年11月至4月(09:00 ~ 16:00)
據睿這個熊牧場也飼養了約100頭棕熊。
因為我們的行程已安排了到兩個熊牧場，所以我們沒有進入這一個熊牧場參觀。
當然，有珠山火山村除了這些店舖之外，也還有食店啦！但我們沒有在此用午餐。
大約在中午時份，我們離開有珠山火山村，下山後我選擇在洞爺湖畔的食店。無錯，就這一間啦！
洞爺湖 豐來軒拉麵專賣店
這拉麵店位於洞爺湖畔，店面不是很大，店內的食客也不少。可能就是食品的質素很不錯吧！
鹽味叉燒拉麵680円(63港元)
我們沒有選擇錯誤，這碗鹽味叉燒拉麵的麵質很爽滑，湯底很有海水的味道。我很喜歡。
煎餃子595円(55港元)
在差不多把拉麵吃完時，發覺有幾位食客也有點煎餃。食店主人在我們的面前把餃子煎熟，煎餃子的香味，不斷滲入我的的鼻孔內。最後我們都忍不著也點了一客。
餃子表面煎香了，但當把餃子咬一口，便知道餃子內的肉汁即時被送進口內。還好我們早有準備，否則熱辣辣的肉汁會灼傷我們的舌頭。
今天午餐共消費(680 + 680 +595)円 = 1,955円 (182港元)
食飽飽後，我們便到下一個景點 ─ 金比羅火口災害遺構散策路。由豐來軒拉麵專賣店金比羅火口只需幾分鐘的車程。
金比羅火口地形圖
2000年4月4日的那一天，金比羅山爆發，噴出大量的熱泥流。超過千度攝氏的泥流，從山上快速地往下流走，所經之處所做成的破壞。有關當局致力把受災的地區保存下來，讓大家可以親身目睹被超熱泥流沖垮的橋樑，被火山灰掩埋的建築物，亦希望藉此將火山爆發的體驗傳給下一代，以有助把災害的程度降低。
遠看這一座孤伶伶的樓房，本來是有五座。在火山爆發後所有樓房都再不能住人，四座都已經拆了，現只留下一座留作紀念。
這一個住宅單位是位於二樓，那大家想像一下，那一樓在那裏呢？答案就是在地下啊！
照片中的建築物，是當時新開張不久的浴場。建築物的右面的一座斷橋，也是被熱騰騰的泥流截斷了。
當日爆發前的溫泉水，今天看到是被泥流霸佔了。
火山科學館
打從第一次在台灣接觸地震的災害後，到外地旅行，1733就對火山、地震很有興趣，很想在這一方面了解多一點。
洞爺湖G8會議紀念館及觀光情報案內所
參觀完火山科學館，便開車到一分鐘的車程的G8會議紀念館。
G8是指八大工業國，即美國、英國、法國、日本、德國、加拿大、意大利與俄羅。
2008年7月7日為期3天，第34屆八大工業國集團首腦會議就在這裏舉行。當時除了這八個國家的首腦出席外，還邀請了其他15個國家的首腦。國家主席胡錦濤也是被邀請出席對話會議。
本想襯此機會到有關的會議場地看看，原來入場參觀是要收費的，所以最後打消了這一個念頭。
又是地震的遺址？
對，大家看到的原是一間精神病院，也是因為火山爆發引發的地震，變成這一個樣子。
洞爺湖 1977年火山遺構公園
時間已差不多15:30，所以我們便開車往今日入住的洞爺湖畔亭方向駛去。由這裏到酒店，只有約10分鐘的車程而已。
支笏洞爺國立公園 洞爺湖
