2010年9月28日[星期二] (早上天晴，中午前開始下雨)
更新日期：2011年2月21日
原定行程： 札幌市 Hotel Gracery Sapporo → 定山溪 (二見公園、
二見吊橋) → 朝日岳/夕日岳登山(二選一) → 豊平峽 →
定山溪溫泉酒店。
住宿：定山溪熱泉大酒店 花楓葉 新館 (0115-98-2002)
札幌市南區定山溪溫泉
宿費： 每位14,850円(1,381港元)，包部屋食晚餐和自助式早餐
另加每位浸溫泉稅150円(14港元)
兩位共收費：30,000円(2,790港元)
午餐： 沒有選定
實際行程：札幌 Hotel Gracery Sapporo → 定山溪 → 豊平峽 → 定山溪水庫
→ 二見公園 → 定山溪溫泉酒店。
住宿： 定山溪熱泉大酒店 花楓葉 新館 (0115-98-2002)
午餐：定山溪 COFFEE & SNACK
未跟大家分享今天的行程之前，先與各Blog友介紹一下在Hotel Garcery Sapporo所屬的停車場。
大家會問：『停車場有什麼好介紹？』
當1733在第一天到達這停車場時，我還以為我是要把車子駛進下面的停車場升降機，然後再在升降機內，按所要到的樓層，最後是把車子泊在指定的車位內。
以上所講，只是1733的一廂情願的想法而已。
我還記得當日1733把車子駛到停車場就如下面照片的位置時，工作人員問我是不是泊時鐘，我說是酒店住客，需要泊兩天。他便著1733先把行李從車上拉到地面上劃有白色架的位置。當時我還不明所以， 我便再問服務先生以確認我沒有聽錯。當我們把行李擺放在指定位置的時候，我猜想這服務員先生是會替我把車子泊好，就好像香港的代客泊車服務一樣。
原來又是1733想得太多了，服務員先生指示我把車子駛進升降機內，問我是否所有東西都已經取出？又指示我把車子兩邊的門邊鏡摺合起來，最後走出車廂再把車子鎖上，才走出升降機，那時我真是一頭霧水。
最後才知道1733的責任就是將車子駛入升降機而已，停車場的設計是全電腦自動化，會將你的車子泊好及提取你的車子。當你取車的時候，車子的車頭方向又會與駛進的時候相反，這樣的有人性化的設計，1733真的是無話可說了。
1) 先將車子停在車庫升降機的入口，然後把行李取出。
2) 等候車庫升降機的門打開，便開車駛進車庫升降機內。
服務員先生會替駕駛者留意是否駛在指定的位置內。
2) 離開車子並把車門鎖，上再步行出車庫升降機，便完成泊車的程序。
服務員先生會把停車場證給你，記得在酒店登記櫃檯蓋章及繳費啊！
星期一至星期五收費1,200円(112港元)，無限次進出。
星期六及星期日收費800円 (75港元)，無限次進出。
我們在 Hotel Gracery Sapporo 吃完早餐，大約在07:40Check-out。在這酒店辦Check-out手續很簡單。我們只需在酒店大堂指定的位置，把房門匙咭插入指定的電子儀器內，便完成Check-out手續。
我們大約在07:45離開酒店，在離開札幌市後，便沿230國道向定山溪開去嚕。
我們已經到了定山溪喇！因為前面有修路工程，所以才停下來等候指示開車啊！
由札幌市開車到定山溪，是不需要走快速公路。從GPS上得知，全程約33Km。我們在08:35便已到達定山溪的範圍。
由這裏只需再走大約15分鐘的車程，便可以到不收取費用的豐平峽水庫停車場。到豐平峽遊覽，必須要把車子停在停車場，然後購買來回乘車票。
來回收費：大人600円(56港元)；小童370円(35港元)。 [有單程票可以購買]
服務時間：08:45至16:00
在定山溪觀光案內所前，在每年9月18日至10月31日，每天有五班來回豐平峽停車場的免費穿梭巴士。
