2012年1月7日 (星期六) 山上大風、有雨及寒冷
今天早上跟平常上班的日子一樣，06:00便下床。按原定計劃，在07:45便離開家門，很順利，在09:00便到達機場。因為昨攻已經在網上辦妥選擇座位及把登機證列印出來，所以花不到5分鐘便在長榮航空的櫃台辦妥一切手續。
跟著當然是過安全檢查及辦理出境手續啊！但在排隊接受安全檢查的時候，一名保安人員帶著兩名香港人，要求讓這兩名人士可以早一點接及安檢，原因是他倆正在趕上09:55的航班，而那時已經是09:21，所以正在排隊的幾名不同國籍，也包括我們。但當我們辦妥出境手續後，就看到這兩名趕時間的香港人，他們身邊也有兩位朋友，慢條斯理地把有關的私人物品放回包包內，一點兒也看不出是在趕上航機的樣子。
1733看在眼內，真的不是味兒。何解？因為1733猜測，他們可能是使用鬼計，欺騙保安人員以便可以怏一點過關。但1733又想，他們手上的登機證會是假的嗎？如果是真的話，那麼為什麼他們在後來又可以不趕時間呢？
希望1733真的是想多了一點，如果不是的話，香港人的聲譽、形象，有可能給他們毀了。
因為團友肚子餓，所以我倆便在大家樂吃早餐。
大家樂早餐
今天我們的航班準時在11:20便推離開登機橋，因為機場的交通非常繁忙，有很多飛機在跑道上排隊起飛。最後我們的航班在11:43才可以飛離跑道。
長榮飛機餐
航班在12:55降落台灣桃園國際機場，大約在13:05到達登機橋。
嘩！為什麼今天有這麼多的旅客到達台灣啊？我們花了20分鐘才可以辦妥入境手續。今天在台灣銀行的港元兌台幣的匯率是3.745，也算是近期比較好的匯率吧。
和運租車 ─ 桃園機場據點
下次到桃園租車，有多一選擇，因為和運在桃園機場開了一個據點，那就不用麻煩要乘車到桃園高鐵站嚕。
大屯自然公園
1733取車後，首先第一件事要做的事，便是到最近的加油站入汽油。95無鉛加滿，多謝1,126台幣。然我們便在GPS輸入小油坑。在路途上，1733經過這一個大屯自然公園，很不錯啊！可惜的是雨下得比較大，不能在步道上走走。
二子坪
距離大屯自然公園很近的是二子遊憩區，也有步道可走，但雨比剛才還下得更大。
最後，目的地小油坑也到了，但是........................。
竹子湖
幾年前到過竹子湖一次，對海芋花海印象很深。但今天再次到訪，當日的景致已不復見了。
台北市 新月商旅
這是今晚我們入住的飯店。
房間整潔，地點很方便。房價便宜，超正啊。
不過1月8日早上洗澡後，發現浴室內地板上積了洗澡後漏出的洗澡水，而且地板濕滑，比較危險。給1733扣了很多分數。
台北市 牛角燒肉
從新月商旅只步行10分鐘，便到達這1733幾年前錯幫5過的牛角燒肉。
明天會在北海岸南下宜蘭，寄望明天的天氣會更好。
行程編
Day 1 of 9 (追蹤篇)
Day 2 of 9 (追蹤篇)
Day 3 of 9 (追蹤篇)
Day 4 of 9 (追蹤篇)
Day 5 of 9 (追蹤篇)
Day 6 of 9 (追蹤篇)
Day 7 of 9 (追蹤篇)
Day 8 of 9 (追蹤篇)
Day 9 of 9 (追蹤篇)
現在台北的天氣冷不冷？
回覆刪除[版主回覆01/07/2012 23:24:03]在台北市不冷，不過下午在山上，又風又雨，都唔好話唔凍呀！
Wish you good weather tomorrow!!