很快我們便到達位於北海道西南部的洞爺湖畔。這時，1733發覺頭上的帽子不翼而飛。我仔細想想，帽子很大機會遺留在G8會議紀念館。所以1733便開車到G8會議紀念館，看看帽子還在嗎？
一分鐘的車程便到達G8會議紀念館，我在觀光情報案內所走了一圈，留意一下擺放旅遊資料、地圖的地方。帽子的影子也看不到啊！
在離開前，我到詢問處打算用身體語言問一下帽子的影踪。原來服務員小姐們把我的帽子擺放在辦公櫃檯上，當我走近的時候已經一眼便看到了。
把帽子戴在頭上並說聲Thank you後便離開。
洞爺湖畔
洞爺湖在北海道的西南面，整個洞爺湖就在支笏洞爺國立公園內。洞爺湖的湖面寬闊，而且由於湖的深度很大，所以湖面在冬天也不會結冰。
從上面的照片看到的小島名為中島，島上建有洞爺湖森林博物館，但要乘坐觀光船前往啊！因為早上的時候風實在很大，所以湖面也有白頭浪。
水上城堡Espoir觀光船
看看明天有沒有機會登上這觀光船遊湖及登上中島並參觀森林博物館。
觀光船收費
成人：1,320円
小童：660円
開放時間：每年4月至11月，09:00至17:00
費用： 成人200円，小童100円。
洞爺湖畔雕刻公園
洞爺湖畔亭溫泉酒店
洞爺湖畔亭800號房窗外的洞爺湖
洞爺湖畔亭800號房
因為今晚湖畔有煙火表演，所以便趕快換了浴衣到頂樓邊浸溫泉，邊欣賞洞爺湖的落霞。
洞爺湖畔亭空中大浴場 洞爺湖畔亭空中大露天風呂
上面的兩張照片取自洞爺湖畔亭
部屋食 ─ 湖畔四季膳
這一道部屋食無論在食材的品種、品質、味道都不及昨晚在定山溪的好。
吃了兩餐的部屋食，感覺是好看不好食。
洞爺湖畔亭800號房窗外景
水上城堡Espoir觀光船
洞爺湖湖畔煙火大會
原來今年的湖畔煙火大會已進入第27屆。大家要留意啊！湖畔煙火大會於每晚20:45開始，煙火的發放時間約二十分鐘。
煙火在洞爺湖發放的時候，是一邊移動一邊施放，所以無論從洞爺湖溫泉街的那一個地方，都可以欣賞得到。
湖畔煙火大會
發放期：每年4月28日至10月31日(天氣不良的情況下便會終止)
發放地：洞爺湖溫泉湖畔
洞爺湖畔亭酒店大堂
洞爺湖畔亭酒店內商店
日本北海道15天自駕遊 (行程篇) Day 1 & Day 2
日本北海道15天自駕遊 (行程篇) Day 3 至 Day 6
日本北海道15天自駕遊(行程篇) Day 9 至 Day 11
日本北海道15天自駕遊(行程篇) Day 12 至 Day 15
Sienta今天走了 121Km的路程
共走了 333Km
快速公路 IC 收費(新千歲機場 ─ 札幌市) 450円(42港元)
今天仍不需要走收費公路
1
回覆刪除[版主回覆11/02/2010 19:19:00]謝謝你的捧場。
有紅葉未呀？現在好似已經開始落雪！
回覆刪除[版主回覆11/02/2010 19:21:00]直至9月29 為止，還未被我遇上。
不過今天已經是11月2日，我想已經是處處紅楓喇。
唔係呀，好似開始落雪啦。
回覆刪除Fiamma
[版主回覆11/03/2010 15:12:00]係？我都無留意添。
這次旅遊, 可有認識到一些日本朋友嗎?