定山溪 ─ 豐平峽 混能接駁車
不知道時間尚早和平日的關係，進入水庫的這一程，只有我們兩個人。在購票時，售票員小姐問我們是香港人嗎？我答是，並問她可以說英語嗎？她說不可以。
接駁車的座位安排
箱內的座位安排與一般的不一樣，大家看到嗎？除了駕駛室外，並沒有車窗的啊！座椅後面只是一道膠簾而已。不知這安排是不是讓大家多一點親近大自然呢？
行車途中，車內有用日語的廣播介紹沿路景點。
九段之滝
混能車由停車場開至豐平峽需時大約3至4分鐘，如果不想搭乘這收費接駁車的話，我看在道旁有步道，不知道是開放給遊人使用。
短短幾分鐘的車程，便需要駛經兩段隧道。九段之滝就是座落於兩段隧道之間。
千丈岩
千丈岩就在九段之滝的對面，在這一個季節，千丈岩應是紅菜片片的，但1733那有看到什麼紅葉啊？
豐平峽
豐平峽被林野廳選為『水源之森百選』之一，於每年9月下旬至11月上旬，整個豐平峽是紅葉遍布山頭。紅的、黃的和綠的楓葉相互交錯，美不勝收。
今天是9月28日正是9月下旬，為什麼千丈岩沒有紅葉，就連到了豈平峽也是一樣呢？
究其原因，應是地球氣候變化的關係，冷天氣還沒有解臨豐平峽之故。
我們就在此處，轉乘免費登山小纜車到豐平峽展望台。不過如果遇上太多人排隊的話，可以選擇步行上豐平峽展望台，路程也不多於5分鐘啊！
豐平峽 登山小纜車
在小纜車旁，終於給1733發現了一小棵紅楓。
支笏洞爺國立公園 豐平峽展望台
由豐平峽展望台下望定山湖
在網上、在購票處收到定山溪的單張，鏡頭前面都應是紅楓片片的。
豐平峽展望台
這大木屋內有餐廳和手信店。
往由此見晴展望台140米，往溪谷展望台再多走150米。
我們當然不會錯過走步道的機會啦！
豐平峽步道入口
Go，Go，Go！
1733在步道上被偷映了！
步道兩旁滿種唐松
在途中我們遇上幾位日本長者，我們上山，她們下山。她們跟我們說了幾句說話，又指指我們要到的地方。我們不明所以，她們也知道我們聽不明白，打了個招呼，便各走各路。
有了大約7分鐘斜路，便到達見晴展望台。
從見晴展望台下望定山湖
再多走7分鐘，便到達步道的終點 ─ 溪谷展望台
從溪谷展望台下望定山湖
在不同的角度欣賞豐平峽，但總看不到紅楓。
這是我們走過的豐平峽隧道。看，隧道車道旁是可供人行走的啊！
我們大約在10:15離開豐平峽便在附近兜風，最後我們在10:50到了定山溪水庫。
定山溪下流園地案內圖
日文『下流』意思相信是中文『下游』。
定山溪水庫大霸
定山溪水庫大霸全景照係
因為下雨，所以我們沒有走上水霸頂，只在水霸下欣賞這雄偉的水霸。
憩靜的定山溪水庫
警告牌
不知道什麼原因，1733很喜愛這個警告牌的設迥。
牌從低角度再看定山溪水霸
定山溪水庫下游小溪
我們也只在定山溪水庫逗留了十多分鐘便離開。
定山溪溫泉河童
河童？究竟是什麼一回事呢？
河童是定山溪的守護神亦是當地的吉祥物。
相傳有一位年青人，被拖入河童國，過著幸福的生活。所以河童便成了當地的守護神。
在溫泉街上，豎立著不同形象、姿勢、大小的河童像多達20多具以上。
定山溪溫泉 二見公園 河童大王
河童大王是豎立在二見公園的入口。
定山溪溫泉 二見公園 二見吊橋
河童淵
在二見吊橋上欣賞河童淵的美景，照片左方是二見岩，但因為下著雨，往二見岩的山路濕、滑和斜。為了安全，我們只有遠看二見岩了。
定山溪 三笠綠地 高爾夫球場
1733只是路經而已，我們不是到此打高爾夫球啊！
定山溪 COFFEE & SNACK餐廳
時間已經是12:45，肚子開始餓了。我們隨意在此食店前停下，吃午餐去。
很寧靜的餐廳
餐廳內面積不大，但感覺地方寬敞。
餐廳內，如果我跟團友不說話，就只聽到老闆在抹杯碟時所發出的碰撞聲和少許廚房煮食的聲音。
