2010年9月27日 星期一 (天色晴朗)
今日的主要行程有兩個地方，一個是在札幌市內的啤酒博物館，另一個是在小樽。
札幌市啤酒博物館(免費入場參觀)
小樽運河
當然，在未出發前，一定到酒店地下的餐廳來一個自助早餐啦！
每位1,000円(93港元)的自助式早餐
來北海道，當然先來一柸北海道牛奶啦！牛奶的味道真的是好到沒法說。
我們被安排在一個類似包廂的角落食早餐，一個字來形容，正！
早餐很好味，我主要是選取日式的食物。但食量就不多，貴精不貴多嘛！
食完早餐，就即刻出發去啤酒博物館。啤酒博物館距離酒店只有1.9Km，很近。不是自駕遊，搭乘的士也不費多少交通費用，當然也可以選擇巴士啦！
這一庭建築物是啤酒博物館內的餐廳
我們打算在小樽吃壽司，所以沒有幫襯這一間餐廳。
本來打算走快速公路去小樽，但時間旅還多著呢，所以便走國道5號，用了近一個小時便到達小樽。沿途還一邊開車，一邊看街景啊！
小樽駅
來小樽駅不是來搭乘JR，而是到這兒的旅遊中心取有關的資料。
2,625円(244港元)的旭壽司
食完這麼豐富的午餐，便把車停泊在停車場內，開始在小樽的旅遊路線上漫遊。
大正硝子館
小樽浪漫館
在小樽運河拍了黃昏照後，便返回札幌。放下行李後便在札幌JR站的地下街吃拉麵晚餐。
醬油叉燒湯麵1,000円(93港元)
鹽味叉燒湯麵(多麵)1,100円(102港元)
竟然給我爭到頭位!!
回覆刪除[版主回覆09/27/2010 21:23:00]唔洗爭架，勤D黎就得架啦！
[ 廚師推介 5,250 日元的旭壽司三文魚子海膽飯 ]
回覆刪除好貴呀!!
[版主回覆09/27/2010 21:26:00]5,250 日元(488港元)的旭壽司三文魚子海膽飯真係好貴。
但當你嚐了一口三文魚子及海膽，你就會話：『一D都唔貴！』
原來是自架豪遊, 豪玩, 豪食. 正!!
回覆刪除[版主回覆09/27/2010 23:39:00]係自駕遊，不過唔係豪遊、豪玩和豪食，你看到我們有食貴既也有食平既。
皇爺係咪覺得日本好方便呢? jr 站, 景點內指常超充足, 好多跟本無雖識日文, 去旅行都沒問題!!
回覆刪除[版主回覆09/27/2010 23:41:00]皇爺係咪覺得日本好方便呢？
係呀！
不過如果識日文就更加好囉！
可以更加了解當地的人和事，又可以跟當地人溝通。
我記得上次同惡佬去完啤酒館, 諗住去下個地方 (唔記得想去邊) 但唔知行錯條咩街, 就係咁行極行唔到, 仲係行來行去發覺係繞住個館走, 最後唔知走左幾耐, 終於行回正道!!
回覆刪除[版主回覆09/27/2010 23:45:00]講真，我既體內唔知係唔係比人安裝左一個認路裝置，好似今次咁，入黑後我在小樽唔用GPS我都知道點樣開車，無走錯路呀！
我冇您這麼幸福啦~可以去15日~夾埋元旦假期同星期六日去八日七夜囉~而家的北海道開始轉涼未呀?我幾年前的九月初去~一早一晚都有些秋意~但未見紅葉~好可惜~對了~陸叔叔~我徵用您的飛機餐相keep reference啊~我儲緊飛機餐相
回覆刪除[版主回覆09/27/2010 23:51:00]而家的北海道開始轉涼未呀?
昨日及今日除了天晴，還有點熱添呀！希望明天去定山溪有紅葉睇啦！
我徵用您的飛機餐相keep reference啊~我儲緊飛機餐相
無問題，我每次搭飛機都有映飛機餐架。你睇睇啱唔啱你啦！
三文魚子海膽飯睇見就流口水！有沒有去Le Tao吃甜品？
回覆刪除[版主回覆09/27/2010 23:48:00]無呀！食完旭去壽司，飽到死死下，想食架，真係食唔落呀！
所以最後我地都無在出拔小路食晚餐就走人。
得返兩個人去, 咁你買左 D package 咪 ??? 重要晒左好多錢......訂車訂房.....OH . 不過, 又從另一角度諗, 可以 2人世界,都唔錯啊 !
回覆刪除重咩你去旅行都咁勤力寫 blog o家, 好似返工寫稿咁, 應該放低 HK所有野, 盡情咁去食..買..玩..行..映..., 同.....睇電視, 日本有D節目好搞笑同低能.
[版主回覆09/28/2010 00:16:00]得返兩個人去, 咁你買左 D package 咪 ???