回覆刪除[版主回覆11/03/2010 15:12:00]碰到幾個好nice既日本人，好似昨天在豐平峽咁，在步道上遇到果幾位，後來在車上又見到佢地。佢地好多野同我地講，但係就雞同鴨講囉！最重要溝通方法是身體語言。
其餘仲有幾個架，不過就因為無法溝通，做唔到朋友。
又唔洗趕鴨, 點解你地日日都咁早起身呀~
回覆刪除[版主回覆11/03/2010 15:08:00]因為我地早睡早起架。
北海道果幾日好似台灣冬天咁，5點就天黑架啦！
所以每天都在5點左右便去到住宿點，6點半左最遲7點半就食晚飯。
早、晚都浸一次溫泉，團友就睇電視睇到自然瞓。我就寫野，過相同埋同D相改名囉！
早起身，D時間又好用D嘛！
同埋我呢D老鬼好早就起身架啦！
皇爺今次的日本遊記寫得好快呀, 快到差點追唔切 碰到幾個好nice既日本人-----------> 其實大部份都好nice架, 尤其係年長的, 好多時係遊旅區撞到, 大家三九唔識七, 但佢地都會點頭或講聲hi架! 你之後在美瑛看到太陽花嗎??
回覆刪除[版主回覆11/03/2010 18:14:00]皇爺今次的日本遊記寫得好快呀, 快到差點追唔切
所以昨天我都停一停，等你休息一下先囉！
其實係因為個團友病左，我要睇住佢，所以多左時間寫。慢左係攪緊D相用黎上傳。而家每張照片既size都好大，上傳次次都要好幾個鐘架。
其實大部份都好nice架, 尤其係年長的, 好多時係遊旅區撞到, 大家三九唔識七, 但佢地都會點頭或講聲hi架!
我碰到果D就係日本嬸嬸和叔叔喇！
你之後在美瑛看到太陽花嗎??
你話呢？
日本的路真係好靚又好行，不過D YEN真係好貴
回覆刪除[版主回覆11/03/2010 21:51:00]日本的道路設計、建造及維修都無得頂。
決定左去，我就無理過D YEN有幾貴喇，因為預左要洗錢，我都唔會比D貴YEN影響我既遊趣。
好喜歡彩虹~夢幻又美麗。
回覆刪除後它又更添了象徵上帝應許的意義！
[版主回覆11/03/2010 21:52:00]好耐無見你喇！
唔知點解，見到彩虹個人都好開心架。
好開心呀. 可以睇見彩虹. 我對上 一次見到彩虹, 可能是2002年同你好同事一起去澳洲Alice Spring睇Ayers Rock吧.
回覆刪除[版主回覆11/03/2010 21:59:00]我上次見到彩虹係舊年在台灣清境既民宿呀。
你好同事？好似好負面咁喎？哈哈！講笑咋！
澳洲？好喎，我都好想去呀！
你試下用 IRFANVIEW 呢隻SOFTWARE 將D 相BATCH CONVERSION, 一次過縮細佢, 跟手上載, 會快好多
回覆刪除[版主回覆11/03/2010 22:44:00]謝謝你RT，好明晚或者後天試下先。
新相機影既相都好靚喎.
回覆刪除[版主回覆11/03/2010 23:01:00]好多都唔得呀！好多相太光over左。
我用光圈先決，比我想像中映得差好多，又要諗諗去旅行練習一下個相機先至得。
又要諗諗去旅行練習一下個相機先至得。
回覆刪除o拿，你自己都係咁講啦！ 導航員好快又可以ready出發架啦！
[版主回覆11/04/2010 07:22:00]係你提醒左我支嘛。逸諗諗下你個提議都唔錯，所以留在心中囉！
唔會咁快出發架喇！
條彩虹好粗呀！
回覆刪除[版主回覆11/04/2010 20:44:00]係呀，印象中是我到現時為止最粗的一條彩虹呀。
1733 : 每位 15000 Yen 一泊二食 , 好豪既呢 , 我住果D 8000 Yen 左右咋 ,
回覆刪除天氣時陰時晴喎 .
Bye Bye !