這所餐廳始創於1970年代，1733看到就連餐廳內的裝修也是保留著當時的格局！現在朝流興懷舊，你又有沒有興趣到此餐廳懷舊一番呢？
咖哩豬扒飯 + 湯 + 沙律 850円 (79港元)
這小小的一碟沙律，選的菜很新鮮，入口即時覺得很清爽，很好味道。
小柸的餐湯味道原全不濃，清清淡淡，很好飲。
大大件新鮮炸的吉列豬扒，肉質軟幼嫩，口感極佳。在豬扒上面的配汁，味道濃淡適中。
超好味、靚仔炒飯 + 湯 + 沙律 680円 (63港元)
相信大家從照片中也可以看到這炒飯不肥膩，但又晶瑩剔透。唔！味道你們就要多多想像一下嚕！
是日午餐共消費1,530円(142港元)
餐後雨仍是不斷的下，我們又走過定山溪大橋，最後便到今天的住宿點定山溪熱泉大酒店Check-in。
原來由酒店步行到二見公園大約只需5分鐘的路程。
定山溪熱泉大酒店 花楓葉新館 酒店大堂
12張榻榻米寬的和室
榻榻米的數目愈多，表示房間也愈大。
初雪 1177 號房
稍後我們就會在這裏用餐啦！
有Blog友說1733在這一張照片中，很像江湖大佬。
而這一張賣肉的1733更似了。你又怎麼看呢？
在用晚餐前，先來個溫泉浴。不過浸溫泉的時候，就看不到如下面照片的美麗風景，因為雨仍是繼續地下，風也不小呀！
設於12樓的展望浴殿 (照片來源自該酒店網頁)
這個溫泉浴場的面積真也不小，不過在浸的時候就只有1733一個人，感覺很清淨，好舒服啊！
展望浴殿外的露天風呂 (照片來源自該酒店網頁)
在未浸過醣天風呂之前，1733不明所以為什麼要設露天浸溫泉呢？今天浸過之後，就知道室內與露天浸溫泉的分別了。
在室內浸溫泉，無論抽風的設備那麼強，那麼好，始終都不及大自然的好。溫泉水已經有攝氏40至42度，再加上不通風的話，浸了10分鐘左右，心跳的速度特別快，頭也開始有少許不舒服。但在戶外，沒有心跳、頭暈等不良返應。而且又有遠景可以看，超正啊！
浸完溫泉再休息一會，酒店的服務員便將今天的晚餐送到房上。
看！滿枱都是食物，很開心啊！
這樣多的食物，服務員嬸嬸有逐一介紹，但我們一點也聽不明白。
1733是第一次品嚐部屋食，對今天的晚餐是，視覺享受豐富，但味道只是一般而已。
晚餐食完，另一個服務員嬸嬸便替我們安置布団。
很高興得到blog友幡垣的教導，原來放在榻榻米上面用來睡的床舖叫做布団。下面用來睡的叫而敷布団，而上面蓋的叫掛布団。
日本北海道15天自駕遊 (行程篇) Day 1 & Day 2
日本北海道15天自駕遊 (行程篇) Day 3 至 Day 6
日本北海道15天自駕遊(行程篇) Day 9 至 Day 11
日本北海道15天自駕遊(行程篇) Day 12 至 Day 15
Sienta今天走了 67Km的路程
共走了 212Km
快速公路 IC 收費(新千歲機場 ─ 札幌市) 450円(42港元)
今天不需要走收費公路
1
回覆刪除[版主回覆10/31/2010 21:56:00]恭喜！恭喜！
多謝分享!
回覆刪除[版主回覆11/01/2010 12:18:00]謝謝你時常來探我呀！
係咪我寫得唔夠清楚, 定係呢位同學無聽書呢? 我好似寫左駛入 lift 呢合個位就 OK..... ~ ~ wor.
回覆刪除不過, 去旅行係應該有呢 D花邊野至好玩同難忘嘅 .
[版主回覆11/01/2010 12:26:00]係咪我寫得唔夠清楚, 定係呢位同學無聽書呢? 我好似寫左駛入 lift 呢合個位就 OK..... ~ ~ wor
你寫得好清楚，我唔上有聽書，仲背埋書架。不過我唔明白『駛入 lift 呢合個位就 OK』。原來OK既意思係再不經人手，架車會自動被攪掂泊好晒位。
不過, 去旅行係應該有呢 D花邊野至好玩同難忘嘅 .
