2008年12月7日星期日【第二天】早上多雲，後轉天晴
原訂行程：台中市 → 大雪山國家森林遊樂區(觀景台，雪山神木，小雪山天池，
小神木步道，稍來山步道)→台中縣谷關。
住宿 – 台中谷關溫泉區 (水舞谷關渡假溫泉館)
實際行程：台中市 → 大雪山國家森林遊樂區(小雪山天池，雪山神木，
48K觀景台，小神木步道，稍來山步道)→台中縣谷關。
住宿 – 台中谷關溫泉區 (水舞谷關渡假溫泉館)
華登商務飯店停車場
2479QQ就停在右上角第三輛啊！
華登商務飯店窗外一景
上山之前當然要購買糧水啦
今天在華登商務飯店用畢自助式早餐，Check-out之後，約在08:30開動2479QQ前往大雪山森林遊樂區。由台中市前往大雪山森林遊樂區也有一後頗長的路程，大約要走70多80Km的路，其中大部份都是山林路。
大雪山森林遊樂區簡介
大雪山森林遊樂區地處在海拔2,000米以上，面積約1,104公頃。整個森林遊樂區包括有稍來山、船型山、鞍馬山、小雪山、中雪山和大雪山。
大雪山森林遊樂區的自然景觀繼有雪山神木、小雪山天池、原始森林等。當然還有多條登山步道啦！在炎炎酷熱的夏天，在這裏也只有攝氏18度左右，嚴冬時則會維持在零下5度或以下。
當我跟香港的朋友說到台灣賞雪，聽者每每會問：『台灣會下雪？台灣有雪山？』再過兩天，我便會在雪地上行走啦！你要留意一下啊！
在10:10，我們便看到大雪山森林遊樂區了。
在東勢轉入大雪山200號林道，一路蜿蜒爬升，行了約35Km便抵達稍來山收費站。在收費站旁，有呈之字形上山的登山步道，可步行至海拔2,307米的稍來山 ─ 山頂瞭望台，聽說並不難走，來回約需2個小時。
大雪山森林遊樂區入場收費台幣200元(港幣49元)，小車停車費用100元(港幣24元)。
紅楓襯托著片片的山巒
2479QQ也停下來欣賞一下美景，還好他不躲懶，如果不是的話.......
我們終於在11:25左右到達小雪山莊停車場，前行數步，登上 一個木搭的平台，便可欣賞到下面照片所見的景色了。
小雪山遊客服務中心停車場
小雪山遊客服務中心停車場欣賞美景
由小雪山遊客服務中心停車場寬闊的行車道上步行約10分鐘便到達天池。
池水終年不涸的小雪山 ─ 天池 (海拔2540米)
看到上面的照片，遠處的道路就是通往雪山神木啦！
小雪山 ─ 天池，沿指示牌可往雪山神木。
真的有黑熊出沒喔！小心！
小雪山 ─ 天池瑞雪亭
森林浴步道
在這步道上漫步，使我的煩惱盡洗。
雪山神木
此神木的樹種為紅木檜，樹高50米，圓周13米，直徑4米。估計樹齡達1400年，差不多相當於魏晉南北朝的時代。以圓周計，為台灣神木排行榜第11名。又因為其枝條分叉，生機蓬勃，被譽為台灣最美麗的神木。
何為神木？
相信很多blog友都曾聽過神木，但神木的來由究竟是怎麼樣的呢？ 神木的稱謂緣由說法不一，常說的有以下幾種： 1) 有人說被當作神明祭拜的巨木就是神木 2) 有人說樹齡超過1000年以上的巨木，才夠格被稱為「神木」 3) 有人認為是在日據時期日本人把巨木稱為神木，之後「神木」一詞，就一直延用至今。 4) 台灣地區的原住民常將年代久遠的自然現象或產物當作神明來膜拜，重要的森林資源、大樹巨木自然也成為膜拜的對象，稱呼其為神木不外乎是尊敬神聖的意思。 5) 國際上大多是用「巨樹」(big tree)來稱呼神木。 你又對神木這一詞有什麼的想法呢？ 我們在台灣常見的神木有以下五種： 1) 紅檜 ─ 多在海拔1,300米至2,100米地方生長 2) 台灣五葉松 ─ 多在海拔300米至2,300米地方生長 3) 扁柏 ─ 多在海拔1,500米至2,600米地方生長 4) 樟樹 ─ 在低海拔地方生長 5) 香杉 ─ 多在海拔1,300米至2,800米地方生長
