2010年9月30日
星期四 (天色晴朗)
因為所住的大部份酒店都沒有上網服務，所以沒有機會每天發表我在北海道的追蹤篇啦！
昨天能上網，但覆電郵及回覆已用去全晚，又無時間更新。
今天(10月10日)將結束15天的北海道之旅回香港啦！
昨天下午5時前大風又凍，在黃昏時已開始有改善。所以晚上仍可以發放煙花。
今天由榻榻米起來，看到窗外洞爺湖的中島和藍天白雲，而且只有微風，天氣和暖。
洞爺湖內的中島
今天的早餐跟昨天的晚餐一樣，無驚喜。
因為昨天未能登有珠火山口，所以今天我們仍到有珠火山村，看看登山覽車是否有服務。
有珠山登山覽車售票處
好開心，我們可以買覽車票登山啦！
從覽車上遠看昭和新山
大家有看到這昭和新山仍有白煙不斷的冒出嗎？
這就是我們所搭乘的登山覽車喇！
有珠山登山覽車站
從有珠山展望台遠眺昭和新山
有珠山火口原展望台，下面真係有個好大既火山口架。
登別熊牧場
原來這些熊都好聰明，好攪野架。
登別溫泉街的麵店
鹽水叉燒拉麵
醬油叉燒拉麵
登別地獄谷
在這裏遇到勁多香港及台灣旅遊團。
我們住的這一間房是和洋式，即是睡的是床而不是榻榻米。
登別 ─ 石水亭 ─ 櫻房餐廳自助式晚餐
1
回覆刪除[版主回覆10/07/2010 20:02:00]讚！
是否登別石水亭
回覆刪除[版主回覆10/07/2010 17:19:00]係呀！你都住過？
回覆刪除一早起來, 看到這麼美麗的湖景, 心情特別開朗吧!!
[版主回覆10/07/2010 17:18:00]何只開朗呀！簡直是興奮啦！
昭和新山>> 嘩! 超過幾十年.... 昭和時代由火山噴出來嘅熔岩, 冷卻後而成嘅新山, 我以前去九州個時, 見過平成新山, 即係平成果時形成的, 20年左右... 同學慢慢享受啦
回覆刪除[版主回覆10/07/2010 17:17:00]我都未睇過D山既年齡係咁細架。新山，我以為是幾萬年既山黎添。
洞爺湖 +藍天白雲 －好靚
回覆刪除[版主回覆10/07/2010 17:14:00]你說我一點也沒有錯。
我記得果陣時去, 山頭霧煙, 有好勁的硫磺味! 我比較鐘意呢種和洋式房, 因始終唔太慣榻榻米!!
回覆刪除[版主回覆10/07/2010 17:13:00]我記得果陣時去, 山頭霧煙, 有好勁的硫磺味!
你一點都沒有記錯。
我比較鐘意呢種和洋式房, 因始終唔太慣榻榻米!!
榻榻米我第一次瞓，感覺都唔錯喎？不過和洋式都幾得意，我未住過之前，無留意和洋式既佈局係咁安排架。
嘩......嘩.......嘩........嘩.......嘩.......
回覆刪除[版主回覆10/07/2010 17:07:00]你即係咩野意思呀？
你係讚D景色？還是其他呀？
洞爺湖內的中島 is amazing beutiful!
回覆刪除[版主回覆10/07/2010 17:05:00]我未去阿寒湖之前都係咁講。
開始覺得日本D伙食麻麻地...
回覆刪除[版主回覆10/07/2010 17:04:00]其實我對食無要求架，唔知係唔係酒店包既餐既關係呢？
會唔會自己出街食好食D呢？
登別呢幾餐會唔會好 d？我唔係太鍾意登別，因為太多旅行團。
回覆刪除[版主回覆10/07/2010 17:00:00]登別呢幾餐會唔會好 d？
午餐我食拉麵，不過不失，無驚喜。
晚餐頭果幾味是酒店煮好拿到枱面享用，幾好，唔錯。不過自助或晚餐就........，尢其是長腳蟹，勁唔掂。真失望，因為是第一次在日本食長腳蟹，給我的感覺是這樣的.......差。
我唔係太鍾意登別，因為太多旅行團。
我去到地獄谷，廣東話不絕於耳啊！都無辦法，唔通唔去咩？
你那麽多時間寫blog 嘅?
回覆刪除[版主回覆10/07/2010 16:53:00]係呀，每日大約5時左右便CHECK-IN入住宿點，所以有時間同大家吹下水囉！
不過，點都要在住宿的地方可以上網至得，好似今日咁，先至有時間覆你囉！
單是那個湖景,就夠我呆一天了!!!