絕對同意，唔鍾有呢D蠢野都幾好笑，又唔易唔記得架。
1733，你去得太早啦，我上次去要成月中旬先至滿山紅葉喎，下次再去過。
回覆刪除Fiamma
[版主回覆11/01/2010 12:29:00]係牙，佢D小冊子都係話9月中就有。不過唔緊要，聽你講，雨次再去過。
Oh, 打漏字，應該係10月中。
回覆刪除Fiamma
[版主回覆11/01/2010 12:30:00]無問題，明白晒。謝謝你的溫馨提示。
真係可惜呀, 睇唔到紅葉, 不過風景不錯呀。下次同我地去過你做領隊!
回覆刪除[版主回覆11/01/2010 12:38:00]
去旅行會好時遇到不能預測既事情架。尤其是天氣。無理由因為是旅行的時段，全個世界都要就晒自己嘛？
所以千萬不要被天氣或不能預測既事情影響了旅遊的樂趣。
咁樣先至自己玩得開心，又唔會影響他人的樂趣。
下次同我地去過你做領隊!
做領隊？你太睇得起我喇！
個停車場真係先進
回覆刪除[版主回覆11/01/2010 15:30:00]係啦！
不過我在札幌都見過多個停車場都是這樣的。有一些舖面好似香港既電腦洗車屋咁，這些舖就係停車場喇！
除左停車場, 其實日本仲有好多方面都人性化, 好似好多地方的廁所, 都有傷殘人士格同育嬰格等等, 仲有好多方面都係, 所以我喜歡去日本, 因為感到好舒服!! 唉....北海道已係最早凍既地方啦, 九月尾D 葉仲咁翠綠, 遲多幾十載, 可能樹葉都唔轉色, 甚至好似電視廣告講的, 連樹都冇埋囉!!
回覆刪除[版主回覆11/01/2010 18:38:00]我真係驚幾十年後D葉唔會變紅呀！
機械停車塔 .....?
回覆刪除我倒是有停過幾次 這個民國91年時台南市就有了.......
http://www.kgh.com.tw/news/9108/910805.html
[版主回覆11/01/2010 20:43:00]噢！原來台南已在早幾年前已經有這麼先進的停車場，香港地少人多，也應大力安裝才對啊！
個停車場又幾得意喎,我之前係日本見既單車停車場,有上下兩層都覺得好新奇,夠晒慳位.
回覆刪除呢個地方咁多「河童」,可以話係「河童之鄉」呀~~~
[版主回覆11/01/2010 21:10:00]我真係大鄉里呀！都係第一次見咁既停車場咋。
係呀，河童係定山溪既守護神黎架。
無論台灣或日本, 看你的BLOG都是一樣享受
回覆刪除[版主回覆11/02/2010 07:36:00]謝謝小吉的欣賞。
1733 : 定山溪 & 豊平峽 , 係一個唔錯既地方 , 夠晒寧靜 .
回覆刪除Bye Bye !
[版主回覆11/02/2010 07:44:00]同時距離札幌市又近，在札幌JR站東出口有巴士直達定山溪。很方便。
你果張露膊相, 唔好笑, 拎番把武士刀, 就真係成個大佬咁啦~
回覆刪除[版主回覆11/02/2010 14:38:00]我只想比將1733另類照片給大家看，睇下大家睇完之後會唔會眼痛呀！
拎番把武士刀？好提議呀！不過間間酒店都無呀！
點解笑同唔笑個樣差咁遠架, 果張黑社會相, 真係好惡呀, 另人望而生畏 但張露肉相就好搞笑, 好似俾人強暴完嚇傻左,係度笑!! 我都試過數間日式溫泉酒店的部屋食 (其實係佢地餐廳吃都係), 對我黎講都係好睇多於好吃, 不過就真係好得意囉, 起碼係澳門冇機會係間日式房仔度穿浴衣食飯囉!!