森林浴步道
森林浴步道細意欣賞風景
由小雪山遊客服務中心經天池、雪山神木再返回小雪山遊客服務中心，我們用了兩個小時。跟著開車前距離小雪山遊客服務中心只1Km，48K觀景台。
48K觀景台的步道入口
大家看到用筆寫著0.5Km嗎？我們沿步道往上爬，真的感覺不是走了0.5Km罷？我們來回用了45分鐘才走完，最少也有1Km罷！林務局也真的要把它攪清楚啦！
48K觀景台 (海拔2,600米)
48K觀景台上看到的景色
48K觀景台風景
遠看48K觀景台風景停車場
鞍馬山莊溫度計
鞍馬山莊正在整修之中，所以沒有下車遊覽。
因為時間已經不早，我們還要到今天晚上住宿的谷關，下山亦要需時，所以餘下的步道只有留待下次到訪才有機會走了。
豐原客運專車
公車前往大雪山森林遊樂區
如果你是選擇搭乘公車前往大雪山森林遊樂區的blog友，可留意下面的資訊喔！但我在豐原客運網，就找不到這項服務，大家最好就是致電或透過電郵查詢吧！
豐原客運每天只有一班專車往返台中火車站和大雪山森林遊樂區
台中火車站開08:00，途經有以下的地方有兩處，豐原(09:00)及東勢(09:30)，總站是大雪山森林遊樂區。全程3個小時。在15:00從大雪山森林遊樂區開出返回台中。票價台幣600元(港幣146元)已包括入場的門票了。
豐原客運聯絡電話：04-2287-7732
豐原客運網址：豐原客運
我們大約在15:00左右啟程離開大雪山森林遊樂區，開了兩個多小時的車程，終於到達今晚的住宿點，台中[谷關]，水舞谷關渡假溫泉館。
蝶舞套房
我們住的這間蝶舞套房真的很寬敞，我也不知道究竟有多大。
房間內的湯池
湯屋內，有蠟燭燃點著，湯池內放有玫瑰花瓣。又有木製風鈴、雞蛋花樹等綠色造景。我們當然先來個泡溫泉才用今天的晚餐啦！
房間外面走廊
水舞谷關渡假溫泉館
溫泉館外的街道
在溫泉館餐廳往外望街景
溫泉館餐廳
溫泉館餐廳餐牌
我們看到這個餐牌，便齊聲說：『嘩！一個套餐竟有這麼多的吃，怎可以把它吃完啊！』
我們看到有客人正在吃火鍋，但服務員小姐說這是預早訂下才有的，現在可以吃的全在餐牌上可以看到了。於是我們便在無可選擇下就點了紅酒巧克力牛肉和溫泉泡菜松陂豬各一份，再加一壺熱菊花枸杞茶及一壺熱桔茶。
溫泉館送的紅酒
想也想不到在這餐廳內的茶，是用上中式茶壺盛著的。
熱菊花枸杞茶台幣180元(港幣43.9元)
雖然是我們一相情願以為在這裏飲的茶會是用玻璃瓶盛著的，但說到這兩壺茶確實是很好飲耶！
熱桔茶 台幣180元(港幣43.9元)
紅酒巧克力牛肉 台幣300元(港幣73.2元)
不過在看到這碟紅酒巧克力牛肉時，就更摸不著頭腦了。居然是賣台幣300元(港幣73.2元)的主菜就這幾片牛肉而已。我們昨晚在精明一街吃很飽的晚餐是台幣1,000元(港幣243)兩位，所以想著在這裏吃一個價值台幣1,200元(港幣293元)一位的晚餐是無論如何吃不完的。但是原來這想法是錯的？？？