回覆刪除[版主回覆01/07/2012 23:32:15]謝謝你的祝福。
陸大哥
回覆刪除不要浪費時間 去奧萬大了 花錢進入後 走一個鐘山路 你會發現 山路崩塌 尚未修復 ~@_@~ 激都激死 走個半死 紅葉看不見
[版主回覆01/07/2012 23:33:12]係？咁就唔去喇！好彩你提醒我，謝謝！
果然無偷懶，即刻出追蹤篇，讚！........唔好諗得太复雜，反正不太影響自家行程，也當與人方便吧！台灣的天氣，唉！點講呢，一月都咁大雨 >_<. ............咦，你唔 post 埋房間相片嘅？
回覆刪除[版主回覆01/08/2012 07:01:06]今晚將房間upload上黎。
無問和運，但就算不能在機場攞車，都唔洗好伕我昨天咁，搵格上搵左半個鐘有多，先至聯絡得上，來機場接我。
[老k回覆01/08/2012 00:18:44]咁，和運係咪可以係機場即刻揸走架車呢？
大屯自然公園係咪有d櫻花開左呀？張相見到少少粉紅色？好似我本書張相咁
回覆刪除[版主回覆01/08/2012 21:55:59]啱啱去食完牛肉麵+牛腱+水餃。回春水笈後就浸溫泉，而家爽晒。咁大雨我睇唔到有櫻花喎？不過剛剛睇過你本新書，對比過之後，那一片應該是櫻花喇！
我家主人也是那個時段起來的。
回覆刪除[版主回覆01/09/2012 19:47:10]哈哈！是不是職業病呢？因為平時我返工就是0600下床的啊！
沒去拜訪蔡太？別忘了1/15(週日)上午，我跟你有約喔！
回覆刪除[版主回覆01/09/2012 19:49:30]沒去啊！等你一起去嘛！去兩次，怕麻煩了蔡太。1/15的約會，我記得。在老地方等！
"就看到這兩名趕時間的香港人，他們身邊也有兩位朋友，慢條斯理地把有關的私人物品放回包包內，一點兒也看不出是在趕上航機的樣子" 我認識有d 人既態度係人地點都要等埋你先飛, 咪由人地等。
回覆刪除[版主回覆01/11/2012 18:48:35]最不想見到既就係在機上等遲到既人上機囉！
[AA回覆01/10/2012 08:30:53]直頭自私, 我慶幸無同過佢地去旅行, 不過都遇過唔少呢類 time wasters。試過搞到關左機門要重新開過比佢地入黎。
[版主回覆01/10/2012 00:22:36]我就覺咁就唔好囉！
真的要小心呀 - 浴室內地板上積水.
回覆刪除[版主回覆01/11/2012 18:52:19]是呀！地面濕滑已經危險，有積水就更危險了。所以我都在顧客意見裏面將這一項提出，希望佢地會有所改善。
我都見過d 遲到入閘人, 但唔會好似你見果d 咁大哥樣囉,通常都係一臉焦急的.........................我們花了20分鐘才可以辦妥入境手續。-----------> 你之前好快架? 我近呢三次去台灣, 好似最小都要10分鐘, 上次起碼排左25分鐘添
回覆刪除[版主回覆01/11/2012 18:54:12]係啦！我以前見既遲到趕時間既人都無咁既樣架。
原因是在同一時間內入境的旅客很多很多呀！
呀！終於成行啦！你而家在台灣嗎？have a nice trip! P.s.火腿通粉真是HK之食物代表。明知無味但一定叫的早餐。
回覆刪除[版主回覆01/11/2012 21:09:41]已在台灣5天喇！玩得好開心添。唔係喎，個早餐都幾好食喎。
和運間鋪響機場，但取車仍然要去大園取，我估因為機場冇位泊，煩架！
回覆刪除[版主回覆01/16/2012 07:35:25]黎接我既格上職員主動跟我說，桃園機場有巴士去高鐵站都好方便，也很快。因為如果當時他們的人手只有一人，便無法去機場接人客了。我跟他說，我們外地人來旅遊，要租車自駕，就是想方便。要自己攞住d行李走去搭巴士，先至攞到車？我後來想，可能外地人到格上租車的數量不多，所以不打算保持甚至擴展對外地人租車的服務。
[版主回覆01/16/2012 07:29:21]我介紹朋友到格上台中租車，以前也是一樣，因為無人手，所以要求客人自己搭的士去租車公司，車資由格上出。............最近BLOG友老k就無此服務喇。只有75折咋。
[版主回覆01/16/2012 07:25:22]但起碼在機場搵到人，唔洗成日都唔知佢係邊度嘛？今次我都左機場，周圍搵人，唔見人。打電話又無人聽。搵機場觀光局旅遊中心既人幫手用擴音器搵，又無人應。最後都係旅遊中心再次幫我打電話，先至搵到人。佢仲話，乜你地到左喇。其實我在租車的電郵上已經跟以往一樣，好清楚將我既航班資料及我的手電寫左比佢。而家機場還在擴建中，希望攞車既情況有所改善啦。
[度爸回覆01/15/2012 17:34:46]但上次和運都算唔話得，我坐的士去大園取車，佢把的士車資在車租上扣了，當免費接我，唔錯啦。
哈哈! 又出發啦! 如果我今年再去台灣的話, 目的跟前幾次肯定絕對不同, 因為我將會去追「星」! 呵呵!