回覆刪除[版主回覆11/03/2010 18:06:00]講真，我唔笑個死樣好得人驚架。正如你說望而生畏，所以我要經常保持笑容囉！
其實在未拍果張露肉相前，係拍D好正常既相，不過拍拍下我就攪野，先露肩，再就係呢張喇！最多野睇就只呢一張。
你講得無錯，部屋食好睇食就麻麻！
我都係去日本先至有機會穿浴衣咋。
青春肉體
回覆刪除[版主回覆11/03/2010 20:37:00]青春肉體？
哈哈！你指的應不是我啊！
哈哈哈哈哈~1733哥哥的暴露照超搞笑！
回覆刪除[版主回覆11/03/2010 22:02:00]係我心血來潮既突然舉動黎架，所以特意放上黎，等大家睇睇我既另一面。
講真，有時我都好攪野架！
你講個車房CASE 幾有趣, 日本成日都有D 幾得意既發明~~
回覆刪除日本的觀光地點設計得好細心~~那登山小覽車幾有趣~~
[版主回覆11/06/2010 07:51:00]咁你幾時會去日本呀？
日本相撲手...
回覆刪除[版主回覆11/06/2010 07:50:00]我無日本既相撲手咁大件、咁有型掛？
咁你幾時會去日本呀？ <-- 等到美國唔再係咁印銀紙個日
回覆刪除[版主回覆11/06/2010 20:47:00]咁即係有Planning啦？
嘩!!!! 肉照都出埋 , 馬上推高收視 !!!!! 原來你都好搞笑o下.
回覆刪除[版主回覆11/06/2010 20:50:00]嘩!!!! 肉照都出埋 , 馬上推高收視 !!!!!
我又唔係咁睇喎？我諗D BLOG友會唔想睇咁肉酸既照片而唔黎睇我個BLOG呀。
原來你都好搞笑o下.
係呀！我係雙面人黎架。
炒飯看起來好美味
回覆刪除但是日本的食物冷盤居多
之前去有點不太習慣
[版主回覆11/07/2010 21:08:00]炒飯看起來好美味
吃起來也很好味架。
但是日本的食物冷盤居多，之前去有點不太習慣
我又無問題喎。
個張肉照, 1733 好似擺咗女士嘅POSE 咁, 好有肉感呀!!!
回覆刪除榻榻米>> TATAMI 係指房內地上嘅草織板, 而你地用嘅床舖叫 布団 、上面叫 掛布団 、下面叫 敷布団.... 係咪清楚好多呢
[版主回覆11/11/2010 19:32:00]個張肉照, 1733 好似擺咗女士嘅POSE 咁
唔係掛？在江戶時代既大佬唔係咁既咩？
好有肉感呀!!!
係肥膩感至啱。
謝謝你的指點，之前我完全唔知瞓果張被叫乜東東架。等我改返佢先。
好多風景....都好像台灣.....哇哈哈哈哈哈~
回覆刪除[版主回覆11/19/2010 17:48:00]都唔知係日本似台灣淨係台灣似日本喇？
嘩嘩嘩嘩嘩嘩~~~~~嘩嘩嘩嘩嘩嘩~~~~~
回覆刪除[版主回覆11/20/2010 06:40:00]你嘩D乜野呀？
歡迎你既到訪，有時間就再黎嘩下啦！
梗係嘩你張"肉照"啦, 嘩~嘩~嘩~嘩~嘩~嘩~嘩~嘩~嘩~嘩~嘩~嘩~ 咁多"嘩"野睇，我會黎多d架啦!!
回覆刪除[版主回覆11/20/2010 21:54:00]嘩！咁肉酸就唔好放上黎咁話嘛？
咁多"嘩"野睇，我會黎多d架啦!!
歡迎！歡迎！
有人通知我有嘢睇呀，特來探訪，果然無走雞，警喜+警嚇＝9分。
回覆刪除[版主回覆11/23/2010 06:32:00]咁抵死，係邊個？話我知，等我.......................讚佢。
吓？得9分咋？
好掂...間酒店...
回覆刪除[版主回覆11/30/2010 06:40:00]係勁掂至真。
而這一張賣肉的1733更似了。你又怎麼看呢？<<<你出寫真集一定好賣過d靚模.....hohoho
回覆刪除[版主回覆12/06/2010 13:55:00]我諗都係，佢地買返屋企當飛標靶用囉！
間酒店好靚呢,1733果幅相又真係幾似江湖大佬喎~~haha~~~
回覆刪除[版主回覆12/27/2010 06:56:00]係呀，間酒店好好架，值得推薦。
如果似都係賣肉大佬囉！