[版主回覆11/05/2010 06:39:00]因為我第一次去日本，未試過部屋食，好似今日住既酒店係湖景，又貴D。團友就在頭兩日比我住豪D囉！跟住果D無咁貴架啦！
時陰時晴都好過落雨。Right？
回覆刪除我鍾意這張，佈局很贊！
[版主回覆11/05/2010 16:42:00]謝謝你的欣賞。
你去得多台灣, 終於去日本LU, 我等緊睇你講個間垃圾酒店點垃圾法....嘿嘿
回覆刪除[版主回覆11/06/2010 07:47:00]食得飯多，今之食下麵姐。
哈哈！你咁得意架，有好野唔睇，等睇D垃圾野架？
無咁快睇到架，因為係好多日之後呀！
我依+係德國working holiday中....都好仲意去旅行
回覆刪除我都分享下先!
大型少女~德國夜店遊記 http://doublegisrunning.wordpress.com
[版主回覆11/07/2010 10:42:00]咁好有機會享受Working holiday？係呂係半年果隻呀？
你個blog好精采！
回覆刪除點解你有咁多時間去旅行嘅？點解我無嘅？？
得閒請嚟我個blog指教吓喇。
[版主回覆11/09/2010 21:07:00]你個blog好精采！
謝謝你的欣賞。
點解你有咁多時間去旅行嘅？
都唔係吖？好多次都係攞五日假之麻。
點解我無嘅？？
因為你仲後生囉！
得閒請嚟我個blog指教吓喇
唔可以講指教，不過我已在你個blog回應左喇！
我都去過洞爺湖，真係一個幾好既地方
回覆刪除[版主回覆11/13/2010 15:16:00]是啊！真的不錯啊！
好嘢, 我冇得去有得睇, 多謝
回覆刪除[版主回覆11/13/2010 23:01:00]你唔係無得去，只不過是暫時未想去住姐。
我果時好似座纜車上去睇熊的, 印象中唔係太喜歡呢個熊館, 果時覺得果度好多假熊, 真熊只得十數隻, 完全唔覺有近百隻, 覺得冇咩好睇!! 反而湖既週邊同登記條街, 我自己既喜歡!!
回覆刪除[版主回覆11/14/2010 06:46:00]你攪錯左喇！這一個熊牧場是昭和新山熊牧場呀！我都無入去睇，因為諗住都去登別熊牧場嘛！
睇資料係佢自己聲稱有近百隻熊，我無親眼睇過架。
我之前在九州都是靠導航選 "無料" 道路行, 可能是
回覆刪除郊區(行收費道路與無料道路) 到達的時間相對不遠.
[版主回覆11/14/2010 06:50:00]我在選擇行"有料"與"無料"道路前，我是在GPS睇下兩個選擇的預計到達時間、當天行程會不會很趕和自己的精神狀態。
唔計錢，我最不喜歡行"有料"道路，愈行愈悶，無乜野睇。
點解都仲係第 4 日? 你要加快速度去寫呀...
回覆刪除[版主回覆11/14/2010 15:16:00]點解都仲係第 4 日?
唔得閒寫呀！
你要加快速度去寫呀...
我會架啦！
歡迎你既到訪啊！
原來有GPS 真係好方便, 最近聽朋友說, 在日本, 只要輸入電話號碼就得啦!
回覆刪除[版主回覆11/14/2010 16:48:00]原來有GPS 真係好方便
在外地開車，人生路不熟，有GPS是一個對駕駛人來說是一個極大的幫助啊！
在日本, 只要輸入電話號碼就得啦!
係呀！你有無留意我盡量會在景點、食店及酒店等都會附加上有關的電話號碼呀？
呢排好忙呀??
回覆刪除[版主回覆11/15/2010 21:49:00]係呀！公私兩忙呀！
不過我都積極上傳照片及將有關的短片上傳至YouTube。
youtube??? 比條 link 黎睇下. 期待~ing. 你下年會唔會再去北海道其他地方?
回覆刪除[版主回覆11/16/2010 19:06:00]youtube??? 比條 link 黎睇下
http://www.youtube.com/my_videos?feature=mhum
你下年會唔會再去北海道其他地方?
