是日行程：池代大都會飯店 → 夕吹海岸 → 小室山→ 一碧湖 → 伊豆下田大和館。
今天主要係由東京的池代區開車到距離有差不多有200Km的東伊豆。
早上如常在08:00吃早餐，食完早餐便開車離開酒店，在09:30便向伊豆方向進發。
1東京池代街頭
今天勁塞車，在前往首都高速公路前的地下隧道內塞了差不多20分鐘。
駛上快速公路，經過不少的公路收費站，終於在12:30到了伊豆。
原來我們已經到了今天要到的伊東八景的其中之一的景點也不知道。
哈哈！我們只在這裏幫襯了洗手間便離去。
我們又有到過這一個海岸，不過寫明不可以隨便開車駛進。但我見有多部車在內停泊，所以也駛進了。
見到有告示牌寫著不可以釣魚，但仍看到有多位人士在釣得不知有多開心。
松本500 49-17 就是我們所用的Toyota Ractis 1300cc
啊原來是4輪驅動的，怪不得汽油消費貴啦。
伊東八景 ─ 夕吹海岸公園 ─ 手石島 @13:20
原來就是來看潮漲時，海浪打進這一個洞內的情況。
自吃了早餐後，便沒有吃過東西了。14:25了，是時候要補充一下了。
魚生 + 壽司午餐
午餐消費：9,080円 (每人平均2,270円)
我們是否吃得太多了？
食飽飽後，把GPS設定為小室山。之後便go go go！
來到小室山，未將車子停下，便看到一大遍的杜鵑花海。
我們還有乘坐這些單人吊椅上小室山啊！
今天最後一個景點是一碧湖
最後到了今天的住宿點，下田大和館。
房間外的小花園看日落
晚餐有包括烤新鮮鮑魚
今天Ractis走了205Km
兩天共走了430Km，平均每天走215Km。
汽油消費：
第一天：不用加汽油。
第二天：3,775円。
平均每天消費：1,888円(每人472円)
過路收費：
第一天 IC 收費：5,850円
第二天 IC 收費：3,690円
兩天 IC 共收費：9,540円
平均每天 IC 收費：4,770円(每人1,193円)
停車場收費：
第一天：1,000円(池代大都會酒店)
第二天：300円(伊豆小室山)
兩天共消費：1,300円
平均每天消費：650円(每人163円)
按下面連結，可以到相關的blog繼續看。
行程篇
租車篇
Day 1 of 8 追蹤篇 (香港 ─ 名古屋)
Day 2 of 8 追蹤篇 (名古屋 ─ 高山市)
Day 3 of 8 追蹤篇 (高山市 ─ 富山市)
Day 4 of 8 追蹤篇 (富山市 ─ 室堂)
Day 5 of 8 追蹤篇 (室堂 ─ 池代)
Day 6 of 8 追蹤篇 (池代 ─ 伊豆)
Day 7 of 8 追蹤篇 (伊豆 ─ 池代)
Day 8 of 8 追蹤篇 (池代 ─ 香港)
Ractis 1300cc 坐四個人連行李夠唔夠力? 呢架車港版有1500cc, 唔知點解租車得1300cc.
回覆刪除[版主回覆05/04/2013 18:37:42]呢架車港版有1500cc, 唔知點解租車得1300cc？
租車公司好多時都係出租一D最基本既型號架咋。同埋我租呢架車，係全四驅黎添。
所以在用油方面，仲貴過幾日前租嗰一架1500cc既Sienta呀。
[版主回覆05/04/2013 18:34:41]Ractis 1300cc 坐四個人連行李夠唔夠力?
行李箱係唔夠用架。呢次因為我地只帶左少少行李，其實原本租架P1車都得。
講到力水，就唔夠力喇。尤其是想扒頭既時候加速好慢。有咁既情況，又有可能係佢係一架新車黎，我上車既時候，只行左402Km，架車未行夠5000Km，仲未返廠換機油及check車，架車會開起黎會無咁順架。
伊豆我都又去喎，連續兩年，等我UP D相先。
回覆刪除[版主回覆05/04/2013 18:27:53]伊豆個名我細細個到而家都聽過好多次，今次就有機會去見識一下喇。
頭先去睇，D相仲未有有睇。
自然景色最迷人，杜鵑花田好靚啊！
回覆刪除[版主回覆05/04/2013 18:26:59]睇見個杜鵑花田，個人既心情都特別好。
本來想問 "東京" 果頭會否勁塞車 , 不過網誌中已經解答 .
回覆刪除Ractis 各方面得唔得呀 ? 有乜優點缺點 ? 本來你好似租FIELDER ,
點解中途轉既 ?
另外午餐好豐富喎 , 正呀 ~ 晚餐更正 , Yeah !!
[版主回覆05/05/2013 00:21:01][午餐好豐富喎 , 正呀 ~ 晚餐更正]
四個人食左咁多碟，真係都好誇張下架。
晚餐我食左一半無食，去左瞓覺。
[版主回覆05/05/2013 00:19:08]本來你好似租FIELDER ,點解中途轉既 ?