佢好彩，只係保險攞唔返錢。Package因為未比錢，旅行社話唔去無問題。
車就真係租貴左啦！
我地這個鐵三角去玩，好好玩、好夾架。
寫野都係享受既其中之一，同埋呢兩日D電視成日都係講食野，我無咁大興趣呀！
我開車去過一次楊梅.我住新竹,都幾近.不過我吾鐘意去愛賣食也.買也就ok.出面隨便一間小店都比賣場裡面的檔口好食.
回覆刪除[版主回覆09/28/2010 06:07:00]你係唔係香港人黎架？你去左台灣定居還是讀書？
你識唔識有個BLOG友叫蔡太呀！蔡太係香港人黎架！佢兩公婆就在商場內開了一間食店，幾好食架，仲好多人幫襯添。下次經過楊梅，不防去試下呀！
風景好正, 不過三文魚子海膽飯重正呀
回覆刪除[版主回覆10/01/2010 16:46:00]唔好意思，今天才可以覆你。原因是過去三天所住的酒店沒有房內/房外上網服務，有兩間有公用的電腦可以上網，但每15分鐘收100日元。所以我都無上網呀。
三文魚子海膽飯重正呀！
比你提醒我添，諗諗下都再想食呀！
1733兄，
回覆刪除啱啱收到，北海道甜品大優惠，500 日圓可以食五樣，揸車經過就望吓啦
http://www.obikan.jp/new/sweets05/index.html
[版主回覆10/01/2010 16:51:00]咁都比你搵到？
十勝我唔去喎？咁唯有下次先去啦！
見到D壽司三文魚子海膽飯我好想食呀!
回覆刪除[版主回覆10/01/2010 16:52:00]我而家諗返起都流口水呀！
要去札榥達摩食羊呀，好出名呀。我plan緊十二月初去，得七天楂，都係自駕遊，不過有小小驚，老公未試過雪地駕駛ka，寫多的遊記，俾多的資訊我啦.
回覆刪除Fiamma
[版主回覆10/01/2010 16:56:00]達摩唔知係邊度喎？
以我在北海道這幾天開車的經驗，應該好多人都無問題。但雪地開車要千萬小心啦！
我會盡量寫架啦！
醒目喎！走高速去小樽，路費好貴架！
回覆刪除[版主回覆10/01/2010 17:03:00]醒目喎！走高速去小樽
係老K提醒我架。
路費好貴架！
我唔覺得貴喎，用ETC咭都係450日元咋！用現金我就唔記得左係幾多錢。
好似今朝我由登別去美瑛，GPS話我知要6千幾日元IC費用。
但在美瑛出IC時，折實左是2250元。全程行左4個幾鐘咁耐，都算係咁架啦。
這個地方很美，我在很多blog上見到。
回覆刪除[版主回覆10/01/2010 17:05:00]我都係在其他BLOG上看到，但係今次好好彩，自己都有得去。
攪到我想即刻過日本添...d相好靚呀!!!
回覆刪除[版主回覆10/01/2010 17:07:00]黎啦，黎啦！你在韓國飛過黎好近咋！
係D景靚，所以D相先至睇得下咋！
叉燒多過麵, 正呀!
回覆刪除[版主回覆10/01/2010 17:09:00]食左幾次叉燒拉麵，最好叉燒係呢間啦！
味道都算係咁啦！
成日都去玩, 引死人咩~~~~ (羨慕中.....)
回覆刪除[版主回覆10/01/2010 17:10:00]我想成年唔洗做靜係玩，不過現實就無我份囉！
真係好好天, 恭喜晒, 台風吹過咗啦.. ... ,東京這邊由昨日一直落雨, 又回落到20度, 你果邊無影響真好..!!
回覆刪除在日本食, SUSHI 真係物有所值, 物質一定有保証, 食多D啦, 拉面有咁款, 慢慢試
[版主回覆10/01/2010 17:19:00]第二天你果便下雨，第三天就輪到定山溪啦！
整天都下雨，時大時細，勁大風，又凍添。
行程也受到大風的關係搭唔到吊車上有珠火山口呀！
拉麵食過4次，最好食就係在洞爺湖啦！
我會繼續食拉麵架。
同學, 每日一字.... 在餐廳食完之後, 在櫃台付錢果時, 千奇唔好留下小費, 只講一句>>> GO-CHI-SAW-SA-MA-DE-SI-TA... 佢地會好開心吓
回覆刪除[版主回覆10/01/2010 17:20:00]我都記得無比過小費，不過唔識講，我就全程同佢地用微笑及用廣東話跟他們說話，我感受得到佢地都好開心。
小樽運河就真係個個都係個度影相~~
回覆刪除我係拉面人, 呢個面好正....多謝你提醒, 聽日去食拉面先~~
[版主回覆10/01/2010 19:30:00]可以映條運河的角度不多嘛，而且這也是小樽的其中之一個地標呢？
你第二日係唔係真的去食左拉麵呀？好味嗎？
見到都想去呀~
回覆刪除[版主回覆10/01/2010 19:31:00]歡迎你黎睇我個blog呀！
我都係睇左幾十年相而家先至有機會去咋！
Oh! I will visit you everyday! So excited! I also want to go Hokkaido!