跟著來的那一碟溫泉泡菜松阪豬也忘記把它拍下來，當然也是幾片豬肉啦！
我們把服務員小姐再叫來，問問她主菜就是這麼大碟？答案是正確的。我真不知道她在我們點菜時為什麼不提點我們，因為我們在點菜時，曾問她我們是否可以把這個晚餐吃得完，而她就是 一點表示也沒有。最後我們沒有再點其他的食品便結帳離開了。
在距離溫泉餐廳不遠處買了外賣
即炒石板山豬肉 台幣100元(港幣24元)
先將山豬肉煎至半熟，切成條狀，加上洋蔥絲再炒熟而成。
竹雞 台幣80元(港幣19.5元)
將竹雞烤熟即成。
我們便帶著這兩代戰利品回到房內，吃完後再看看電視便睡覺了。
[今天2479QQ走了170Km]
Day 5 of 9 台中 武陵農場 ─ 桃園 拉拉山
多麼令人響往的自由行,不單風景美麗,想空氣一定也很清新.
回覆刪除[版主回覆02/14/2009 19:04:00]自由行的樂趣是跟旅行團旅遊真的是沒法比的，但在籌劃時也要有很大的付出啊！
在海拔2000米以上的高地，空氣又如何不會清新呢！
第一名
回覆刪除[版主回覆02/14/2009 19:05:00]噢！是第二名呀！
喔喔．．．原來做咗阿二．．．
回覆刪除[版主回覆02/14/2009 19:06:00]下次快手D啦！
你去大雪山了呀!視野比合歡山開闊吧!尤其從他觀景台(2600米)可以一次眺望玉山群峰,合歡山群峰,以及雪山群峰還有雲海.我經常在那邊遇到老外騎腳踏車上來賞景登山等
回覆刪除[版主回覆02/14/2009 20:28:00]很久沒有見到你啦！
觀景台這次沒有到啊！不過下次到台中就一定會再到大雪山的。
我在沿路也看到有單車客往山上爬，我真的很佩服他/她們的毅力。
你拍好了多紅葉喔 ! ^.^ 那個紅葉現場看到會更令人驚呼 !
回覆刪除[版主回覆02/15/2009 00:18:00]今次的行程其中的一個項目就是看紅葉嘛！所以當第一眼看到紅葉時就特別興奮啊！
我有看到其他的blog友所拍的照片，真是片地紅葉呢！
就好像等巴士一樣, 一係就一架都冇, 一係就一黎黎兩架....聽日先再細看!
回覆刪除[版主回覆02/15/2009 00:19:00]就因為個巴士車長偷懶囉！
你就好, 我還在等待我的紅葉夢, 不知何時才能見到
回覆刪除你間房好豪啫, 不過晚餐就貴了些, 若果我去旅行, 我會想食街外的街頭小吃多過酒店內的, 因為西餐邊到都有得食, 特色小吃, 機會難逢
[版主回覆02/15/2009 16:28:00]間房真係好豪架，我們訂房時是做緊特價，房租 + 早餐 浸溫泉 台幣T$3,360元(港幣819元) 是可以接受的。
晚餐主要是份量少，個服務趴小姐又唔出聲，先至比佢激死。嗰度唔係咁多特色小吃。所以便在附屬的餐廳用晚餐囉！
你住的地方真豪華啊
回覆刪除那幾片牛肉...塞牙縫都不夠...
[版主回覆02/15/2009 16:31:00]豪華就真係豪華，不過房租 + 早餐 + 浸溫泉就不算貴啦！
如果我一早知道係咁少既份量，我可以選擇不在餐廳食或者是叫個套餐囉！
大雪山...." 如果你是選擇搭乘公車前往大雪山森林遊樂區的blog友，可留意下面的資訊喔"
回覆刪除感謝對沒車一族的體貼呢 !