暫時未有任何計劃喎！
間旅館好正～
回覆刪除[版主回覆11/17/2010 20:47:00]我都覺得好掂呀！
登山纜車停駛>> 真令人失望啊!! 下次再去日本的話, 不防考慮去九州阿蘇, 火山口直情在你眼前, 嘆為觀止
回覆刪除門口果隻招牌黑熊都幾真吓喎
[版主回覆11/17/2010 20:50:00]下次再去日本的話, 不防考慮去九州阿蘇, 火山口直情在你眼前, 嘆為觀止
嘩！好吸引呀！
門口果隻招牌黑熊都幾真吓喎
1) 果隻唔係黑熊，係棕熊黎架。
2) 果隻係標本黎架。
看到這些照片又讓我想起15年前到這去的情形,真的好回味,現在也變的更美,自駕或許有不同體驗
回覆刪除[版主回覆11/22/2010 20:08:00]不知道我在15年後再看這一篇的時候感覺是如何呢？
自駕跟參加旅行團我相信是各有各的好處，但當我嘗試過自駕遊後更愛上了。
老兄，等到花兒也謝了！！
回覆刪除[版主回覆11/24/2010 06:26:00]稍等，稍等！
相片我已經upload至10月4日，請睇住相片先。
不便之處，請諒！
你唔開新篇寫, 我以為系舊咋. 我都系去過洞爺湖一次. 覺得無咩睇所以無再去LU, 除非溫泉酒店選好高級的PLAN, 否則夕食情願選自助餐, 個D碗碟餐真系多碗碟而已, 對外國人來說不太合胃口.
回覆刪除[版主回覆11/29/2010 20:33:00]你第日過黎睇，就要留意一下在頂部的這幾個字喇！→ 更新日期：11月28日
我唔想開新一篇寫是因為我覺得一篇過會容易D睇。
都現時為上，我只覺得好睇唔係咁好食囉！
多謝分享!!
回覆刪除[版主回覆12/14/2010 21:04:00]唔好咁客氣啦！
我去你果度睇，唔見你寫野喎？
洞爺湖畔亭空中大浴場同大露天風呂 << 真的很靚丫~~~見到幅相已幻想自己浸響度享受緊....
回覆刪除[版主回覆12/27/2010 06:52:00]咁你幻想一陣就好開始計劃及實現喇！
酒店幾好啊...d 野好像幾好食 .
回覆刪除自由行 ， 特價自由行 ， 台北自由行 ， 東京自由行 ， 曼谷自由行 ， 新加坡自由行 ， 布吉島自由行 ， 沙巴自由行 ， 宿霧自由行 ， 高雄自由行 ， 墾丁自由行 ， 大阪自由行 ， 札幌自由行
[版主回覆02/17/2011 06:36:00]兩樣都唔錯。
點解我每次收到你既回應電郵通知，除左有正文內容 [酒店幾好啊...d 野好像幾好食 ]，後面都一定有這些字嘅？↓
自由行，特價自由行，台北自由行，東京自由行，曼谷自...
但在blog上又睇唔到喎？
想問下BOOK既時候湖畔亭酒店一定係包埋一餐"部屋食"? 我見個個住呢間酒店都會食 因為我地唔食魚生架 所以我覺得呢個SET未必岩我地 如果我地唔食呢餐 附近會有其他地方食野嗎? THX
回覆刪除[版主回覆03/06/2011 11:39:00]
想問下BOOK既時候湖畔亭酒店一定係包埋一餐"部屋食"?
當然不是啦！
如果我地唔食呢餐 附近會有其他地方食野嗎?
酒店本身有得食，另外附近也有食店。
湖畔煙火大會是否每晚都有??
回覆刪除[版主回覆02/18/2013 17:24:53]不過就算有, 對煙火的盛況都唔好抱會有好大的期望
[版主回覆02/18/2013 17:22:39]嗰陣時就係, 而家就唔知喇