回覆刪除[版主回覆10/07/2010 16:50:00]今天我到了名寒湖，洞爺湖個湖景已經給比下去了。
皇爺真係識嘆~~
回覆刪除[版主回覆10/07/2010 16:49:00]唔好咁講啦！
1733 : "有珠山" 果度 , 有冇行到盡頭 ?
回覆刪除Bye Bye !
[版主回覆10/07/2010 17:10:00]
要行兩個幾鐘，所以都無行晒呀。只是行左1個小時果一條步道咋。
你呢？你有無行晒呀？
感謝教識上傳超過二十張照片的方法
回覆刪除[版主回覆10/07/2010 16:45:00]係？我唔記得左幾時同你講過添？
日本的消費是台灣的三倍, 對嗎?
回覆刪除[版主回覆10/07/2010 16:43:00]我估我這一次去北海道的消費可以去四次台灣啦！
不是直接教我，是我在另一位網友的網誌的回應中，看到你教該網友的 謝謝
回覆刪除[版主回覆10/07/2010 20:11:00]原來係咁，不用謝啦！
好有緣呀! 石水亭我有住過，連您提及的拉麵店我都食過，那個嬸嬸一個人自己攪掂，有興趣可參觀MY BLOG
回覆刪除http://hk.myblog.yahoo.com/kingchan1977/article?mid=1360
[版主回覆10/07/2010 20:52:00]真係喎，我地在登別食同住都係一樣喎。
1733 : 我都冇行晒呀 .
回覆刪除Bye Bye !
[版主回覆10/07/2010 20:53:00]係啦！我諗行晒既人都唔會太多。
天氣好好喔!!!
回覆刪除自己出街食一定好食D啦!
你開始愛上北海道未?
我 N 年前跟團都有去過登別, 不過真係到此一遊, 映張相, 無咩印象lu, 下次自駕遊一定要去過.
[版主回覆10/08/2010 05:24:00]天氣好好喔!!!
這一天的天氣真的不錯呀！不過有兩三天就唔係咁。
自己出街食一定好食D啦!
我都係咁諗。
你開始愛上北海道未?
第一天已經愛上啦，不過唔可以去台灣咁成日都可以黎囉！
登別真係勁多香港旅遊團呀！
相信你下次去北海道可能會在明天初啦！
無記錯我係登別行上山, 見到隻野生白狐狸
回覆刪除[版主回覆10/08/2010 05:26:00]這次行程到現在，我見過兩次野生狐狸和一之鹿，好近距離果隻，近到可以用手摸到呀！
洞爺、有珠同登別都去過，真係好鍾意呢個地方
回覆刪除[版主回覆10/08/2010 05:27:00]咁你幾時會再去呀？
我地當年響登別入住果間酒包自助晚餐，唔食好似好蝕，但食左就o徙左個胃 d 位，勁失望！又係 d 長腳蟹之類，其實我唔記得間酒店叫咩名，可能係你呢間都唔定。
回覆刪除[版主回覆10/10/2010 01:35:00]我在北海道食過3次長腳蟹，有兩次的質素差到你唔信。
第一次亦係最差既一次就係登別這一間啦！
有冇浸溫泉呀
回覆刪除[版主回覆10/10/2010 01:30:00]15日的行程，浸左10日，共浸左19次。
唔覺唔覺又就返黎香港喎, ENJOY~~
回覆刪除[版主回覆10/10/2010 01:27:00]係呀！明天就回來啦！
好豐富啊~~
回覆刪除[版主回覆10/10/2010 01:27:00]真的很豐富，但好睇唔好食。
見到野生狐狸和一之鹿好開心啦, 等你既靚相~
回覆刪除[版主回覆10/10/2010 01:25:00]人就係咁架啦！在動物園內看到已經好開心。但當在你估不到的情況下看到活生生的野生動物在你的身旁會更開心。
話咁快你又就返啦!! 其實你不用不意思, 及不用每天更新, 我覺得旅行應該投入, 行程應留返回來先寫, 盡情亨受其中嘛, 每天更新要唔小時間, 冷落旅伴就唔好啦!!
回覆刪除[版主回覆10/10/2010 01:23:00]都唔快啦！已經過左14日啦！明天就回香港嚕！
每天都玩得很開心，只是昨天開始有少少唔舒服，可能是在前晚不知不覺冷親，不過沒有大碍！
我只想有機會有時間便寫少少野，當然是以不影響我的行程為主架！
唔可以既情況下我一定唔會寫既。
心都跟著你一起飛到日本了
回覆刪除好想去玩啊
[版主回覆10/10/2010 01:15:00]哈哈！明天我便由北海道飛回香港啦！
一流既旅遊BLOG﹐從中可以得到好多有用既資料~多謝
回覆刪除[版主回覆10/10/2010 06:18:00]貓媽你給我這一頂大的高帽給我帶呀？
謝謝你常來探我呀！
1733 : 今晚返黎 , 歡迎回歸 ,
回覆刪除等睇你既完整篇 .