間温泉館很正,很享受哦 ! 800靚港幣算抵呢 !!
[版主回覆02/15/2009 22:19:00]大雪山坐公車去都好容易，又好好彩比我在山上見到有架豐原專車，所以回港就搜尋一下囉！
你下次去台中都考慮一下大雪山這一個景點啦！
間温泉館很正,很享受哦 ! 800靚港幣算抵呢 !!
原價是台幣6,720元(港幣1,639元)，所以半價就一定要住下囉！
哈, 段片講錯左, 應該只有藍天沒有白雲! 在這裡行山應該不錯! 那類似彩虹的是實際景況還是影出來的效果? 我們沿步道往上爬，真的感覺不是走了0.5Km罷 <-- 可能是指水平距離 0.5 km 我想這個"晚餐" 上菜時應該很震撼, 對不起, 看到的時候真的笑了出來!
回覆刪除[版主回覆02/15/2009 22:28:00]哈, 段片講錯左, 應該只有藍天沒有白雲! 這證明你睇片時是很認真，低讚！
在這裡行山應該不錯! 簡直是一流啦！
那類似彩虹的是實際景況還是影出來的效果? 這一張是拍出來的效果，但在現場有一些位置真的是可以看到耶穌光的。
可能是指水平距離 0.5 km 我在現場時也是這麼想。
對不起, 看到的時候真的笑了出來! 當時我就笑唔出聲啦！好在還未有媽媽聲姐。
hi, 1733
回覆刪除你下次去台中都考慮一下大雪山這一個景點啦！你下次去台中都考慮一下大雪山這一個景點啦！
正有此意, 看過下豐原客運, 真是沒有到大雪山遊樂區, 看大雪山的交通介紹, 是坐客運到了東勢鎮, 轉計程車的.
如果有客運直逹, 早去晚回, 很不錯呢 !!
[版主回覆02/16/2009 08:45:00]你寫電郵或致電豐原客運問一下，大雪山一年四季都好值得去架。
有公車上落，一天的行程我都覺得趕一D，如果在鞍馬山莊住一個晚上就更正。
風景幾好吖！不過不駕車可以去嗎？
回覆刪除[版主回覆02/16/2009 08:47:00]我在上文及在回應已經講左囉！有豐原客運專車，不過你最好先跟豐原客運聯絡一下。
快D plan 去下大雪山啦！
嘩......好正的溫泉館呀........唉........我唸我4月都係去唔成台灣0家啦.....因要保住飯碗......不過睇你的blog我就當自己去左啦......所以你要勤d update呀
回覆刪除[版主回覆02/16/2009 08:56:00]嘩......好正的溫泉館呀
這一間溫泉館真係好正，如果唔係有半價優惠，我都無機會住得到。
我唸我4月都係去唔成台灣0家啦.....因要保住飯碗
而家咁既時勢，你既決定是正確的，1733全力支持你。D風景又唔會眨時之間無左嘅，一於遲D先至去啦！
你要勤d update呀
收到！
水舞谷關溫泉館想不到裡面也很棒,好似台中的汽車旅館啊~ 老哥,這回有沒有泡溫泉泡個過癮ㄚ~
回覆刪除[版主回覆02/16/2009 09:02:00]水舞谷關溫泉館想不到裡面也很棒 從外觀看，一點兒也看不出裏面是這麼棒。
好似台中的汽車旅館啊 我的感覺跟你一樣。
有沒有泡溫泉泡個過癮ㄚ 當然有耶，物盡其用啊！
" 鞍馬山莊住一個晚上就更正 " >>>>. 都話要睇你的遊記, 偷idea啦 !!!! thanksssssssssssssss !!