回覆刪除[版主回覆01/17/2012 22:41:19]玩完返左香港喇！..............追「星」？追明星嗎？
嘩, 無上黎一排, 你又去左台灣一轉喇! 而家Yahoo blog真係衰, 無左blog友更新, 都唔知你update左.
回覆刪除預先祝你身體健康, 新年快樂, 年年都可以飛幾轉, 我明天一早要上機喇! 返黎就搬屋, 所以有排都無時間上黎.
[版主回覆09/01/2012 22:07:43]無呀！攪唔掂D自駕遊既行程呀。
[Ada & Man San回覆09/01/2012 09:56:09]1733 , 最後韓國無去到 ?
[版主回覆01/20/2012 20:56:04]台灣係我既至愛，韓國就係你既至愛啦！係喇！我打算10月至11月去韓國自駕遊呀！等你攪掂晒你既裝修，我再問你有關韓國自駕遊的事項。玩得開心D，pack野pack得好D呀。
[joe回覆01/20/2012 20:13:53]謝謝! 我都係飛韓國去滑雪, 28號返, 30號搬, 好趕, 我而家日日都pack野pack到好夜, 每日都係訓得4-5個鍾, 好累呀!
[版主回覆01/20/2012 17:45:18]係呀，無更新電郵通知真係差左好多架。謝謝你的祝福，祝你裝修順利，合心意。
你有無攪錯，聽日又飛？去邊度呀？
你好,我想問吓我想係台中高鐵站租車去清境,唔知"和運"同"格上"邊間好d,而且想問吓揸左軚車有咩要注意ga?thx!(仲有想知邊間價格平d?)
回覆刪除[版主回覆05/14/2012 07:17:03]去墾丁，路少，車又不太多。不需要上山，路又不多灣，揸車及揸電單車不太有問題。
如果你平時有揸開車，只需要用心留意及小心開車，慢慢學習開左軑車，問題就不大。但你而家先至補習開車的技巧，對當地的道路及當地人的開車習慣都不知道。開車時是不是會太多的顧慮呢？
如果一早諗住自駕，就一早要有所準備囉！
去玩啫，安全第一嘛。
我建議你今次都係包車玩會好D。
當作睇察一下台灣的道路及交通情況。下次去，先熟練駕駛再到台灣安安全全、快快樂樂自駕遊。
[Anna回覆05/14/2012 01:51:14]其實我都十五十六架,因為我哋係澳門揸開電單車,之前試過係墾丁揸過一次電單車覺得ok,但係因為今次要去南投,本來諗住以埔里做中點站,係嗰度租電單車,但係去google map度一睇,竟然係無遮無擋咁曬個半鐘先到廬山,第二日上清境,第三日去日月潭,第四日去集集,每個地方都要成兩個鐘左右車程,而且見好多路都係大直路,所以先想揸私家車,其實都怕危險,但係覺得電單車仲危險,所以先諗住操返手車,今次揸私家車啫.唉~而家真係唔知點算好.
[版主回覆05/13/2012 22:39:55]平時無揸車，在台灣又揸左軑車，咁樣危險喎？唔建議你既計劃呀。
[Anna回覆05/13/2012 00:33:54]平時無,考玩牌之後無揸過,所以諗住呢幾日操返熟手車.
[版主回覆05/12/2012 06:49:55]你平時有無揸車架？
[版主回覆05/12/2012 06:42:51]1) 一向我都係租格上，只係今次6月之旅先至係租和運，唔可以比較邊一間會好D。
2)揸左軚要注意既就係跟你平時開車既習慣完全相反囉。
3)格上會平過和運10%左右。
你幾時去呀？
用〝銀聯咭〞用ATM兌新台幣的Rates最抵 , 每次要$15手續費上限可提取20000新台幣 , 計埋手續費都抵過找換店換錢 , 可以一試 , 今次想試吓 "日租套房" , 回應都好OK～
回覆刪除[版主回覆09/02/2012 07:39:56]就算住民宿，也都要留意一下是不是合法民宿啊！
[Ada & Man San回覆09/01/2012 23:47:23]"住日租套房，要留意旅遊保險可能係唔包架"。Oh ! I see, Thanks.要再想一想～
[版主回覆09/01/2012 22:11:58]係呀！我而家都開始不在香港兌台幣架喇！
住日租套房，要留意旅遊保險可能係唔包架。