由於昨天實在太累了，累到不能入睡。所以1733唯有吃了一片止痛丸才可以入睡。
今天醒來，累的感覺減少了90%。真的不錯，不然今天就只會更累了。
今天的天氣仍然是下雨。
可能在山灣水月隔壁的加賀屋是同一個老闆的關係，今天的早餐是被安排在加賀屋的用餐區。
花蓮 安通 加賀屋溫泉山莊 用餐區
自助式早餐
花蓮 安通 山灣山月景觀溫泉會館
吃罷早餐，我們便離開山灣水月。朝著高雄市的方向前進。
途經六十石山，雖然這個時候不是金針花的季節。但無理由不上山看看風景啊！
從六十石山遠眺田園風景
一片又片的稻田，看不見盡頭。怪不得台灣的珍珠米那麼出名。
六十石山腳田園風景
有歐洲 feel 嗎？
離開六十石山，開了約45分鐘的車，我們便到了台東瑞源社區花布燈籠生活文化館。到了文化館，我們便打電話給有關的義工，給我們開門入內參觀。
台東 瑞源社區 花布燈籠生活文化館
客家花布燈籠
我們又有到過台東的鹿野高台，來鹿野高台，當然不只是在看看風景而已。我們是打算玩滑翔風箏啊！
但，原來最近滑翔風箏是不開放給未受訓練的人士使用，所以玩滑翔風箏，泡湯了！
台東 鹿野 高台 遠眺景觀
那下次要去宜蘭玩滑翔風箏嚕。
大家都有點覺得需要吃午餐了。1733便在高台找了一間吃牛肉麵的店。
台東 鹿野 林記牛肉麵
是日午餐
由台東到高雄市，仍需要走一大段的山路，而且車外仍下著時大時小的雨。
大約在16:30，我們便到了楓港。看時候大約在17:30便會到達高雄市。於是我便在FaceBook找David 哥，看看他有沒有空一聚。David 哥回覆有空，問1733有沒有約另外的blog友。
1733回覆是這一天的行程事前預計會在19:30才會到高雄市，而明天早上會乘內陸機往澎湖，所以跟本就沒有跟任何blog友會面。
然而，blog友Musicemily在Facebook曾說有機會希望在高雄跟大伙聚一聚，1733當時也未敢就此安排。
不好意思啊Musicemily，下次來高雄再找你們。
高雄 鳥松區 某7-11便利店
1733與David哥在高雄某7-11便利店
1733準時到達7-11門前，不過因為花了15分鐘找地方停車，所以遲到了。
因David 哥還未下班，所以我們會先到高雄市香格里拉精品旅店Check-in，然後David哥會在19:30到旅店接我們。
高雄市 香格里拉精品旅店 商務雙人房
這一旅店超正。房間整潔，位置鄰近火車站，但又清淨。房租便宜。
下次到高雄，1733定會再入住。
高雄市 千葉火鍋1733+David哥blog聚
David哥帶我們去吃火鍋自助晚餐，底食又好味，正。
今天由花蓮走到高雄，走了279Km。
按下面的連結，可以直接到有關的blog。
哇... 一日從花蓮到高雄... 強！
回覆刪除[版主回覆06/19/2012 22:00:51]係累先至啱。
我持意為基層中風患者提供穩定廉價的社區復康支援服務組識一小型機構＜展翅飛揚在梨木樹＞而申請「Love Ideas, Love HK集思公益計劃」，申請編號：902133。請參閱網站www.loveideas.hk並偕友好齊來投我一票，謝謝！
回覆刪除[版主回覆06/29/2012 07:02:48]現在才可以回覆你。
請問你weekend有沒有去旅遊展呢? 我星期六去了, 因為閱讀星期五的蘋果日報得知晨露庄的代表會來香港, 所以我特地跑去看他們. 哇! 台灣的booth應該是全場最大和派出最多當地民宿及旅館業者, 我覺有最少有幾十人, 他們都很落力為大家介紹, 非常熱鬧. 反之, 我看到有很多國家代表都是坐在椅子上等運到, 完全不給力, hea到爆!
回覆刪除[版主回覆06/19/2012 22:23:05]樓上樓下，我有兩個私人回應，但試了很多次回應，YB都係話系統錯誤，死未？
[版主回覆06/19/2012 22:21:57][請問你weekend有沒有去旅遊展呢?]
無呀！勁唔得閒呀！
大家都咁互動，大家先至有收穫架。
相信DAVID哥會感到....有朋自遠方來 不亦樂乎 !!
回覆刪除[版主回覆06/19/2012 22:20:22]我相信他已經感受得到喇！
旅行遇著落雨實有些兒不便，不要理它，一於照行程去玩可也。
回覆刪除香港剛除下3號風球，改掛1號，今早也在不斷下雨，現在天晴了，有太陽。
[版主回覆06/21/2012 14:02:27]我覺得咁先至識得享受旅遊之樂啊
[Peko momo回覆06/21/2012 11:45:06]跟你的想法完全一樣 !!
[版主回覆06/19/2012 22:19:45]落雨無損我的旅遊興致架。放左假，洗左錢，為乜攪到自己唔開心呀‧。
而家1號風球都無埋喇！
放工時我見到有彩虹添。
感謝您的分享！祝你有個美好的一周！
回覆刪除[版主回覆06/29/2012 07:01:11]現在才可以回覆你。
Day5 出番黎 , 咁樣睇得暢順D .