回覆刪除看你的介紹, 呢度比清境農場更貼近大自然呢 !! 又心郁郁了~~
[版主回覆02/16/2009 21:02:00]睇你的遊記, 偷idea。 唔好講偷idea啦 ，難得大家都咁鍾意旅行，尤其是台灣添。你比面先至參考一下我個行程，我是很高興架。
看你的介紹, 呢度比清境農場更貼近大自然呢 !! 我相信你喜愛大雪山多過清境，原因是清境太多民宿，而且是沒有規範，長大來說，我希望不要好像泡沫咁爆破呀！所以我都會在泡沫爆破前去多幾次。
"真的會有黑熊出現?" 嘩... 好矛盾, 好驚見不過又好想見... 你地又冇追蹤下附近係咪真係有黑熊啊?
回覆刪除[版主回覆02/16/2009 21:07:00]台灣真是有黑熊的，我相信此處一定會有黑熊的影踪。好多人都會似你咁又希望有機會親眼看到黑熊，但又怕真的見到牠囉！
Wow..........nice trip! You guys drove a car.... I felt that you are amazing! Can you teach me that how can you put over 20 pictures in yahoo blog? The website does not allow me that put over 20 pictures inthe blog.
回覆刪除[版主回覆02/16/2009 21:11:00]我都答過幾個blog友啦！
其實好簡單，Yahoo只容許每次的發表不可以上傳多過20張照片，如果你要上傳另一次的2020張照片的話，你便發表多一次，多幾次就得囉！係唔係好簡單呢？
回覆刪除舍東西？味道如何？
[版主回覆02/16/2009 21:13:00]在上面編發表，就這一張照片的下面以經用粉紅色字寫左啦！我寫多次比你睇啦！
竹雞 [台幣80元(港幣19.5元)]
我覺得呢, 清境農場近starbuck那邊, 很商業化, 其他地方都已人為的修葺了, 密集式的民宿, 麻麻地啦 ! 當然行多幾步, 遠離一點遊客中心會好很多, 我就很喜歡博望新村, 小村落的寧靜.
回覆刪除所以如果有機會, 要住一下博望新村上面的聚彩園和遠離塵囂的雲蘆山莊. 因為放眼景色的確很美, 祇是在遊客中心附近的感覺不太好.
[版主回覆02/16/2009 22:53:00]清境農場近Starbuck那邊，很商業化，其他地方都已人為的修葺了，密集式的民宿。麻麻地啦 ！
我正是有這樣的感覺。
下次去清境都要留意一下聚彩園和雲蘆山莊。不過我住雲頂都好好架！好清靜添！
有看你介紹雲頂,很好呢, 還有彩虹伴你吃早餐, 一流啦 !! 上次住黃慶都很不錯, 天窗是一大特色, 交通代安排, 對沒車一族是很方便的.
回覆刪除但下次, 哈哈，聚彩園是心頭之好呢, 因為位置差不多是清境民宿之最高, 景色一定正, 加埋最大吸引, 是口碑很好的餐吃, 由民宿女主人負責, 很想試呢.
另雲蘆呢, 係離青青草原, 步行要50分鈡才到的世外桃園, 位置雖不是很高, 但因遠離車道, 附近亦沒民居, 十分僻靜呢, 所以觀星賞螢的好去處.
此兩處俱是放空之地哦 !!
[版主回覆02/16/2009 23:11:00]比你講到我而家都好想去住吓呀！台灣，我就快又來探你啦！
間溫泉館好靚呀!!!
回覆刪除多謝分享~
[版主回覆02/16/2009 23:16:00]係呀！但係如果房租收正價都非常之貴呀！
竹雞很可愛的 一般都是人工飼養啦 紅腳屬保育的 設陷阱罰款很貴滴 !
回覆刪除http://tw.info.search.yahoo.com/search/images?fr=yfp&ei=UTF-8&p=%E7%AB%B9%E9%9B%9E
[版主回覆02/16/2009 23:24:00]噢，原來竹雞的廬山真面目是這樣的。謝謝臨兵老弟的介紹。
陸叔叔~我係格上既網頁book車~但佢成日都話我個身份證號碼錯~所以book唔到~我想問你係點book架?直接打去台灣同佢book定係點?