Bye Bye !
[版主回覆10/11/2010 08:16:00]昨晚20:30降落，到攞到行李時已經是21:25。
搭的士返家已經是10:00啦！
等睇你既完整篇
有排等架。
咁快就過咗15日, 之前等你出發好似等得耐d!
回覆刪除[版主回覆10/11/2010 08:14:00]梗係，出發前我一路吹水去北海道邊道玩，住邊道。好似都吹左成個幾月啦！
而家得半個月，梗係快好多啦！
去年冬天去完北海道，今年都想去看一次秋色。但日元實在太貴了，幸好有你網誌可以望梅止渴！
回覆刪除[版主回覆10/11/2010 08:12:00]歡迎你既到訪。
我在BLOG上看有很多的朋友都是冬天到北海道。但我們覺得冬天去就每個景點都是白色。同時，戶外戶內的溫差也很大，所以選擇秋天去欣賞不同顏色的楓葉，今次真是大豐收啊！
歡迎你常來吹水。
回覆刪除牡丹蝦 ?
[版主回覆10/11/2010 08:07:00]早晨啊老弟，給你問著了，我都不知道啊！
雖然我個人十分討厭日本人...但北海道這個地方我想....我會去一次^^
回覆刪除[版主回覆10/11/2010 10:36:00]十分討厭日本人？
情意結？
北海道這個地方真的很值得去架。
老兄，歡迎盡興平安歸來！又係時間著手準備聖誕或者新年之旅喇，今次會唔會唔揀亞洲呢？
回覆刪除[版主回覆10/11/2010 13:28:00]嘩！我都未休息夠，未有時間諗，你仲緊張過我？
唔係緊張…係了解你o者。
回覆刪除[版主回覆10/11/2010 15:59:00]你好野
等待~ing.
回覆刪除長腳蟹, 勁唔掂
我都有同感, 我第一次去北海道時食過兩次, 之後就一次都無食過啦. D texture 唔知點咁, 可以講係難食. (粹屬個人口味, 好此道者唔好鬧我).
只是昨天開始有少少唔舒服
保重保重. 你有無係便利店或藥房買感冒藥呀? 日本D感冒藥勁得, 食完好快好同唔辛苦, 我今次去掃左好多貨.
[版主回覆10/12/2010 06:41:00]長腳蟹在香港我都係食過幾次，無一次是跟這次在酒店內食到的難食。
在台灣基隆也食過，都係唔好食。
都唔知點解。
點唔好食？
肉質酶、無味。
每次去旅行我都有帶藥物，所以都無買。但今次唔記得帶口罩，去買又無我用既呎碼，最後藥房好好人，將自用的備用口罩給我一個，又唔肯收錢。
乜石水亭D野食唔得呀? 我上次原本都係訂石水亭, 後來我老公出trip佢係另一間住過, (死喇! 年紀大,唔記得左係乜名tim, 得閑要睇返個blog先得)所以取消左石水亭, 我住個間d長腳蟹好正喎! 而家唸起都想食.
回覆刪除[版主回覆10/12/2010 17:42:00]
除左這幾碟酒店送到枱面好食之外，出面自助式既既完全唔掂，尤其是長腳蟹勁唔掂。
你快d睇返話我知你究竟當時係住邊間啦！
睇左我個blog喇, 我係住登別"Hotel Mahoroba" 一晚32,621Yen 包早餐及Dinner Buffet.
回覆刪除[版主回覆10/12/2010 21:41:00]我住呢間石水亭是2730兩個人，包早晚餐。
d嘢食好吸引啊!!!!景色都好正
回覆刪除[版主回覆10/15/2010 06:44:00]仲靚仲正既風景還未發表呀！
咁~我等睇你d靚相啦~
回覆刪除[版主回覆10/16/2010 22:07:00]相會陸續出架啦！不過文字就有排先有得睇呀！
因為1月及6月台灣之旅都未寫呀！
我從香港回台灣了
回覆刪除香港好漂亮好先進啊
下次要再去
[版主回覆10/18/2010 21:29:00]看來香港旅遊協會所下的功夫沒有白費啊！
歡迎你再次來港旅遊啊！
睇嚟呢個旅程都食左好多「麵」喎.
