2011年第一個blog聚的另一位主角是那一位朋友呢？
答案是2010年最後的一個blog聚既主角度爸先生。
度爸先生？為什麼這個名字好像在那一處聽過似的？
不知道跟度絲先生有何關係呢？
這個問題要留給度爸答喇！
時光過得真的很快，上一篇剛說到與度爸blog聚。原來度爸已成功地完成他的義務領隊及導遊的工作，由台中回港了。
度爸留言給我，要把我借給他的台灣旅遊書歸還。
好啊！我們也襯此機會吹吹水啊！
今天的聚會地點跟上一次一樣，在沙田大圍某茶餐廳內。這一次1733沒有遲到喇！
雖然今天是星期日，但我仍要上班，所以約了度爸09:00在茶餐廳內等。1733仍是沒辦法地、不情願地將車子停泊在茶餐廳門口的路邊，希望在吹水的時候，不需要像上一次的blog聚那樣要『走鬼』啦！
今天的上班時間是10:30，所以跟度爸的約會必須於10:15前便要結束。
大家見面後，度爸打開手提電腦，將在台灣所拍下的部份照片擋放著。他把今次旅遊所租用的兩輪九人車給我看，嘩！車廂很寬敞呀！
原來度爸在這一次的自駕遊是幫襯了艾維士租了兩輛韓國出產的九人車。艾維士的服務受到度爸的高度評價。度爸尤對艾維士迅速的回應及便宜的租金感到十分滿意。下次去台灣的話，我也會嘗試往艾維士租車自駕，看看跟格上的服務有多大的分別。
另外他也盛讚台灣的汽車旅館平、靚、正啊！
說真的，未在台灣住過汽車旅館，一定會誤以為這些汽車旅館跟黃色事業有關。但住過之後，便會完全改觀。
哈哈！今次的blog聚時間短，就只吹租車和住宿的地方已經用去了全部的時間了，看看手錶，快到10:15喇！是時候要上班喇！
好彩今次的聚會沒有遇上警察抄牌，如果不是，我們的blog聚時間便會相應地減少了。
在離開前，度爸把旅遊書還給我及送我一份手信，台灣牛軋糖一包。
度爸，牛軋糖食晒喇！好好食呀！謝謝你。
朝早BLOG聚好有型呀！
回覆刪除[版主回覆02/23/2011 06:57:00]哈哈！好有型呀？
點解呀？
我既blog聚好多都係由朝早開始架，我而家又寫緊一個blog聚都係由早上11時開始。
咁你既blog聚係唔係大多都是夜晚架，我既意思係放左工之後。
陸大哥, 有事想請教你, 我有個朋友將於Easter連同幾個家庭大大小小共16人前往墾丁旅遊, 想包車, 有沒有推介? 還有在墾丁有可觀性的農場嗎?
回覆刪除[版主回覆02/23/2011 20:19:00]你留意一下樓上blog友度爸的溫馨提示，可以致電問問這位台灣大哥，看看他會否接辦墾丁的包車服務。這位大哥也有景點凡建議，可以一併問他。
哇哈哈！橫越兩年既 blog 聚，勁呀！其實我覺得朝早 blog 聚都幾型架！ 多得皇爺遷就我呢個被化骨龍纏身既 blog 友而已……
回覆刪除[版主回覆02/23/2011 08:54:00]我遷就你?
好似係你遷就我喎, 我果日要返工, 所以要早d喎
剛剛睇完一個 blog ，內有包車資料，服務好似幾好，價錢都好公道，可能幫到下面果位 blog 友 catherine.
回覆刪除http://hk.myblog.yahoo.com/dear-daniel/article?mid=8820
[版主回覆02/23/2011 20:19:00]謝謝你溫馨提示。
謝謝陸大哥及度爸!
回覆刪除[版主回覆02/23/2011 21:27:00]不要客氣。
看見你們的blog聚真開心。我都覺得網友間亙相
回覆刪除交流吓旅遊心得，是一件賞心樂事。
[版主回覆02/24/2011 17:42:00]係呀, 次次blog聚都好開心架
在離開前，度爸把旅遊車還給我及送我一份手信，台灣牛軋糖一包。..................... 度爸成架車搬返黎hk 俾你? 好勁喎................ ...你係咪想話旅遊書呀
回覆刪除[版主回覆02/24/2011 17:41:00]咁我就試出你係好用心睇我個blog喇
改正左喇, 唔該!
咦？我好似未試過BLOG聚添!
回覆刪除不過見其他人多數係食飯或去OUTING，好少食早餐......
可能我係少見多怪~
[版主回覆02/25/2011 22:42:00]咦？我好似未試過BLOG聚添!
咁幾時得閒同你聚一聚吖？
不過見其他人多數係食飯或去OUTING，好少食早餐......
可能我係少見多怪~
因為我這一天要上班，所以只能選擇吃早餐囉！我諗聚會一個小時就真係好少有囉！因為唔夠時間吹水嘛！
樂意之至。
回覆刪除謝謝你！
[版主回覆02/26/2011 16:35:00]那就等這好日子啦！
咁忙丫你, BLOG聚之後仲要返工, 做咩唔搵日得閒D先見面?!
回覆刪除[版主回覆03/01/2011 20:26:00]擇日不如撞日嘛！