回覆刪除[版主回覆02/16/2009 23:50:00]在網上直接book車是不可能的，因為我們不是台灣人，所以只有打電話或者好似我的做法是經電郵book。
我而家寫左去佢網頁個客戶服務留言個度~因為佢回覆留言時比我個email永遠都send唔到email既~希望佢聽日會覆我啦
回覆刪除[版主回覆02/17/2009 08:37:00]你要著緊D架，佢地的服務效率不像香港般一樣的。
有問題或者攪掂左話我知！
陸叔叔~我搞掂左了~格上職員今早打俾我confirm~借埋GPS~不過佢地原來係冇我想租個隻TOYOTA YARIS~結果轉返租VIOS~謝謝陸叔叔
回覆刪除[版主回覆02/17/2009 20:03:00]唔洗客氣！
格上是有TOYOTA YARIS租的，可能是你租的時段TOYOTA YARIS已經租晒啦！
TOYOTA VIOS都好好用架，個車款會老實好多，但我用過都好省汽油及好好力。
祝你台灣之旅順利、愉快。
你回港後會不會通知我一聲架？好讓我也欣賞一下你的遊記嘛。
1733先生 :
回覆刪除關於豐原客運去大雪山遊樂區, 我同日月潭桂月村的老板談起, 問問去大雪山意見, 王老板真係好人, 即幇我打去問了豐原客運, 大雪山的專車祇走星期6和日, 因少人搭乘所以平日沒有, 台中到大雪山很遠, 要3,4個鈡全程. 會經豐原市, 東勢, 所以可以在豐原市上車, 會省時一點.
因此, 我打算 :
day1 (fri) 可以清泉崗機場打的到豐原市, 逛逛此古老小鎮剛剛好, 又順路, 因本有打算到此一遊的.
day2 (sat) 一早便可在此搭車去大雪山, 遊覽, 住一晚,
day3 (sun) 早上繼續逛逛, 下午3時開始回程到台中車站, 應約7時了, 住宿一晚,
day4 (mon), 台中車站搭客運直到日月潭, 下午三育基督學院, 秘密花院, 涵碧步道, 放空發呆, 桂月村住一晚,
day 5 (tue) 中午離開到機場, 番香港.
這樣行程滿滿, 又不算趕, 請問有冇咩提意 ??
[版主回覆02/17/2009 21:34:00]台中火車站開08:00， 途經有以下的地方有兩處 ， 豐原(09:00)及東勢(09:30)，總站是大雪山森林遊樂區。全程3個小時。在15:00從大雪山森林遊樂區開出返回台中。票價台幣600元(港幣146元)已包括入場的門票了。
但是否需要預先訂車票？
買車票可否如你所願，星期六上山，星期日下山？
你在大雪山住在那裏？鞍馬山莊開左檔未呢？
假設你住鞍馬山莊，你如何由鞍馬山莊去你想去的景點呀？
噢，你月尾不是去花蓮咩？改左行程？
係囉~個位先生話yaris既車比較少~所以叫我轉vios喎~我估都係比人租左啦~我都係中意佢細細架方便周圍泊囉~我會通知你架~不過我寫遊記寫得好慢~十二月個次到家都係寫左個開頭咋
回覆刪除[版主回覆02/17/2009 22:07:00]十二月個次到家都係寫左個開頭咋
我都係而家至開始寫，我加緊油啦！你加左油未呀？
哈~本來加左油架~但而家又搞緊四月去墾丁既野~擺低左~加埋今次主要去倒數的行程唔及之前幾次咁刺激~就冇咩動力寫囉~陸叔叔你係咪提早退休架~點解兩三個月就可以去一次台灣咁勁既~我都好想好似你咁呀~不過冇錢又少假
回覆刪除[版主回覆02/17/2009 22:41:00]陸叔叔你係咪提早退休架？ 我無資格可以提早退休啊！
點解兩三個月就可以去一次台灣咁勁既？ 唔係咁勁啫，我每次只不過是攞五日的年假就去了九天台灣咋！
我都好想好似你咁呀~不過冇錢又少假。 你都叫我陸叔叔，即係我年齡都不小啦！你唔好咁心急，我好似你既年紀，都未有機會去完又去旅行啦！
但是否需要預先訂車票？
回覆刪除會再問清楚哦 ! 但如不多人去, 又不是熱門季節, 應ok掛.