回覆刪除[版主回覆10/01/2010 19:33:00]歡迎你呀！唔好意思呀！我都唔知你日日都黎探我！
咁你幾時去呀？
皇爺吉祥~~
回覆刪除[版主回覆10/01/2010 19:38:00]Grace吉祥，好耐無見你黎啦！得閒就多D黎吹水啦！
日本既早餐好好味 有d溫泉門口有牛奶機, 記得試呀, 好似浸完溫泉特別好飲
回覆刪除[版主回覆10/01/2010 19:42:00]日本既早餐好好味
暫時到而家為止又唔覺得，只是一般而已。不過明天在民宿既民宿就好有期望啦！
點解？因為今晚餐飯勁掂囉！
有d溫泉門口有牛奶機, 記得試呀, 好似浸完溫泉特別好飲
浸左3日既溫泉都遇唔到有牛奶呀！只有凍水或凍茶。
祝一號及十號國慶快樂呀！
回覆刪除[版主回覆10/01/2010 19:43:00]大家咁話。
我不客氣都據為己有啦~不過我注明係來自您既博客既~您下次坐飛機返來記得再幫我影噃~ccc~好唔客氣呀我
回覆刪除[版主回覆10/01/2010 19:45:00]總之我每次映既飛機餐你都唔洗客氣攞去用啦！
我都唔見你UPDATE個BLOG既？
小樽運河好美
回覆刪除日本拉麵真的很好吃
但是對習慣喝湯的我們有點太鹹了
雖然消費較高.但是很值得
[版主回覆10/01/2010 19:50:00]日本拉麵真的很好吃
暫時我食了4次，有一次是勁好味的，其餘的也不錯。
但是對習慣喝湯的我們有點太鹹了
好好彩，我暫時喝的湯味道都OK。不過今晚在民宿喝的南瓜湯就...............................好好味呀！
雖然消費較高.但是很值得。
我也覺得是。
你第二日係唔係真的去食左拉麵呀？好味嗎？ <- 今日食左, 難食到不得了
回覆刪除[版主回覆10/01/2010 19:51:00]咁慘？？？
我都係睇左幾十年相而家先至有機會去咋！ 咁我真係要多啲上來睇相,睇吓幾時有得去...
回覆刪除[版主回覆10/01/2010 20:32:00]咁你就醒目啦！
最主要係發現yb唔使再輸入驗證碼就可以留言, 冇咁麻煩咪多啲浮上水面當抖氣lol~~
回覆刪除[版主回覆10/01/2010 20:40:00]但係大家都知道yahoo blog好唔穩定噃？你唔好理咁多，有一日用一日就算！
唔通我記錯？我記得行高速去小樽要收成五拾幾港元 （當時六算。）
回覆刪除[版主回覆10/02/2010 05:09:00]我都好似睇過GPS，佢話要千幾日元架，但過IC時只睇到收450日元。唔知係唔係用左ETC咭收平左。
到還車時，就知到結果架啦！
有d民宿既3餐超好味
回覆刪除[版主回覆10/02/2010 17:02:00]今次旅程只住一間民宿，但是連續住上兩天。
昨天晚餐及今朝早餐好味到我都唔識講呀！
1733 : 咁勤力 , 留番D時間休息及玩呀 .
回覆刪除Bye Bye !
[版主回覆10/07/2010 21:28:00]寫blog都係享受黎架，不過有好多日都無得上網嚕！
都好休閒喎~~~
回覆刪除[版主回覆10/18/2010 21:49:00]hea 到爆至真。
1733:
回覆刪除乜北海道的牛奶真喺咁好味咩 !
餐廳自助早餐, 碟果度D黑色旣肉喺咪咸魚黎 !
我都喺鐘意食廚師价紹果D三文魚子及海膽飯 ,好正喎 !
[版主回覆01/14/2011 06:39:00]乜北海道的牛奶真喺咁好味咩 !
我覺得 北海道的牛奶，味香、奶滑。不過除了在這間酒店飲既牛奶好好味之外，其他住宿點既就唔覺咁正囉！
餐廳自助早餐, 碟果度D黑色旣肉喺咪咸魚黎 !
係薰魚唔係咸魚黎！
我都喺鐘意食廚師价紹果D三文魚子及海膽飯 ,好正喎 !
咁肯定係啦！級數高好多，比既錢又多好多！
如果 1733 隊長你喜愛北海道牛奶 , E+ 百佳成日減价呀, go check check 啦！ lunch 啫 , 推介 D 5000yen 野比你 , 呢個廚師都算 睇得起你 or 老點你?
回覆刪除[版主回覆09/10/2011 00:10:00] 百佳成日減价呀？我無留意到添。
成個行程，最貴係呢一餐，不過我都覺得好值得。
我地 D 草根人民至要反通膨日日昅住 D 菜价啫 , 1733 隊長你地就梗係無留意啦 ,嘻嘻! Ｅ + 不止北海道牛奶 , 所有日本仔野都減价呀 ( except one thing), 乜你真係無留意咩 ?
回覆刪除[版主回覆09/10/2011 15:44:00]我日日只係在電視畫面上留意個日元匯價咋。