回覆刪除[版主回覆10/18/2010 22:49:00]咁都比你睇穿添！
滿意550D同15-85mm嘅質素嘛？會唔會覺得好重呢（因用開DC仔）？
回覆刪除[版主回覆10/19/2010 08:50:00]滿意550D同15-85mm嘅質素嘛？
滿意呀！不過就未能掌握得到佢既好處囉！要去多幾次旅行，用多d先至得喇！
會唔會覺得好重呢（因用開DC仔）？
一定係啦！
今次映既相，光圈大左少少，下次要多d留意下先至得。
要去多幾次旅行，用多d先至得喇！ 唔去旅行喺香港都用得架…不過，又多個理由去旅行囉！ 人哋問：1733，點解你一年去咁多次旅行嘅？你好鍾意旅行架？ 1733：冇呀，要練習用部相機嘛。
回覆刪除今次映既相，光圈大左少少，下次要多d留意下先至得。 你都好"行家"喎！有測試報告顯示鏡頭最佳表現大約將鏡頭光圈收到F/5.6-8，有興趣去下面網站睇吓。 http://www.photozone.de/canon-eos/465-canon_1585_3556is
[版主回覆10/19/2010 17:51:00]嚇死人咩？去旅行就係為左練習用部相機？我驚比人打架。
咁pro，睇唔明喎？不如過幾日你現場教我啦？
如此平靜的洞爺湖 , 我的最愛呀 !! But D 熊好似好有D污糟咁既 ? 間hotel 房是和洋式又好似有 D 騎呢喎 , 和同洋根本唔应該mix, 好多時 D 野不好食都幾映响心情架, 我明吖 !
回覆刪除[版主回覆09/15/2011 06:31:00]如此平靜的洞爺湖 , 我的最愛呀 !!
都係 我喜歡既 。
D 熊好似好有D污糟咁既 ?
乜有D熊係乾淨既咩？
間hotel 房是和洋式又好似有 D 騎呢喎
都唔係吖，幾有特色噃？
好多時 D 野不好食都幾映响心情架, 我明吖 !
我對食無乜要求，好又一餐唔好又一餐。當然餐餐都好就更正啦！不過我唔會因為唔好食而心情唔好架。
你得閒上Discovery Channel 睇睇D北極熊, 隻隻都白雪雪好乾淨呵!
回覆刪除[版主回覆09/15/2011 20:30:00]喂老友記，呢D係大灰熊，唔係北極熊黎架？
哈哈, 你問有D乜野熊係乾淨嗎？anyway, 其實個隻係灰熊定棕熊?? 點樣分架??
回覆刪除[版主回覆09/16/2011 00:13:00]灰熊 （ 學名 ： Ursus arctos horribilis ）為 棕熊 亞種 ，分布於 北美洲 西部，是北美最常見的棕熊。
棕熊 （ 學名 ： Ursus arctos ）是一種極為龐大的 熊 ，古稱 羆 ，體重可達130–700 公斤 （300–1500磅）。其中 灰熊 、 阿拉斯加棕熊 和 墨西哥棕熊 都分佈在 北美 。
棕熊的亞種尚有一些爭議，大多數專家認為棕熊有12亞種：
歐洲棕熊 Ursus arctos arctos
金熊 Ursus arctos californicus ：已滅絕。
阿特拉斯棕熊 Ursus arctos crowtheri ：已滅絕。
灰熊 Ursus arctos horribilis ：分布於加拿大和美國，是北美洲最常見的棕熊。
喜瑪拉雅棕熊 Ursus arctos isabellinus ：分布於喜瑪拉雅山脈、尼泊爾和印度北部。
阿拉斯加棕熊 Ursus arctos middendorffi ：分布於 阿拉斯加州 。
墨西哥棕熊 Ursus arctos nelsoni ：分布於 墨西哥 北部，可能已滅絕。
西藏棕熊 Ursus arctos pruinosus ：分布於中國西部。
日本棕熊 Ursus arctos yesoensis ：分布於日本北部的 北海道 。
西伯利亞棕熊 Ursus arctos beringianus ：分布於西伯利亞。
敘利亞棕熊 Ursus arctos syriacus ：分布於中東。
戈壁棕熊 Ursus arctos gobiensis ：分布於蒙古。
北極熊 Ursus maritimus;;：分佈於北極圈區域
哈哈, 敝肋, 隊長你愈解愈复雜喎....睇倒頭都痕呀, but 按你資料, 北極熊同灰熊同屬棕熊科噃, 咁米即係我又冇錯？哈哈!誤打誤撞都掂!!你唔好激氣呀隊長!
回覆刪除[版主回覆09/16/2011 18:30:00]同科啫。
大灰熊係棕色。
北極熊係白色。
隻大灰熊點乾淨都唔會好似北極熊咁白雪雪嘛。