買車票可否如你所願，星期六上山，星期日下山？ 買到去程, 回程應一樣呢 ~~
你在大雪山住在那裏？鞍馬山莊開左檔未呢？ 佢個site有開喎, 當然亦係到時再confirm.
假設你住鞍馬山莊，你如何由鞍馬山莊去你想去的景點呀？ 哈, 這是問題呀 ! 鞍馬山莊不是在遊客中心附近嗎 ?? 景點呢, 我都係打算在附近健步行呢, 倦就回頭囉 ! 放空麻 !
如果不成行.....就再上清境 hea 番轉, 再去日月潭. 嘻嘻~
噢，你月尾不是去花蓮咩？改左行程？
花蓮不會改呢 !! 台中個轉就要吼特價機票了 !!
[版主回覆02/17/2009 22:52:00]買到去程, 回程應一樣呢 ~~
要問清楚先至得，上到山先知道無車下山咁點攪？
是哦, 沒有車, 真係在山上走不了呢 !
回覆刪除或許等你1733的車子剛剛經過, 搭便車吧 !! 呵呵
如果真的買去程票, 應買埋回程了, 不敢博呢 !!
謝謝您提點呀 !
[版主回覆02/17/2009 23:21:00]如果我見到你我會主動停車，萬一我唔停車，你要大聲叫我1733呀！
我覺得係BIG TREE台灣人都叫佢做神木, 所以好多地方都有神木~
回覆刪除係哩..你有無考慮自駕黎台灣睇雪? 有既話記得預埋我, 哈哈!
[版主回覆02/18/2009 18:21:00]我覺得係BIG TREE台灣人都叫佢做神木, 所以好多地方都有神木~
我都會覺得係咁。
係哩..你有無考慮自駕黎台灣睇雪?
雖然我已經在今次既旅程睇過，但我都會再黎睇架。
有既話記得預埋我
有蔡太的參與，是蔡太的比面，無任歡迎，我一定會記得既。
我不會駕駛, 交通不便令我跟大雪山緣慳一面.....下一次再出發啦! 想不到這一份晚餐咁搵笨! 去了咁多次台灣, 倒未遇到過這情況, 通常都係抵食夾大件!
回覆刪除[版主回覆02/22/2009 06:50:00]你可以搭乘豐原客運到大雪山呀，不過就要在星期六及日才有專車上落囉！
也不能全賴餐廳搵笨，問題的出處在於 服務員小姐，如果她有介紹，絕對不會有唔夠食的情形出現，只會出現晚餐的價錢貴囉！
唔怪得1200一個餐 有咁多野食~原來一碟得咁小~哈哈~就好似法國菜一樣~每碟得小小~但有好多款!
回覆刪除[版主回覆03/05/2009 20:07:00]我未有食過法國餐，原來係每碟既份量都是很小架？
森林浴步道 細意欣賞風景 , I will like this the most!
回覆刪除[版主回覆05/19/2009 22:24:00]Thanks
想請問你係點Book呢一間酒店呢 ? 謝謝 !!
回覆刪除[版主回覆03/01/2010 20:42:00]全部住宿都是在網上訂架。
唔該先....我試咗幾日都唔得...我諗可能係網上面係 Book 唔到啦..
回覆刪除[版主回覆03/01/2010 21:56:00]係喎，真係訂唔到房喎？
我建議你在該網站的客服中心，透過電郵跟她聯絡，我相信一定無問題。
水舞有可能不知道自己的網頁出了問題架。
你呢日行程好似幾啱我wor, 如聖誕節去會有積雪未? 架車又上唔上到去?