本來係打算在Fielder及Sienta兩個車款選擇一個既。選擇Fielder係因為佢個行李箱一定可以擺得晒4個人8日既行李。但D團友比較喜歡Sienta個樣。
好彩我地四個人都唔係攞硬喼及D軟喼都唔大，如果唔係用Sienta都有D頭痕架。
[版主回覆05/05/2013 00:11:09]Ractis 各方面得唔得呀 ?
如果以這一次既駕駛經驗來說，就覺得佢唔係好得囉！不過可能係呢架車啱啱落地無耐，唔夠時間去run佢。所以開車時無咁暢順囉。
有乜優點缺點 ?
優點暫時講唔到。
因為被列入為P2車，同用架1500CC既P2車一樣咁多車租，唔係好值囉。
[版主回覆05/05/2013 00:07:19][本來想問 "東京" 果頭會否勁塞車 , 不過網誌中已經解答]
入池代既時候，一D都唔塞車。
今日由池代出就有塞。
但最後由池代去機場又暢通無阻喎。
天氣好好喎! 海岸公園都好靚啊! 小室山公園啲杜鵑花海好靚呀!
回覆刪除[版主回覆05/05/2013 00:23:31]天氣好好喎!
八日既利程，就只係由富山上室堂這一天既天氣差少少咋。
[海岸公園都好靚啊! ]
其實無乜野睇，香港既西貢好睇好多就真。
[小室山公園啲杜鵑花海好靚呀]
靚到無朋友呀。
嘩, 天氣好好, 風景十分好.
回覆刪除你最近好嗎?
[版主回覆05/05/2013 11:04:32]咁就好嚕。
我在你咁後生既時候，旅遊係咩都未知架。
所以唔洗羨慕呀。
[茶茶回覆05/05/2013 10:23:59]現在份新工也不錯. 之前壓力也下來, 生活冇咁緊張!
好善墓你可以成日去旅行
[版主回覆05/05/2013 09:07:04]茶茶早晨呀。
8天既日本中部之旅除了一天較差少少之外都好好天，真係託福了。
剛去完玩，又寫緊blog好開心呀！
你呢？你在美國的生活又過得如何？
寿司梗係正到停不了呢！
回覆刪除[版主回覆05/06/2013 21:37:32]
[Ada & Man San回覆05/06/2013 21:29:18]哈哈！我叻囉！懂知慳識儉呢！
[版主回覆05/06/2013 21:02:28]要交學費都仲有餘錢去旅遊噃？正啦！
[Ada & Man San回覆05/06/2013 07:35:00]今时唔同往曰，要帮囡囡交學費啊！
[版主回覆05/05/2013 22:28:36]唔洗要發左達先至可以咁去掛?
[Ada & Man San回覆05/05/2013 22:05:55]你估我係你呀！發左達吖！
[版主回覆05/05/2013 14:49:54]去完東歐迷去日本囉。
[Ada & Man San回覆05/05/2013 13:10:21]好懷念曰本啊！
[版主回覆05/05/2013 09:40:22]係呀！
個老闆都好好人。仲同我地講佢去過幾之香港，跟住無幾耐又會再去。
又真係食了幾多喎
回覆刪除[版主回覆05/05/2013 14:51:37]多架。不過兩百蚊港紙唔洗，食咁多野，抵啦！
點解唔由松本直去伊豆？
回覆刪除[版主回覆05/08/2013 22:04:51]原打算我地會在17:00左右才可以到達松本攞車，我估團友係驚如果在18:00前由松本開車去伊豆，到達時會太夜了。所以選擇大路去東京掛。
但這一日，我地到達松本既時間比預期既早左個幾鐘。但到達東京既時候都要19:30。
[コーさん回覆05/07/2013 22:31:41]如由松本直去伊豆，要經過富士五湖，箱根到熱海，呢段係山路，會難行D。
如松本去東京，再東京去伊豆，兩條都是高速（中央，東名），可以舒服D。
以上係我估嘅⋯⋯
[版主回覆05/07/2013 22:07:25]仲未搵到人問。
不過會唔會因為由松本去伊豆既路程遠過去池代好多呢？
[版主回覆05/06/2013 21:04:25]問得好，唔知點解？
等我問下籌劃既團友先。
你的魚生讓我流口水.
回覆刪除[版主回覆05/12/2013 15:31:04]尤其是我而家肚餓，我都流緊口水架。
我去過大室山!無去到小室山添
回覆刪除[版主回覆05/15/2013 06:32:05]如果你地喜歡睇花海就走寶喇。
網燒鮮鮑
回覆刪除[版主回覆05/25/2013 18:19:07]燒隻鮑魚既時候，佢會陏下陏下咁架。好似好陰公咁。
不過在食嗰陣時又唔記得晒呢一個情境喇！
呢日的節目, 食物同住宿我非常鍾意呀, 羨慕~
回覆刪除[版主回覆05/26/2013 07:11:38]我估尤其是在食方面你會更鍾意添。
伊豆, 太吸引了。
回覆刪除[版主回覆06/17/2013 20:45:58]邊一D吸引到你呢？