回覆刪除Wow ~ 果個 "六十石山" , 真係靚到冇朋友 .
[版主回覆06/21/2012 23:54:24]比喻得好好。
[man wai回覆06/21/2012 23:45:45]呢D就叫做 : 鹹魚青菜 , 各有所愛 .
[版主回覆06/21/2012 23:39:27]我試過嗰次一個人去台灣5天自駕遊，我就唔喜歡嚕。
[man wai回覆06/21/2012 20:21:49]搭訕講句 : 我最鍾意自己一個去旅行 .
[版主回覆06/21/2012 17:01:40]開團? 我都係喜歡小組遊多d
[Peko momo回覆06/21/2012 16:06:11]不如你開團啦 !!! 好想去哦 ~~
[版主回覆06/21/2012 14:03:15]這個就一定架喇
[Peko momo回覆06/21/2012 11:44:15]花季再去啦 ~~~~
[版主回覆06/19/2012 22:14:00][Day5 出番黎 , 咁樣睇得暢順D ].
收到，從善如流。
[果個 "六十石山" , 真係靚到冇朋友]
遲D去，仲會成山都係金針花添呀。
嘩! 看來今個trip隊長你真係好博bor! 攰到要食藥咁緊要! 第日仲花蓮直踩高雄, 勁呀!!
回覆刪除我記得上次我坐火車(自強號)好似都要成4、5粒鐘, 你由山上过去要幾耐呀? 真係要salute!!
[版主回覆06/21/2012 17:04:40]都唔係架, d水流沖你埋去舊大石, 大家都唔想撞埋去嘛, 咁我迷大大力咁扒囉
[Peko momo回覆06/21/2012 16:05:14]以為激流泛舟好輕鬆tim ~~
[版主回覆06/20/2012 06:37:41]係玩激流泛舟時太過博命划艇囉。
大約在9:45離開花蓮安通既山灣水月，計埋中途去左六十石山、花布燈籠生活文化館及鹿野高台，去到高雄David哥度已經17:45囉。
所以一初我完全唔敢約台灣既blog友聚會。
一片又片的稻田，看不見盡頭。好美呀 !!
回覆刪除[版主回覆06/21/2012 14:01:27]正到無朋友呀
我都好想玩滑翔風箏啊, 唔知去邊度有得訓練, 同埋要訓練幾耐呢?
回覆刪除[版主回覆06/22/2012 20:48:32]咁近你家，等小妹大D就可以幾時去都得啦！
[蔡太回覆06/22/2012 17:19:49]讚!
[版主回覆06/22/2012 11:57:08][唔洗訓練咩? ]
在宜蘭玩就唔洗
[蔡太回覆06/22/2012 11:25:34]唔洗訓練咩? 又話要上過堂咁既? 我唔知呀, 大概上網CHECK過下咋, 如果唔洗有咩飛行經驗之類, 又幾好喎, 不過要等我個女大D先囉~
[版主回覆06/22/2012 06:42:04]你想去玩，又唔洗訓練，又近。去宜蘭就有得玩喇！
六十石山真係好靚, 咩時侯去會開滿花?
回覆刪除David 哥唔係係墾丁seven 嘅咩?
[版主回覆06/22/2012 16:34:55]每年7~8月係採收期，滿山金針花架。
唔係喇，而家搬左去高雄喇！
1733端午節快樂呀!
回覆刪除最近好忙沒有時間過黎睇下你個旅記, 今日終於得閒啦! 已經寫到第6日, 好快喎! 寫到我最關心既高雄喇! 睇黎呢間香格里拉精品旅店都唔錯喎!
六十石山我有去過呀! 果次未開花,不過都好靚喇!
[版主回覆06/26/2012 06:33:13]唔好客氣。
[Melody回覆06/25/2012 23:05:00]謝謝你喔!
[版主回覆06/24/2012 21:49:06]預祝你獨自去自遊行成功。
[Melody回覆06/24/2012 17:35:24]我屋企人當然唔比我一個人去啦! 不過我又真係好想試下一個人去旅行既滋味, 找到朋友一齊去當然好喇! 不過如果找不到, 一個人都要去喔! 我相信台灣既治安都好好的, 應該沒大問題。
你有好多篇既blog都有寫高雄, 我會慢慢睇下！ thanks!
[版主回覆06/23/2012 22:55:32]你屋企人比你一個人去高雄咩？
我有好多篇既blog都有寫高雄架，有興趣去睇下啱唔啱你啦！
[Melody回覆06/23/2012 17:05:58]我還會有好詳細咁將每一天的行程寫出黎架。~~ 期待喔!
點解你會咁關心高雄架？ ~~ 我打算今年八月尾去呀!
香格里拉精品旅店真係唔錯，值得推薦。~~等我睇下先。
山上未開花都已經咁靚，開埋花就真係不得了喇。~~讚同, 哈合!
[版主回覆06/23/2012 02:25:19]好快，係遲晒先至啱。呢D追蹤篇應該是在旅途中寫既簡短即時報導黎架。而家變左積喇！
我還會有好詳細咁將每一天的行程寫出黎架。
點解你會咁關心高雄架？
香格里拉精品旅店真係唔錯，值得推薦。
係啦！山上未開花都已經咁靚，開埋花就真係不得了喇。
端午節快樂呀！
很美的稻田, 城市人見到一定繁惱盡除
回覆刪除[版主回覆06/27/2012 13:41:55]你講得一d都無錯呀瘋子同學