回覆刪除酒店好正, 要幾錢一晚? 酒店旁除左呢檔豬肉之外,重有無其他野食? 重有,個 GPS 點用?
哈哈, 變左問題少女.....
[版主回覆09/08/2010 21:27:00]聖誕節去會有積雪未?
要有雪下，要有好幾個條件，我估到時下雪的機會是50/50。
如果有積雪，架車又無安裝雪鍊，就一定唔OK，極危險架。
酒店好正, 要幾錢一晚?
蝶舞套房 NT$3360 = HK$819 包早餐及浸溫泉
酒店旁除左呢檔豬肉之外,重有無其他野食?
當然有啦！
個 GPS 點用?
個 GPS無日本咁先進，是外置的。但有佢既好處，就係離開架車在路上走時，也可以SET人行路的狀態，唔使驚盪失路。又可以在晚上SET好明天行程的位置。
用法好簡單，用手寫景點名稱或輸入座標。
可以選擇粵語發聲添。
可以睇睇這一篇→ Day 1 of 5 香港 ─ 花蓮 ，我有介紹。
哈哈, 變左問題少女.....
乜你唔係少男咩？？？
想請教:
回覆刪除如果10月尾自駕遊去大雪山國家森林遊樂區適合嗎?
10月尾台中有乜好介紹(要景靚, 大自然)?
10月尾有乜植物"當造"岩睇呀? 我都想想地去郊外踩下單車...上次6月冇去賞荷係遺憾啦...
[版主回覆01/12/2011 07:23:00]你問得咁pro我唔識答個喎？
10月尾自駕遊去大雪山國家森林遊樂區適合嗎?
雨季又差唔多完，又唔會好凍，應該唔錯，不過如果你怕凍，就一定要帶定件風衣先至得架。
10月尾台中有乜好介紹(要景靚, 大自然)?
我呢個blog都講左好多好多台灣既大自然同景靚既地方，你慢慢睇下。
10月尾有乜植物"當造"岩睇呀?
咁你上網搵下料快過我搵左答你喎？
我都想想地去郊外踩下單車
我上次在台中也有租單車玩，唔錯架。
上次6月冇去賞荷係遺憾啦
點解呢？
大雪山好森林 feel 喎 ! 今日天氣超好呀 !
回覆刪除嘩 ! 原來 1733 对樹木的認知度係咁深的 , 失敬 ! 失敬 !
你嗰間水舞谷關渡假溫泉館好正
but 好似有 D 騎呢咁 ?! 我覺得張床勁似電影中嗰 D 羅馬帝國裡 D 荒淫無度既皇帝用黎寵幸的妃子嗰的咁 . 你瞓完後有冇呢嗰 feel 呀 , 1733!? 如果我後生廿年 , 我一定好 like, 但而家就 ……… 唉 …!
[版主回覆07/18/2011 06:39:00]大雪山好森林 feel 喎 !
話明 大雪山國家森林遊樂區喎？無森林 feel 點似樣呀？
今日天氣超好呀 !
對！好到我都無野好講。
1733 对樹木的認知度係咁深
唔係架，我只係將D資料寫出黎咋。
你嗰間水舞谷關渡假溫泉館好正 but 好似有 D 騎呢咁 ?!
由後生到現在，我都係唔喜歡呢D咁浮誇既野，我喜歡簡潔既。不過住一晚，無理咁多嚕。
咁又唔係咁講, 如果afford 起既, 間吾中我都想虛榮吓住番一兩晚呢D 咁正既渡假溫泉館呀, 我個 極 貧窮既心靈都經常需要慰藉架, U know!
回覆刪除[版主回覆07/18/2011 20:47:00]都係果句， 我唔喜歡呢D咁浮誇既野。
不過做優惠特價，咁就唔輪到我選擇咁多嚕。